紐西蘭自駕遊 Day 11

紐西蘭自駕遊  Christchurch市內觀光

Day 11 - 12月1日 星期三   多雲

Kaikoura - Christchurch Airport - Christchurch (195 km)

住宿: Novotel Christchurch (NZD 179)


今日下午要返基督城還車, 不可以去太多地方, 所以決定只到基督城機場附近的International Antarctic Centre(國際南極中心), 買了Xtreme Pass, 入場費每位NZD65

首先去參加The Antarctic Storm, 在一間大房內模擬南極風暴的情況, 入去前必需穿上保暖外套及鞋套, 可以令你體驗在南極風暴下的感受, 入面仲有冰滑梯玩下

之後去睇下神仙企鵝

最後就返去門口坐南極雪車(Hagglund Ride)

司機亞伯會揸架雪車去附近一處好似地盤的地方, 入面有好斜的山坡仔, 水氹, 架雪車會行上山坡仔又會行落水氹到, 原來個水氹到幾深, 差不多到窗口位置, 都算幾特別

其實參觀完後, 覺得入場費大貴, 不太值得去, 之後就返基督城, 而住宿就在前日停留基督城的時候巳經安排好, 選擇大教堂隔離的Novotel, 貪佢夠方便, Check in完之後就立刻去還車

房間都幾大幾靚, 相當不錯, 窗外還可看到大教堂, 不過間房有條大裂紋, 由天花到地下, 不知是否由之前的地震而造成

還完車就慢慢行這去大教堂廣場, 其實成個基督城最旺的地方就在大教堂廣場一帶

大教堂廣場

廣場內有一個大型棋盤及棋子供人捉棋

原來晚上棋子會被鎖好

廣場內的警局

地標大教堂, 可惜受2010及2011的地震影響, 引致部份建築倒塌, 現在好像是在修建中

遊客中心就在教堂隔離, 相中左邊的建築物就是今晚住的酒店

教堂內的環境

巿內的電車

跟著就去The Arts Centre, 經過熱狗檔, 買了兩隻熱狗作午餐, 味道一般

The Arts Centre - 被活化成藝術集中地, 內有劇院, 畫廊, 精品店, 手工藝店及Cafe等等

我覺得這個空中小屋的作品最特別

沿路都見有建築物受到地震引致損壞, 而作出的拱固工程

行去Avon river睇下, 經過Botanic Garden

Curator's House

Avon river - 可以坐Punting遊河, 可能開始收舖, 已經無乜人

Bridge of Remembrance

行下Shopping Mall, 見到昨天飲的Mocha牌子

再行返去大教堂廣場

巿內有架免費黃巴士, 以循環路線行駛, 所以順便去坐下, 遊市中心一圈, 不過上車之後, 第二個站就有十幾個童黨上咗車, 又粗口又郁手郁腳, 又踢車及騷擾司機, 攪到成程車得個驚字, 真係對基督城扣晒分

晚餐隨便搵咗間食烏冬的餐廳

之後就返酒店休息, 我自己就再走落去影下教堂夜景, 不過廣場就有好多醉酒佬, 而影相其間又會有些本地青年攪攪陣, 趁你影相時在鏡頭行過, 再笑笑口講Sorry

由酒店房間裡所影的大教堂