意大利北部山區自駕遊 恩寵聖母教堂
Day 18 - 6月30日 星期日 晴
行程: 恩寵聖母教堂 - 斯福爾扎古堡 - 和平之門 - 運河區市集 - 米蘭大教堂
住宿: NYX Hotel Milan by Leonardo Hotels (Double Room, 三晚270歐, 另加City Tax每人每晚5歐)
今日係最後一個full day留喺米蘭, 明天早上就要離開, 要去嘅景點都已經去咗, 本來建議去近郊嘅Lake Como一日遊, 但同伴不願意舟車勞頓, 所以好隨意揾啲節目, 首先係去達文西名作「最後的晚餐」嘅真跡所在地 - 恩寵聖母教堂, 搭Metro前入去火車站視察下機場快線嘅位置, 以及購買車票方法
之後乘搭Metro到Cadorna FN站
再步行約十分鐘就到Santa Maria delle Grazie恩寵聖母教堂, 由呢個門口入去睇下
教堂內園
原來呢度唔係參觀「最後的晚餐」嘅入口
恩寵聖母教堂外圍
去售票處巡下有冇執雞飛, 係冇！門口企滿等入場嘅人
之後行下行下去到斯福爾扎古堡, 昨日只在門口影相, 今日可以認真行下
最入面有個和平之門Arco della Pace
返去大教堂廣場一帶揾食, 見Princi Bakery啲麵包好靚, Cafe門口又有個★➖R符號, 應該係用咗星巴克烘焙工坊嘅咖啡豆
Latte Macchiato, 兩歐一杯, 抵飲, 麵包(4.5歐)及生果(4歐), 全部都唔錯 呢間雪糕店成日都好多人, 今日少人啲, 試下先
單球, 奀雌雌, 每個2.7歐 Church of Saint Fidelis聖斐德理堂
尋晚揾米蘭仲有乜景點, 見到有介紹米蘭最古老的餐廳Boeucc (since 1696), 諗著過來window shopping下, 點知凈係見到建築物, 搵唔到門口
意大利銀行Banco BPM總部
經過間外賣店, 見門口好多人喺到等, 心諗跟買就無錯
原來係油炸夾餅(或炸pizza), 3.5歐, 類似昨天係Luini所買的, 不過呢個比較油膩及硬, 唔係幾好食
又返到拱廊, 再入去LV店, 依然好多人店員好忙, 等咗十幾分鐘, 都係無人招呼, 走人
回酒店休息後, 五點幾再出動, 今次參考咗米蘭觀光地圖介紹, 去米蘭運河區市集Naviglio Grande, 乘搭Metro到P.TA Genova FS站就到 運河兩旁景物
之後再去埋第一天來到米蘭見到嘅現代版樹屋
現代版樹屋位於Parco Biblioteca degli Alberi公園
附近有個Gae Aulenti Square商場, 內有大超市, 都係揾唔獨立包裝嘅小餅乾條
商場內有間頗大的Venchi朱古力店, 呢套杯碟好靚, 可惜已經買咗套Bialetti杯碟
Milano Porta Garibaldi米蘭加里波底門站
呢度好近Eataly(食大利), 如果沿路都遇唔到啱食嘅餐廳就去返Eataly食飯, 途經Corso Como步行街, 呢到都幾熱鬧, 兩旁佈滿商店及餐廳 Porta Garibaldi加里波第門
最後都係去Eataly食飯, 今次揀另一間餐廳
Lemonade, 3歐及啤酒, 4.5歐, 另加坐枱費3歐
Last一餐, 揀返意大利粉, Penne Alla Norma, 12.5歐 及意大利薄餅, 12.5歐, 呢餐味道都OK唔錯
食飽後, 最後一個節目係影米蘭大教堂夜景同伴話要早少少去到, 行下拱廊, 等到稍為入夜, 影完幾張就要即走, 危險喎！拱廊頂上有四幅畫像, 原來各有所表示, 分別代表為亞洲, 歐洲, 非洲及美洲, 都能從大道通往羅馬的意思, 呢啲資料係返來香港睇到項明生嘅電視節目先知, 呢幅係歐洲
沒有留言:
張貼留言