【意大利多羅米提山區自駕遊】Day11 Cinque Torri 五塔山

意大利北部山區自駕遊  Cinque Torri 五塔山

Day 11 - 6月23日  星期日  晴

行程: Cortina d'Ampezzo - Lago Bai de Bones - Cinque Torri - Passo Falzarego - Lago di Braies - Lago di Landro - Lago di Misurina  114km

住宿: Sorapiss Hotel (Double Superior Room with Balcony Lake View, half board, 兩晚291.6歐, 另加City Tax每人每晚1.5歐)

雨過天晴, 剩低九日行程, 終於日日陽光普照了。由於天雨關係, 昨天擱置咗嘅五塔山行程又唔想放棄, 唯有縮短每個景點時間, 再删減一個遊湖景點來定出今日嘅行程, 先用小半天時間行五塔山, 再快遊較有名的Lago di Braies, 然後返去連住兩晚的地方Lago di Misurina加遊湖。酒店的簡單早餐

早上天氣非常好, 事不宜遲, 未到九點就到達五塔山停車場

停車場外有地圖指示附近有個Lago Bai di Dones湖, 因吊椅線未開, 所以順到一遊, 不過呢個湖都幾流

以這湖命名的餐廳, 內有紀念品店之餘, 亦兼埋吊椅車站

五塔山吊椅線, 來回每位盛惠16歐, 好貴！

走出車站, 眼前四周的山景

附近幾條遠足路線, 原本諗著行439線上去Rifugio Averau, 及行439線落去百年山屋Rifugio 5 Torri食個Lunch, 但時間不夠, 全部都要放棄, 只會喺車站附近一帶走走

稍為行上斜坡, 影個近照, 中間山口位置係山屋Rifugio Averau, 左邊最高山峰位置係山屋Rifugio Nuvolau, 通常山屋都以山峰命名, 所以我估左右邊最高山峰係Mt. Nuvolau及Mt. Averau

第一次世界大戰期間, 五塔山一帶係意大利與奧匈帝國軍隊的戰場, 所以山上留有好多戰爭及避難所遺蹟, 呢度設有幾條類似教學路線, 我哋唔識歷史, 就當為遠足徑咁行下欣賞風景

路線起點, 右邊背光嘅石群就係五塔山

左邊山景

五塔山或者五塔峰, 其實只係幾嚿大石頭, 呢個角度睇唔晒五嚿

遠看這條教學路線

呢個位依稀見到五塔, 而每個塔都有名稱, 分別係大塔、二塔(又叫羅馬塔)、三塔(又叫拉丁塔)、四塔及英國塔, 我淨係認到大塔, 最大及最高果嚿

其中有一段係戰爭留低嘅坑壕

轉個灣之後, 見到大部分坑壕路段仲積滿雪

路線前後景色

印象中好似係炮兵基地

另一個密室

中間山頂位置係昨天路過嘅纜車線Falzarego Lagazuoi車頂站

沿途有路牌指路及介紹

繼續行, 之後由路線最高點行落去

就會面對五嚿石來行

仲以為有梯級會好行

點知呢段路最撠, 被雪全覆蓋, 要手腳並用先過到

回頭睇返, 全段落斜路都隱藏喺山隙之間, 幾乎睇唔到條路

另一角度嘅五塔山

再回頭睇返, 有班學生跟著行梗落來

呢度有指示往五塔山

跟指示行入去, 近距離望下五嚿大石

呢度係個攀石熱點, 行近大塔, 就見到有班人喺度玩攀石

近正午時間, 由積雪溶化而成嘅白雲開始凝聚於山頂, 跟藍天形成強烈相比, 令雲層非常之靚

穿過五塔山之後

可以跟指示行落後山山腳嘅Rifugio 5 Torri, 約廿分鐘路程

望落條路都係好易行, 可惜無時間

四方八面都有好靚嘅藍天白雲

繞過五塔山頂一圈, 回到車站路旁嘅山屋Rifugio Scoiattoli, 標高2255米, 本來打算食個Lunch, 因為見網上評分頗高, 可惜十一點未夠, 食午餐太早, 所以決定行多陣, 早啲落山去下一站再算

直升機坪上的景色

午前時份, 五塔山背光, 可能係咁, 十一點先開始多人

落山前, 再影多幾張地標五塔山

落山後, 兜去附近嘅Passo Falzarego望下, 今日天朗氣清, 單車友都出晒來

跟著去下一站Lago di Braies(布萊埃斯湖), 約六十公里路, 不知為何, 用了近個半鐘才到達, 這個湖人氣極高, 兩個大停車場都泊滿車, 停車場收費係一次性, 每次6歐

