意大利北部山區自駕遊 維羅納一日遊
Day 16 - 6月28日 星期五 晴
行程: 威尼斯 - 維羅納 - 米蘭
住宿: NYX Hotel Milan by Leonardo Hotels (Double Room, 三晚270歐, 另加City Tax每人每晚5歐)
由於早前錯過了「最後的晚餐」門票的開賣日子, 之後又一直無啱時間嘅門票, 為了提高執雞機會, 編了三晚住在米蘭, 直到出發前, 期望依然落空, 因此米蘭行程變得非常鬆動, 所以返米蘭呢日就加插Verona維羅納行程, 同時亦想更改租車日期到今晚, 租期多三日但少咗異地還車反令租車減少百多歐, 可惜要改車款, 最後唔想改車款, 唯有維持原有計劃, 威尼斯還車。今日要搭火車去米蘭, 回米蘭前順道一遊維羅納, 車票係來到第二日喺Brixen已經買好, 食完簡單早餐後出發
今早坐08:20-09:30快線火車由威尼斯Venezia S Lucia站到Verona Porta Nuova站, 二人共36.8歐, 車程八十分鐘, 因為坐唔到行李架附近位置, 而我哋嘅行李喼又太大放唔落椅背之間嘅行李位, 所以沿途都好擔心, 好彩順利抵埗, 到達後把行李寄存在火車站內的Baggage point, 每件7歐
維羅納有兩個火車站, Verona Porta Nuova及Verona Porta Vescovo, 參考網上建議在Verona Porta Nuova落車, 火車站外觀車站對出有個大型法老像, 背後係天主教教堂Church of the Immaculate Heart of Saint Mary 維羅納是個古羅馬城, 今日主要景點有最著名的茱麗葉之家、古羅馬圓形競技場、中世紀城堡及廣場等, 我們由維羅納西面嘅Ponte di Castelvecchio斯卡利傑羅橋開始, 由火車站行去約二十分鐘
旁邊係Museo di Castelvecchio老城堡博物館 十六世紀用磚石打造的維羅納城門Porta Nuova 行入城門之後就見到世界第四大的圓形競技場Arena di Verona 外邊仲有呢啲聖騎士像
受名信片所吸引, 入去競技場參觀, 入場費每位10歐出入口通道, 設置了紀念品攤擋
室內通道及地方有一小部分開放作參觀, 其實競技場無嘢好睇, 最有睇頭都係外觀, 10歐就當係保育費 Via Giuseppe Mazzini步行街, 位於競技場旁邊, 兩旁商店林立, 仲有好多遊客及旅行團, 因街尾就係維羅納最著名的Casa di Giulietta茱麗葉之家 參觀茱家大宅之前, 先食個雪糕冷靜一下, Venchi是意大利品牌雪糕, 單筒雪糕每支3.2歐 Casa di Giulietta朱麗葉之家門外
入口通道好多人, 迫得水洩不通 通道兩邊牆壁黐滿香口膠及藥水膠布, 極度核突, 影相時好驚俾人撞埋牆 茱麗葉之家的露台是茱羅故事內的經典示愛場景, 露台在建築物內, 想入去感受莎士比亞筆下的露台就要課💰 但茱麗葉之家的中庭是免費區, 仲設有茱麗葉銅像, 好多人排隊影相, 我們都來湊湊熱鬧, 摸摸右胸, 求求好運, 快快來到😍 茱家中庭人頭湧湧, 除茱女銅像外, 仲有間茱女手信店
跟著行下歷史悠久嘅Piazza delle Erbe百草廣場, 周圍全是古蹟建築物 廣場上的噴泉Fontana Madonna Verona, 據說有兩千年歷史 廣場中央是個市集, 以售賣紀念品及日用品的攤擋為主, 旁邊高塔是Torre dei Lamberti朗貝爾蒂塔 朗貝爾蒂塔旁的拱門Arco della Costa, 門頂吊咗一條骨頭, 姑哥後知道是條鯨魚骨, 據說有過百年歷史 穿過拱門來到Piazza dei Signori領主廣場
