塔斯曼尼亞及墨爾本自駕遊 Day 5

塔斯曼尼亞自駕遊  神仙企鵝

Day 5 - 11月1日 星期二   雨

Stanley - Rocky Cape National Park - Devonport - Longford (257 km)

住宿: Brickendon Historic Farm 包早餐(AUD165)


昨晚食完飯, Motel餐廳主人主動跟我哋閒談及問咗一些香港的事情, 跟住佢話比我地知, 最近有一隻神仙企鵝係門外築咗個巢, 佢仲好友善帶我地去睇, 因太黑睇唔真, 今早再來探佢, 佢肚腩下面嗰團黑色物體就係佢個仔

石頭下面就係佢個巢

這間就是提及的Motel

Stanley Hotel是把舊建築物改建成的酒店

鎮內的其它建築物

個鎮好細, 所有景點巳經列在這個路牌上

Stanley亦是其中一個睇企鵝的地點, 所以這裡也有Penguin Tours

之後就去Stanley Nut, 可以選擇乘坐吊椅, 或者行條好斜的山路,  我哋就行上去, 大約用咗15分鐘上到山頂, 中途還見到袋鼠同一啲小動物, 山頂上可以看到整個Stanley鎮, 可惜今天落雨視野不清

這裡是Highfield Historic Site

可以由另一個方向看Stanley Nut全景

路經Rocky Cape National Park, 由於有Pass, 所以入去看看

之後就去Devonport

去塔斯曼尼亞除咗坐飛機外, 亦可以坐以下這條船往返墨爾本, 每日一班, 不過貴過搭飛機加一晚酒店

原本諗著去Devonport吃午餐, 可惜遲咗, 所以無乜選擇, 見到一間買中式炒麵店, 諗起西片入面啲鬼佬成日攞著啲外賣盒食中餐, 最後也買了一份到近海公園食, 原來個廚師係由福建來的

味道一般

跟住就出發去今晚住宿地方, 它是一個百年農莊, 另外香港人比較熟識的原因, 是Eason在旅遊特輯中住過

其中有段小插曲順帶一提,  就是為免要打電話比農莊主人攞鎖匙, 所以剛剛趕上五點前去到農莊check-in, 職員就沖沖同我地講, 鎖匙巳經放在pumpkin cottage內, said goodbye後, 佢地就走人, 揸車入到cottage, 點知門係鎖著, 門外又無鎖匙, 唉!無辦法, 打電話比農莊主人叫佢嚟開門, 主人來到都要係reception揾咗一輪, 發現所有鎖匙都係到, 所以佢都話無可能放係cottage內, 佢都不好意思說應係個職員同打掃之間mis-understanding, 咁就搞咗大半個鐘先入到cottage

之後農莊主人順道介紹一下這個農莊及明天的活動, 還教我們使用屋內的火爐, 跟著又講下隻貓叫乜名, 如果怕貓可以把它放在屋外

Cottage的前門

門外有籃比火爐用的木頭

Cottage的後門

農莊有三間Cottages, 排成一列

中間係最細間

右面係最大間, 今晚其它兩間都無人住

我哋住左手面的Cottage, 叫做Pumpkin Cottage, 室內的環境相當舒服

放咗隻貓入屋之後, 佢就立刻跳上將床訓覺

今晚是自己動手煮T-Bone牛扒, 食物就係Devonport的超市買, 芒果同桃都幾好味, 開始煮飯時, 隻貓就黐著我身邊,  最後食咗我1/4塊牛扒, 就即刻閃咗去梳化訓, 應該都係比人緃慣晒啦

Cottage前門有一個大草地, 草地前是一大片農地, 飯後出去草地坐同看星, 咁就過咗一個好寧靜同舒服的晚上