意大利北部山區自駕遊 Tre Cime di Lavaredo 三尖峰
Day 12 - 6月24日 星期一 晴
行程: Lago di Misurina - Tre Cime di Lavaredo - Lago di Misurina 15km
住宿: Sorapiss Hotel (Double Superior Room with Balcony Lake View, half board, 兩晚291.6歐, 另加City Tax每人每晚1.5歐)
多羅米提最後一個行程係有「上帝之手」稱號嘅三尖峰Tre Cime di Lavaredo, 有個咁勁嘅名, 自然吸引不少人來潮聖, 事實亦都係咁多日以來最熱鬧一日, 登山人潮不斷, 如果當日係星期六日, 肯定更多人, 三尖峰果然係多羅米提人氣最爆燈嘅地方, 今早不敢怠慢, 未夠八點就去食早餐, 酒店早餐都係一般歐陸款式, 不過可以點杯即做咖啡
由酒店揸車去三尖峰, 約八公里路, 中途經過收費亭, 每車收30歐, 收費亭前有少量停車位, 唔想俾錢可以泊架車喺到, 不過要行五公里路, 九點前經過, 大概排十架車
來到三尖峰停車處, 立即有職員指示泊車位置, 我哋泊喺大巴站旁邊, 右邊第二架泊車後跟指示行一段路上山屋Rifugio Auronzo, 途中有公共廁所 回望四周, 路邊已泊了很多車, 原來大把人早過我哋 Tre Cime di Lavaredo Loop係最經典環廻路線, 一般人都係行呢條線, 起點在停車處附近的山屋Rifugio Auronzo, 標高2333米, 山屋外的景色 呢條線可以以順時針或逆時針環繞三尖峰行一圈, 如果順時針行, 要向停車埸方向行返轉頭, 所以行到來山屋做起點嘅山友多數以逆時針行法
我哋都係以逆時針行法, 即路線101, 沿路三尖峰都在右邊, 途經山屋Rifugio Lavaredo, Rifugio Locatelli及Malga Langalm, 全程約十公里, 大概行四至五小時 路線初段要對著太陽行, 令前景大背光, 所以不時停低回頭影相, 回望山屋Rifugio Auronzo 回望山屋Rifugio Auronzo, 下圖右邊就係三尖峰 教堂Cappella degli Alpini, 好不容易才等到所有人行過, 影張無人相 沿路景色
頭段路非常平坦, 好快來到第二間山屋Rifugio Lavaredo, 標高2344米 到咗山屋Rifugio Lavaredo後, 有個分叉路口, 可以選擇直接行斜路上 或者繼續向前行兜路上三尖峰, 我哋跟大隊直接行斜路上, 只有日本團揀兜路行, 後來才知道兜路行, 可以睇到三尖峰似城堡的角度 山壁上有聖母頭像
望返落山屋, 見到下路真係兜咗個大圈
上完斜路就係三尖峰第一個打咭靚位, 山路兩邊仲有人咁高嘅積雪, 有啲似立山黑部果條雪牆路 藍天下的三尖峰
右邊紅色屋頂就是山屋Rifugio Locatelli, 下一個checkpoint
影幾張相之後
繼續101路線向山屋Rifugio Locatelli進發
由呢度開始, 似乎每行幾步就回頭影相, 如果以順時針行, 就可以正面望著三尖峰行, 應該可以舒服順暢啲, 點解多數人都係逆時針行呢？ 途沿不斷搵不同前景來影主角三尖峰
四方八面嘅環境其實都相當荒蕪 來之前無諗過山上會有咁多積雪, 而家多咗雪景襯托, 真好彩 全景相好厚嘅積雪路
應該係靠佢殺開條雪路出來俾人行
行下影下, 好快又到第三間山屋
如果唔想停山屋就繼續向前行, 否則要沿之字路上一段斜路 第三間山屋Rifugio Locatelli, 標高2450米
山屋有個大平台, 對正三尖峰嘅正面
好可惜山屋仲未營業, 無得開餐, 淨係可以喺到休息下, 食自己帶來的小食, 果汁及生果, 都係喺酒店早餐時攞的, 見好多住客都攞, 唯有融入佢哋嘅文化, 跟攞😁 在山屋附近的教堂Chiesetta San Bernardo di Mentone protettore degli alpinisti (1959), 長名教堂
山屋四面都有山友聚集, 好熱鬧 呢度仲未完全溶冰嘅小湖Laghi dei piani 中午時分, 三尖峰仲係背光嘅狀況, 睇來晏啲先開始行, 以順時針行法, 大約一、兩點來到會係最好 周圍行多陣, 又繼續行程
突然間有架四驅車殺出來, 應該係山屋嘅人, 可以直接揸車上來真好
正午過後, 開始多雲
呢段路嘅指示唔太清楚, 不過可以依稀見到條路, 先剷落山谷, 然後又再上山 附近仲有好多路線
黃線就係過咗山屋之後嘅前半段落山路, 之字形嘅碎石斜路, 算係最難行一段 之後再行埋後半段狀況較好嘅落山路
望向前路, 落到山谷之後, 又要行返上三尖峰旁 通過山谷後, 就要行最攞命一段上坡路, 山谷兩面嘅景色 行咗半段上坡路之後, 可以清楚望返由山屋Rifugio Locatelli過來嘅路線, 黃線就係由山屋落山谷到爬返上山嘅路線 行完長命斜, 就來到最後一間山屋Malga Langalm, 標高2283米, 同樣都係未營業 另一角度的三尖峰
過埋Sorgenti Fiume Rienza湖之後
剩低嘅路程都係一般平坦山路
不過有個位俾冰雪覆蓋著, 路面較狹窄, 旁邊又係山坡, 好彩有人幫幫, 先至安全行過 睇返轉頭, 路邊都唔算好斜, 45度左右, 不過啲冰又濕又跣, 當時喺上面行真係好驚會跣落山 Last一段路, 望著嶙峋嘅山群Cadini Group來行, 個view好靚 見到呢個牌就差不多終點在望
Cadini Group
轉完一個大灣之後, 終於見到起點嘅山屋及停車處, 原來呢邊嘅上路都泊滿車
順路行去望下架車, 無唔見仲喺度
大約三點, 返回起點山屋Rifugio Auronzo, 去個洗手間同休息下 唔肚餓, 自助買咗兩罐汽水及蛋糕, 共10歐, 而家睇返覺得好貴, 唔抵食👎
休息過後, 再喺山屋外面行下 另一方向對著Auronzo di Cadore鎮及周圍景色
臨走前, 影埋個地標牌
三尖峰亦有巴士線往來Lago di Misurina, 如果唔揸車, 可以揀搭巴士
呢兩日住喺米蘇里納湖嘅酒店, 我哋住嘅客房喺二樓最右邊嗰間(綠色方格) 七點半, 又到晚餐時候, 自助沙律, 另外啤酒及汽水(共6歐)
照舊跟同伴揀唔同菜式, 第一道主菜Paccheri with shellfish sauce, cherry tomatoes, mint and flavoured bread
Risotto with "Nduja" cream and turnip tops
第二道主菜Typical grilled sausage with soft polenta and porcini mushrooms
Venison stew with grilled polenta
甜品, 雪糕
今日三尖峰的夕陽景
紀念品, 各6.5歐
上一篇: 意大利多羅米提山區自駕遊 Day 11
下一篇: 意大利多羅米提山區自駕遊 Day 13
好彩呢日好天，真係好靚👍
回覆刪除係呀, 好好彩
刪除