Torre dei Lamberti朗貝爾蒂塔 Casa di Romeo羅密歐故居在領主廣場附近, 相比茱麗葉之家, 呢度就孤拎拎, 完全無人, 門外只得一個水牌 Scaliger Tombs(家族墓園), 呢個家族在中世紀時期曾統治維羅納, 入場要收費 Basilica di Santa Anastasia聖亞納大教堂, 入場又要收費, 屏風前偷影一幅內部相當入過 Ponte Pietra佩雅托橋, 對岸山坡上係Castel San Pietro城堡, 城堡上有觀景台, 可以飽覽維羅納城全景 原本打算上去城堡觀景台, 但天氣太熱, 在橋上遠觀就算
橋上兩邊景致在領主廣場附近隨便搵間較多人嘅餐廳, 啤酒(5歐)及可樂(4.5歐), 坐枱費每人1.7歐 Pizza, 9歐
卡邦尼意粉, 8.9歐, 個pizza同意粉都係得個鹹字, 從待應口中得知餐廳老闆係中國人, 後來睇返TA, 評分得2.x🙈 Latte macchiato, 共3.6歐
食飽休息之後, 行回頭路再順遊各個景點, 坐落在領主廣場的Palazzo del Podestà執政官官邸、Loggia del Consiglio市政會涼廊, 以及Statua di Dante Alighieri但丁(意大利中世紀詩人)像 位於百草廣場和領主廣場之間的Palazzo della Ragione維羅納市政宮
順遊百草廣場市集, 好多檔口都有賣生果杯, 砌得好靚, 引唔住買咗杯, 4歐 再次路經茱麗葉之家, 入去行多一轉
人潮少咗好多, 可以輕鬆同茱女影全身相及合照 返回Via Giuseppe Mazzini街口, 呢度令我諗起克羅地亞的Pula, 兩地都幾相似, 亦同樣保留了古羅馬圓形競技場
維羅納競技場外, 多咗好多小攤檔 剩下的競技場圍牆
下午時分無咁背光, 等咗一陣, 終於可以影返張滿意嘅全景相
競技場外有個大廣場, 一邊是維羅納城門Porta Nuova, 另一邊是Via Giuseppe Mazzini街口
維羅納觀光小火車返回Museo di Castelvecchio老城堡
老城堡原來是免費開放的, 所以立即入去參觀快走一圈
而且仲可以行上去Ponte di Castelvecchio斯卡利傑羅橋(又稱老城堡橋)
有幾個位置設有梯級可以行高啲睇景 Adige阿迪傑河
跟著返火車站坐15:32-16:45快線火車由Verona Porta Nuova站到Milano Centrale站, 二人共39.8歐, 車程八十三分鐘, 全程又係好擔心啲行李, 亦係好彩順利抵埗, 一連三晚入住嘅酒店就在火車站對面, 房內裝潢, 感覺時尚 浴厠好寬敞, 尤其係浴室
酒店大堂環境
今晚唔會周圍去, 只去附近的EATALY Milano Smeraldo搵食, 由酒店行去約二十分鐘, 途中行過一座民房, 突然有個銀包從天而降, 跌喺身邊, 望一望立即快步離開, 大家傾返, 有可能係想設局「裝」人, 如果當真的話, 呢個賊匪相當「陰濕」, 途中經過好似商業區嘅地方 EATALY Milano Smeraldo, 地下係超市, 一、二樓係食店
二樓有三間餐廳 揀咗其中一間食晚餐, Draft Beer(3歐)及支裝手工啤(4.5歐), 另收坐枱費共3歐 今次旅程好似未食過牛扒, 所以揀咗Beef steak with roasted potatoes and fresh spinach salad, 15.5歐
同伴就揀Beef hamburger, Enkir bun, salad, tomatoes, "Miracolo a Milano" smoked scamorza cheese and mayonnaise, 13歐
周圍環境及門外的藝術裝置
之後提高警戒行返酒店, 去到火車站口見有軍警註守及巡邏, 立即放心去火車站影相行下, 以及去火車站內嘅地下商場行超市
估唔到verona 都咁多遊客
回覆刪除