紐西蘭自駕遊 Day 6

紐西蘭自駕遊  峽灣Milford Sound

Day 6 - 11月26日 星期五   大致多雲

Queenstown - Milford Sound - Queenstown (572 km)

住宿: Novotel Queenstown Lakeside (NZD 411.3 for 3 nights)


今日的行程是去著名峽灣Milford Sound, 參加Tour坐船遊覽峽灣景區, Milford Sound距離Queenstown大約三百公里, 來回約六百公里, 車程差不多要六小時, 所以今早六點半就要出發, 其實唔想自己揸車, 可以參加Queenstown的Local Tour, 往來交通工具可選擇旅遊巴, 小型飛機或混合式, 收費每位約NZD200起, 所以最後決定自己揸車去Milford Sound, 另外如果唔係book咗連續三日Queenstown的酒店, 而係順住咁玩落去Milford Sound, 就一定會在Miford Sound附近的Te Anau鎮住一夜, 車程就可以分攤開, 無咁辛苦, 而且在Te Anau鎮亦有其它活動可以考慮參加, 例如睇營火蟲Tour

今早天氣非常好, 但諗住盡早去到Milford Sound, 可以參加十點半的遊船Tour, 所以沿途都無停留過, 差不多去到Te Anau鎮時, 係超車時, 架車有啲超速之後, 就發現有架警車响警號追我們, 慘喇! 唔係咁唔好彩呀, 結果當然是超速了, 仲叫我們去睇警車上的偵速器, 這裡車速是100, 但我們車速是116, 咁就食了一張NZD120的牛肉乾, 心情真是跌到落谷底

之後唯有慢慢行, 唔超速, 中途見有好風景地方就停下

沿途會經過Morrior Lakes

跟著一處Lookout

沿途景色

當到達Homer Tunnel就表示差不多到達目的地, 它是一條單程隧道, 兩個方向的車輛會輪流行駛

除咗頭尾一小段外, 隧道內完全無任何修飾, 牆壁嚴嚴巉巉又無燈光, 都係第一次見咁簡陋的隧道

出咗隧道就進入了Milford Sound, 天氣就180度改變, 到達碼頭前有幾個停車場, 架車就泊在這裡

碼頭內有兩間遊船公司, 分別是Real Journeys及Southern Discoveries, 原本打算參加Real Journeys十點半的Nature Cruises, 但我們剛剛趕不上, 所以參加了Southern Discoveries十一點的Scenic Cruises, 船程約兩小時, 有九折Coupon, 兩位合共NZD127.5

今日坐的船, 較Real Journeys的細

好可惜, 天氣不太好, 周圍都灰灰暗暗

一開始就見到條瀑布

其間見到海豚

海豹

仲見埋神仙企鵝

當經過瀑布時, 船長會把船靠近瀑布, 令遊客可以近距離觀看及影相, 但當到達一個較大瀑布的時侯, 發生一件有趣的事, 一個星加坡遊客走近去拍照時, 隻船剛好駛到瀑布下, 瀑布瀉下的水就剛好把他由頭淋到落腳, 真係完全濕晒, 因為之前經過的瀑布只會濺起少許水花, 大家都估不到今次會駛到瀑布下

最後出到公海就回程

船艙的環境, 有自助咖啡及奶茶供應

Real Journeys的船

落船後, 就在碼頭附近行下, 之後就離開, 入隧道前會經過一處地方叫The Chasm, 睇一些受河水侵蝕的石頭

出咗Homer隧道之後就停低睇下

之後就在Te Anau鎮稍為停留, 見到有Westpac Bank, 就去交埋罰款, 個職員還安慰我們, 每日都有很多人是這樣, 不只得你們, 唉!我都唔知真定假

在這裡食咗個Pizza做午餐

Te Anau鎮內的環境

最後一段路會沿著Lake Wakatipu行, 之後就會到達Queenstown

返酒店休息一陣, 又再次出去Queenstown行下

去超市買了些紐西蘭啤酒, 然後就去Fergburger(昨天三個台灣女仔介紹的Burger店), 買了兩個Burger到碼頭區食

Burger的份量好勁, 幾好味, 果然無介紹錯

食完就在碼頭行下, 見到兩個Working Holiday的香港女仔, 同佢地傾咗好耐, 最後仲介紹我地去Dunedin, 不過都應該唔夠時間去喇!