意大利北部山區自駕遊 威尼斯玻璃島、彩色島
Day 14 - 6月26日 星期三 晴
行程: 威尼斯主島 - 玻璃島 - 彩色島 - 威尼斯主島
住宿: Venice Halldis Apartments (Two-Bedroom Apartment, 三晚522歐, 另加City Tax每人每晚3歐)
潟湖係一種因為海灣被沙洲封閉而慢慢演變為的湖泊, 而家唔識嘅嘢只要肯問姑哥, 幾乎即刻有答案, 威尼斯湖就係呢種地理現象, 而威尼斯就坐落在威尼斯湖上及由118個小島組成。今日嘅行程係外島遊, 遊覽威尼斯其中兩個較著名嘅小島, Murano(玻璃島)及Burano(彩色島), 第一站係玻璃島, 八點半左右由火車站碼頭坐三號線出發, 約四十分鐘船程
玻璃島有幾個停靠站, 當時有好多人喺Murano Faro落船, 所以跟大隊落船, 對我哋來講邊個站落船分別不大, 反正都係周圍行, 而玻璃島亦好細
沿途上所見的建築物
玻璃島顧名思義, 因為島上有好多玻璃工廠及玻璃藝術品店而得名 經過一間玻璃廠Mazzega Glass Factory, 剛巧有班外國團入去參觀, 咁就跟埋入去一齊睇
初頭以為師傅整梗水樽, 點知幾下手勢就整咗隻馬出來 天神之后堂Chiesa di Santa Maria degli Angeli 由天神之后堂望返對岸, 右邊有聖伯多祿致命堂Chiesa di San Pietro Martire, 左邊個鐘樓係Torre dell'Orologio
剛剛入去參觀的Mazzega Glass Factory Ponte Longo橋
原本穿入橫巷想入去聖伯多祿致命堂睇下, 但反而見到間有冷氣嘅餐廳Crema & Cioccolato, 就順便食個早餐先 簡簡單單叫咗2杯咖啡(6歐)及麵包(2.4歐)
Torre dell'Orologio及玻璃樹 聖伯多祿致命堂Chiesa di San Pietro Martire
之後隨意周圍行下, 沿路兩岸景色 沿路兩岸景色
玻璃島另一個水上巴士站Murano Colonna 天氣太悶熱, 無乜心機再行, 十一點半左右離開玻璃島, 繼續坐三號線去Burano彩色島, 又要四十分鐘船程, 大概十二點半去到彩色島, 呢個島嘅喱士刺繡製品好出名, 上岸後就立即見到間售賣喱士產品嘅紅屋 彩色島嗰名由來顯而易見, 島上的房屋外牆都油上色彩鮮明的顏色
坐落島中心位置的Love viewing bridge, 影咗一陣相, 原本由碼頭一齊行過來嘅遊客已經散得無影無蹤 由Love viewing bridge沿水道隨意行咗一段, 沿路都係彩色屋, 而且外牆油漆好多都好似新油上去咁 大約一點, 行咗只係半小時, 已經頂唔住猛烈陽光, 要去食午餐避開下, 餐廳喺旅行前已經揀定, 亦係喺威尼斯唯一一間計劃要去嘅餐廳, 叫Trattoria da Romano, 係間百年老店, 位於教堂旁邊的廣場 Great drought beer, 每瓶6歐
點咗三個菜, Mixed of mussels and clams(14歐)
Fried squids(15歐), 呢味餸明知唔及港式椒鹽鮮魷, 但今日想食, 都要點
仲有最著名嘅Spaghetti with cuttlefish sauce(18歐)
餐廳內環境, 客人睇落多數係遊客, 待應全部都有返咁上下年紀, 做到踢晒腳, 招呼我哋個亞伯, 都算唔錯, 餸菜方面, 墨汁意粉真係好味, 其餘兩樣菜就一般啦, 餐廳收每人3歐坐枱費之外, 亦要加12% service charge, 全部盛惠75歐, 唔太值呢個價 飯後喺廣場及聖瑪爾定堂Chiesa Parrocchiale di San Martino Vescovo一帶行下, 教堂座塔好似比薩斜塔咁係斜嘅 再周圍影下彩色屋群
大約三點, 陽光依然非常猛烈, 原本打算每個島都玩返三、四個鐘, 而家都係早啲走, 離開時都係好多人, 船上又迫又焗, 好彩有位坐, 暈下暈下咁返到主島, 喺F.te Nove站落船, 順道去一轉超市買餸煮晚餐 F.te Nove站對著San Michele Cemetery 耶穌會教堂Chiesa di Santa Maria Assunta detta I Gesuiti及沿路景物
買完餸又彈返上船返公寓
聖茂古拉堂Chiesa di San Marcuola
水上巴士外觀, 炎熱天氣下坐係船艙內會好焗, 最佳位置係船尾果幾個位, 有風及可以睇風景
聖傑雷米亞教堂Chiesa dei Santi Geremia e Lucia
終於返到公寓附近嘅赤足橋Ponte degli Scalzi
Santa Maria di Nazareth Church教堂前的Ferrovia站, 即火車站前的水上巴士站 赤足橋Ponte degli Scalzi兩旁景物, 左邊係火車站及Santa Maria di Nazareth Church教堂
右邊係小聖西門教堂Chiesa di San Simeon Piccolo
今晚晚餐嘅食材, 蜜瓜 1.54歐, 麵 2.04歐, 火腿 2.99歐, 沙律菜 0.99歐, 可樂 1.29歐, 全部約9歐 製成品, 雖然全部快餐料, 但好好味, 加上公寓嘅冷氣夠強勁, 食得好舒服好滿足 雪糕三文治, 0.99歐, 一盒六件, 但中伏了, 個皮好淋, 唔好食 晚上七點再次出動, 陽光依然充沛, 今次齋坐船睇風景
嘆息橋如常熱鬧
嘆息橋一帶
河邊小巷不時都見到有人靜坐沉思 學院橋Ponte dell'Accademia
聖喬治馬焦雷島San Giorgio Maggiore
來到聖馬可站落船, 聖馬可鐘樓, 可以登上鐘樓頂, 不過今日有啲晏, 留待明天 名店弗洛里安咖啡館Caffè Florian
聖馬可和聖托達洛柱Colonne di San Marco e San Todaro
總督宮
聖馬爾谷聖殿宗主教座堂
聖馬可時鐘塔
隨影
行到里阿爾托橋, 又彈返上船代步回家, 呢程船有個黑人哄埋我哋到扮睇風景, 有位Auntie示意我哋小心, 真係唔該晒, 之後坐船都要保持警戒
赤足橋
火車站
憲法橋
上一篇: 意大利多羅米提山區自駕遊 Day 13
下一篇: 意大利多羅米提山區自駕遊 Day 15
呢日行程好似好長. 一直以為 Venice 係海邊城市, 原來係潟湖上.
回覆刪除