紐西蘭自駕遊 Day 8

紐西蘭自駕遊  Mt Cook

Day 8 - 11月28日 星期日   晴

Queenstown - Cronwell - Mt Cook (298km)

住宿: The Hermitage (NZD 260)


今日要離開Queenstown, 出發去Mt Cook住一晚及遊覽Tasman冰川湖, 離開Queenstown之後經過一處地方叫Kawarau Bridge, 是玩笨豬跳的地方, 由於還未開工, 所以見唔到人跳, 再睇下門外資料, 原來它是世界首間提供笨豬跳的公司, 玩一次要NZD180

附近還有一間酒莊

當接近Cronwell鎮時, 會開始看到一些果園, 部分果園在路邊有自助檔口, 擺放一些時令生果作自助售賣, 只要選擇適合生果後, 把錢放入箱內即可, 不過又係無奇異果, 所以只買了車厘子及士多啤梨

在Cronwell鎮稍休息, 及去Subway買了個Baquette做早餐, 個Baquette份量好勁, 超過一尺長

沿路的Lookout

沿路的Lookout

經過Omarama鎮之後, 會見到有條河, 周圍都是Lupins花

跟著就會到達Lake Ruataniwha, 湖水的顏色非常特別, 是寶藍色, 返香港之後才知道附近有非常出名的三文魚食, 好可惜之前無做好功課而無食到

過咗Lake Ruataniwha之後, 就跟路牌行左邊的Mt Cook Rd (road 80), 好快就見到另一個好大又係寶藍色湖水的Lake Pukaki, 一路都係沿著湖邊行, 前面就係一大群雪山, 風景勁靚

沿路都不停上上落落

去到Mt Cook, 先去搵住宿, 其實這裡只有獨市的The Hermitage集團, 所以立即到酒店查詢房間情況, 並選擇了最便宜的套房, 然後立刻到隔離的旅遊中心查詢冰川湖快艇(Glacier Explorers)情況, 可惜今天的Tour已滿, 只好預定明早的Tour

房間是對著Mt Cook, 房內有門可以出去個大露台坐, 環境都算不錯

間酒店對著個雪山

稍為休息之後就揸車出去行附近的行山徑

先行去Alpine Memorial

跟著行去Mueller Lake Lookout

再行Hooker valley, 經過第一條吊橋

沿路景色

第二條吊橋

因為身上乜嘢都無帶, 乾糧及水都無, 又忘記要行幾耐, 所以再行多一陣就回頭, 之後睇返來回要三小時, 原來大約行咗一半路程

之後就返酒店, 休息過後就揸車周圍睇下, 去咗YHA嗰邊, 見到間叫Chamois Bar and Grill, 一個Grilled Burger餐大約十幾元, 都算唔太貴, 早知就唔使準備乾糧及杯麵做晚餐 

跟著見仲早, 再揸車去Tasman Lake行下, 明天會坐快艇遊這個冰川湖

之後就返酒店, 出咗去個露台, 一路食杯麵, 一路睇著陽光慢慢變暗的Mt Cook, 今日好似行咗好多路咁, 終於可以適適服服咁坐下喇