意大利北部山區自駕遊 米蘭大教堂
Day 17 - 6月29日 星期六 晴
行程: 米蘭大教堂 - 埃馬努埃萊二世拱廊 - 斯福爾扎古堡
住宿: NYX Hotel Milan by Leonardo Hotels (Double Room, 三晚270歐, 另加City Tax每人每晚5歐)
今日開始遊覽米蘭, 想去的景點不多, 先以米蘭大教堂附近幾個景點為今日的行程, 離開山區後無需遠足, 可以較平時遲出門, 約九點半出發, 從中央火車站開始
因為之前買電話咭時已附送了一張24小時交通咭, 要去火車站買多一張從中央火車站坐Metro 3號線(橙線), 由Centrale FS站搭四個站, 到Duomo站落車, 一出站Piazza Duomo大教堂廣場就在眼前, 兩大景點米蘭大教堂及埃馬努埃萊二世拱廊都坐落在廣場之上 Galleria Vittorio Emanuele II埃馬努埃萊二世拱廊
望一下之後, 先去第一站 第一站係去Starbucks Reserve Roastery Milano星巴克米蘭烘焙工坊食早餐, 建築物嘅前身係郵政局, 現在活化為餐廳 入到去已經有好多人, 不過有唔少人都係來參觀及打卡 餐廳中央放了一部大型的炒豆機, 令全店充滿咖啡香氣 貫切品牌風格, 呢度有米蘭獨有的咖啡杯售賣, 不過圖案唔係太特別 點餐的人龍
餐牌, 點了杯Mocha(6歐)及兩個飽點(共5歐), 取食物時才發現, 落單時落少一杯, 都好, 慳返6歐 呢個櫃檯提供手調咖啡, 講究的話, 可以直接同待應交流, 調教自家喜愛的口味 食完早餐, 係時候返去大教堂廣場shopping, 路經Via Orefici街, 見到盡頭有座塔, 查看地圖後, 原來係斯福爾扎古堡, 咁近一陣有時間要去行下 沿路建築物
Galleria Vittorio Emanuele II埃馬努埃萊二世拱廊
拱廊的圓頂以玻璃和鑄鐵而成, 在陽光照耀下的內部好光猛, 令人感覺好有氣派及華麗
埃馬努埃萊二世拱廊入口
Duomo Di Milano米蘭大教堂, 中午時份仍然背光, 午後再來過 埃馬努埃萊二世拱廊旁邊有Rinascente Milano Duomo百貨公司 Shopping過後, 終於買咗最想買嘅Bialetti咖啡壼、咖啡杯及咖啡, 要返酒店放回戰利品及稍作休息 酒店後門內的中庭
休息期間, 搵下附近有乜地方食晏, 發現附近有台灣餐廳, 評分中上, 由於已經食咗十幾日西餐, 一於去食台灣牛肉麵 前菜, 酸辣湯(5歐)及飲茶(每位4歐), 終於唔需要飲啤酒汽水, 可以開壺茶嘆下 紅燒牛肉麵, 10歐, 好耐無食過中餐, 加上係台灣人主理, 感覺零舍好味道 附送生果, 不過室內冷氣好弱, 食到飆晒汗, 又要返酒店抖抖及降溫 三點幾再出動, 都係返去Piazza Duomo大教堂廣場, 不過今轉係去參觀Duomo di Milano米蘭主教座堂, 佢係義大利最大、歐洲第三大及世界第四大教堂 參觀教堂需要買飛入場, 齋入教堂只需幾歐, 但要上教堂頂就要買全套票, 有兩種, 分別只係行樓梯定搭電梯上頂, 我哋買咗Duomo Pass Stairs, 價錢13歐一位, 如果搭電梯的話, 要加多幾歐, 套票包括的參觀地方有Cathedral, Archaeological area, Rooftops(by stairs), Duomo Museum, Church of San Gottardo and Exhibitions 寶物區
Church of San Gottardo
Duomo Museum外觀
繼續依指示轉去參觀大教堂 Archaeological area
之後係上教堂頂, 入閘時, 前面幾個外國遊客張飛過唔到, 原來佢地買咗電梯飛, 不過坐電梯果邊排長龍, 而轉來行樓梯, 真係戥佢唔抵, 每人蝕幾歐 大把時間, 喺度周圍影下
塔頂, 正中位置的最高塔, 塔頂有金色聖母像 正中位置做梗維修, 可觀性大減
四周景物
再向前行係教堂正面, 下午時分對正太陽, 勁背光 其實教堂頂太細, 無乜嘢睇, 大部人都係順行完就落樓走人 拱廊內, 呢隻牛就最受遊客歡迎, 傳說踩著佢嘅要害轉三圈, 就會帶來好運喎 米蘭大教堂附近的一間老店, 售賣油炸夾餅, 買咗一個試下(2.3歐), 意外地鬆軟及唔油膩, 幾好食 近近哋行埋過去Castello Sforzesco斯福爾扎古堡
都唔知原來米蘭大教堂行上去唔駛排隊, 見到人龍都費時行埋去.
回覆刪除