紐西蘭自駕遊 Day 10

紐西蘭自駕遊  Kaikoura觀鯨

Day 10 - 11月30日 星期二   密雲

Christchurch - Kaikoura (204 km)

住宿: Kaikoura Apline Holiday Park (NZD 95)


今日一早就出發去Kaikoura鎮, 計劃參加早上十點的Whale Watch Tour, 這個鎮是出名睇鯨魚, 沿路都有好多車, 所以要用成兩個小時才到達Kaikoura

當接近Kaikoura時, 沿路會見左邊是火車軌, 右邊是海, 前方是一大群雪山, 其間會穿過一些小型隧道, 到達後就立即報名, 參加了十點半的Whale Watch Tour, 因為有九折Coupon, 兩位費用共NZD261, 行程約三個小時, 個團仲保證有鯨魚睇, 否則退還九成團費

原來今日有sea sick warning, 不過我們心想不會太厲害, 因為外面好好天, 所以無食到暈浪丸, 出發前, 先到播放室集合及睇一段介紹片, 看完就到外面坐Shuttle Bus到上船的碼頭

到達後, 天氣好快就開始轉差

上船後, 我們還懶醒, 坐在最前排的坐位

離開碼頭不到半小時, 海浪就越來越大, 船亦越來越拋, 坐在我們身旁有個外國女人, 已經開始嘔, 見到佢嘔, 我的同伴亦開始受到感染, 慢慢不舒服及嘔了起來, 有個女船員就叫我們坐到後排中心的坐位, 會比較好, 過咗一陣, 我都頂唔順嘔埋一份

其間見到船長在舺板兩邊走, 趁嘔完好咗少少, 就走出去八卦吓, 原來在航行途中, 船長會不時用聲納去搵鯨魚的縱影

成個團我們就嘔下睇下, 睇完就入船艙嘔過, 聽到廣播又出去睇過, 其間見到好幾次鯨魚噴水, 不過個女外國遊客最慘, 嘔到連坐位都不能離開, 乜都睇唔到, 真係嘔凸晒喇

見到另一班船, 估計是發現鯨魚縱影而互通消息

在船長努力下, 當行程接近尾聲時, 終於都見到一次鯨魚擺尾, 雖然係嘔下睇下, 但都見到又影到擺尾, 總算任務完成, 之後又再返入船艙嘔過

船長完成了他的使命後就立即回航, 在回航途中, 船上的人就陸陸續續開始嘔, 差不多有三成人都嘔, 落船就再轉Shuttle返船公司解散, 原來船公司亦是火車站, 所以我們也走到火車站睇下

船公司的另一邊對住個大海

之後就馬上去搵今晚住宿地方, 在船公司附近見到有Top10 Holiday parks及Kaikoura Apline Holiday Park, 因為第一日住過Top10, 見Kaikoura Apline Holiday Park平平地而大門口都新淨, 咁就決定住在這裡及即刻來個午睡

訓醒就出去個鎮行下及食個Late Lunch, 這個鎮出名食龍蝦, 所以周圍都有龍蝦食, 不過都幾貴

圖書館

遊客中心

在遊客中心對面的Cafe食了個Burger餐, 杯Iced Mocha勁大杯, 個餐都幾好味, 又其是杯Iced Mocha, 不過同伴食完個餐之後, 連晚餐都無胃口食

再周圍行

然後就行Peninsula Seal Colony, 可以好近咁同海豹影相, 不過佢地就好懶, 完全唔想郁

附近有好多海鷗, 不過佢地好惡, 稍為經過佢地的地盆, 部份海鷗就會飛到頭頂上盤旋及鳴叫, 真係好怕佢地會啄落嚟

再去Peninsula Seal Colony入口處附近的上山小徑, 行了一小圈

之後揸車到山坡的另一邊, 可以看鎮的全景

因為同伴無胃口, 所以只是到超市買了燒雞及當地雪糕作晚餐