意大利北部山區自駕遊 Cortina d'Ampezzo
Day 10 - 6月22日 星期六 雨
行程: Passo Pordoi - Arabba - Passo Falzarego - Cortina d'Ampezzo 49km
住宿: Hotel Natale (Standard Double Room w. Balcony, 包早餐及泊車, 100.8歐, 另加City Tax每人每晚3歐)
今日搬去北部小城Cortina d'Ampezzo住一晚, 原訂嘅行程簡單直接, 將近去到Cortina前, 先到順路經過嘅Cinque Torri(五塔山)上山玩下, 之後嘅時間就用來遊覽Cortina, 而揀住喺Cortina嘅原因亦係為咗方便調動行程, 盡量減少車程及走回頭路嘅時間, 結果今日需要用到呢個安排！另外昨天下午有兩個行程因天雨關係無去到, 今天會補返其中一處, 就係Passo Campolongo。酒店早餐都有好多款式, 仲可以叫杯即做嘅Cappuccino
差啲唔記得帶走嘅甲蟲朱古力
Check out時, 老闆送贈的紀念品, 係個磁石兼開瓶器今日天氣好差, 天色陰沉, 又有細雨, 不過決定照去Passo Campolongo望下, 叫做去齊四個山口
落到Arabba, 周圍有人指揮交通, 正想轉入去Passo Campolongo路口之際, 見到馬路封咗, 原來準備舉行單車比賽, 所以都係去唔到Passo Campolongo, 隨便搵個位影低Arabba後, 繼續出發 沿路天色無改善, 睇來今日上五塔山嘅行程都係凍過水！
將近到達五塔山前, 路經一個交匯點有人車聚集, 停低睇下 呢度叫Passo Falzarego, 估唔到去唔到Passo Campolongo, 換個Passo Falzarego頂上, 既然唔趕時間, 周圍行下。路口位置有間山屋Rifugio Passo Falzarego, 標高2117米, 係間旅館, 入面有餐廳, 仲有間幾大嘅紀念品店行下 另一邊有小教堂Cappella della Visitazione
山屋對面係登山纜車線Falzarego Lagazuoi
附近的遠足路線圖, 行少少睇下
之後揸車前往幾公里外的Cinque Torri(五塔山), 本來計劃今天坐吊椅車上山玩, 不過天氣咁差, 唯有順延一天。5Torri纜車站 望一望周圍環境, 然後繼續出發前往Cortina d'Ampezzo 城中心有ZTL (Zona Traffico Limitato)的管制, 外來車輛不准駛入, 要多加注意路牌。同酒店reception打個招呼及泊好車後, 開始入城遊覽 今日天氣雖然唔好, 但仍然可以入城玩下, 總算有節目, 如果早一、兩日喺咁就要屈喺山上, 所以都算係咁！城中心嘅步行大街Corso Italia, 大部分商店及餐廳都座落喺呢條街及兩旁嘅橫街, 不時見到一班班本地團聚集街上, 又估唔到呢度咁受歡迎 城內最大的百貨公司La Cooperativa di Cortina, 當然要入去打發時間, 不過今日星期六, 營業時間只係去到下午一點, 可能加上有雨, 入面塞滿人 Town Hall
城中心範圍好細, 好快行完, 加上天氣唔好, 沒乜興致, 隨便搵咗間Cafe食個輕食, 等夠鐘check in Latte(每杯3.5歐)及多士(6歐)
酒店外觀, 內園及馬路邊各有幾個車位客房環境, 都幾新凈, 不過空間較細, 相比之下, 浴室反且較寬落, 最好係個淋浴間, 最憎就係用趟門兼成個膠囊果款, 轉個身都難 小睡兩個幾鐘後再出動
今晚步行街有古董車巡遊, 突然多咗個觀賞節目
下午六點後, 天色亦都好咗好多, 有返啲藍天陽光, 叫做好過無, 又周圍影下 入埋市中心地標教堂Basilica Minore dei Santi Filippo e Giacomo
七點左右食飯, 酒店介紹咗三間餐廳俾我哋, 睇過TA評分, 揀咗最好果間 啤酒(每杯4歐)及水(3歐)
餐包
免費餐前小食, 不過呢間要收每位4歐坐枱費
Sucking pig fillet, potates, fonduta cheese, 22歐, 份量好奀
Fish of the day risotto, prawns, scampi, red shrimp, mussels, 20歐, 個飯相對好樣啲, 總括來說, 呢間唔底食, 佢仲要收加一, 但因為話係酒店介紹, 有九折, 所以算是抵消返
慢慢散步返酒店
周圍都有宣傳Cortina申辦2026年冬季奧運
酒店喺市中心外圍, 約行五分鐘暗斜路 其間仲見少少夕陽金光, 睇來明天應該會好天
今日買咗兩件Cortina Tee, 預祝Cortina成功申辦2026冬奧, 4日後宣佈成功申辦冬奧
今晚步行街有古董車巡遊, 突然多咗個觀賞節目
下午六點後, 天色亦都好咗好多, 有返啲藍天陽光, 叫做好過無, 又周圍影下
沒有留言:
張貼留言