繞湖一圈約3公里路, 約行一個半小時

路線以圖案標示

起點係歷史悠久嘅木造小碼頭, 現為小艇租借地

對面是布萊埃斯湖畔唯一的酒店Hotel Lago di Braies

官網簡介萊埃斯湖擁有迷人翡翠綠色的湖水

我們以順時針方向行一圈, 開始是一段沿湖平坦水泥路, 不知不覺好快行咗一段路, 回望小艇碼頭方向

之後是沿崖壁而建的步道, 環境幽美

湖的南面對著高2810米的Mt. Seekofel

依崖邊而建的步道, 只係撞正星期日, 比較多人

步道上的一處viewpoint, 可盡覽北、南兩端的湖景

湖嘅最南面是個石灘, 好多一家大細攤喺度嘻水休息

之後加快腳步回程去酒店食午餐

酒店旁的小教堂Marienkapelle

差不多三點才到達Hotel Lago di Braies, 怱怱食個遲來的午餐

啤酒及可樂, 分別4歐及3歐

隨便揀兩款意粉, Wholewheat pasta with Bufala mozzarella, cherry tomatoes and agugla, 13.5歐

Tagliatelle with porcini mushrooms and speck, 14歐, 兩個意粉份量都不少, 味道不錯

食飽後, 返到起點另一邊, 可以睇返碼頭嘅小屋, 同百年前無大分別

原定行程仲有兩個湖要去, 先經過刪去的Lago di Dobbiaco, 之後在Lago di Landro稍作停留, 由於厚雲遮著成個藍天, 感覺環境好一般

四點半到達酒店攞房, 客房個景應該係全店第二好, 如果早啲到, 可能有機會攞到最好view嘅房, 房內都算新淨

浴室相對有啲舊但還可以

露台景觀

酒店大堂

安頓後仲有最後一個行程, 遊Lago di Misurina (米蘇里納湖), 又名公主湖

酒店就在湖畔, 行去馬路對面已經係湖畔步道, 非常方便, 向著最旺方向行, 即係向Grand Hotel Misurina方向, 以順時針方向遊湖一圈

Grand Hotel Misurina係湖畔最大嘅酒店, 湖景房對著Mt. Sorapiss, 對正呢度最靚嘅湖景, 現埸睇個view真係好靚, 不過上網見佢啲房間裝修好老舊, 所以揀咗住喺Sorapiss Hotel

酒店附近有紀念品店、餐廳及超市, 呢度單球雪糕筒仲好平, 1.2歐

嘆著雪糕遊湖, 好爽, 而且湖畔環境幽美寧靜, 周圍又無人, 更正, 只係有風影唔到倒影

米蘇里納湖又被譽為多羅米提的珍珠

行到湖嘅對岸, 終於感受到呢顆珍珠嘅美麗, 眼前出現好靚嘅倒影

我們住的酒店喺最右手邊

最靚嘅角度始終係對著Mt. Sorapiss方向, 難怪成為米蘇里納湖嘅經典明信片角度

原來呢度仲有條吊椅線Col de Varda, 山上好似好靚喎

小教堂Cappelletta Istituto Pio XII

似係上三尖峰嘅單車線

呢度仲可以望到三尖峰其中兩個峰

三尖峰, 明天要去嘅行程

最經典角度嘅建築物係Opera Diocesana San Bernardo, Google地圖寫係復康中心, 環境真係勁正

戶外設施對著Mt. Sorapiss

及三尖峰

回程路上隨影

遊完公主湖, 返房坐下已經夠鐘食晚餐

呢度住宿plan無得揀, 一律係half board plan, 所以呢兩晚都係一泊兩食, 晚餐每人可在餐牌內任選二道主菜及甜品, 酒水另計, 水(2.5歐)及2杯Radler(各4歐)

前菜係自助沙律吧

一如以往, 我們點了不同菜式, 可以試不同款式, 第一道主菜有Gnocchi with roe ragout

及Ravioli stuff with red turnips in melted butter and smoked ricotta

第二道主菜Grilled octopus tentacles on potatoes cream and ginger

及Spiced beef stew with paprika and onions and soft polenta

甜品當然揀Tiramisu, 呢度每道菜只係份量夠大, 賣相及味道就好一般, 叫做餵飽你, 相比Hotel Cir, 雖然味道都係一般, 但賣相就精緻啲

飯後仲有餘興節目, 喺露台影下日落金光嘅山景

上一篇: 意大利多羅米提山區自駕遊 Day 10

下一篇: 意大利多羅米提山區自駕遊 Day 12