紐西蘭自駕遊 Day 12

紐西蘭自駕遊  Auckland巿內觀光

Day 12 - 12月2日 星期四   多雲

Christchurch - Auckland

住宿: All Seasons Auckland (NZD 188.6 for 3 nights)


今日要離開基督城, 搭十點半飛機返北島的Auckland, 先去食個麥當奴早餐

本來打算坐機場巴士, 但途中有個疑似白牌司機, 叫我們坐他的車到機場, 每位NZD7, 其實價錢跟坐機場巴士差不多, 但就不用等及站站停, 咁就坐佢架車去機場, 機場Check in及行李寄艙都是自助的

上到機上, 坐旁邊的大嬸問我們是否灣人, 知道我們是從香港來後, 就跟我們講過不停, 好似好耐無人同佢講過嘢咁, 最後仲叫我們帶佢去轉機的Terminal, 經香港再轉機返高雄

在北島上空見到的一坐雪山

到達後, 我們就坐機場巴士Airbus Express到Auckland市中心, 先去Check in今晚住的酒店All Seasons Auckland, 它是出發當日在Accor Hotel Group預定, 有買二送一優惠, 雖然第三晚會坐夜機返香港, 住唔足三夜, 但係可以住多半日及沖個涼先走都不錯, 所以會連住三晚, 環境就麻麻, 房內仲有陣印度香水味, 不過就勝在近中心, 位於皇后街附近, 又近Avis租車公司, 既方便又夠平

休息咗一陣就出動, 因為房內有陣印度香水味, 所以把窗門打開後才出發, 先過隔離街睇下Avis租車公司的位置, 方便明日取車, 之後就行去Sky Tower睇下, 由於覺得入場費貴, 所以無去到Sky Tower的觀景台, 另外Sky Tower入面仲有間Casino, 不過我們都無入去

好似澳門塔一樣, 可以在塔頂Sky Walk及Sky Jump

去咗間Cafe, 食了個Tea

再行下皇后街

經過一處地方做緊環境保護展覽

臨近聖誕節, 皇后街周圍的商場都佈滿了聖誕裝飾

再往碼頭方向行下, 經過火車站

Britomart Transport Centre

Auckland Ferry Building

碼頭的環境

在碼頭找了間食Buffet的餐廳, 入到去先知道是韓式餐廳, 可以食海鮮Buffet, 及另加韓式烤肉, 不過唔好食

食飽就行下碼頭區, 剛剛開始日落, 所以周圍都被夕陽照得好靚

好多酒吧都企滿人

返到皇后街, 見到一對揸電單車的夫婦, 在擺地攤進行募捐, 以幫助他們用電單車進行環遊世界的旅程, 比咗少少錢佢地, 再同佢地影返張相

入夜後的皇后街, 周圍都聚集了一群群的疑似不良人士, 尤其是南亞裔人士, 總令我們覺得有點治安不太好的感覺, 在半夜中, 我們亦被街上的叫囂聲吵醒, 而令我們對Auckland留下一個不太好的印象

另外返到酒店, 一開房間就有一大陣嗅味, 原來之前外出時把窗打開, 反而令下面餐廳的油煙吹晒入房, 比之前更嗅