2012冰島自駕遊 Day 6

冰島自駕遊  峽灣及地熱區

Day 6 - 2012年6月7日 星期四 密雲

Hofn - Djupivogur - Seydisfjordur - Egilsstadir - Myvatn (452km)

住宿: Elda Guesthouse 包早餐 (4 persons ISK 23900 四人價錢)


連續三日與冰有關的活動, 巳經順利完成, 今日會觀看冰島與火有關的地貌 - 地熱及熔岩區(Lava), 主要行程, 上午去東部峽灣小鎮, 下午去米湖區 (Myvatn Lake)

今日是較長車程的一天, 所以七點前就要出發, 先去Guesthouse的主樓退房及食早餐, 早餐還未準備好, 才發覺我聽錯早餐時間, 原來七點半才開始, 食完之後就出發

沿一號公路, 向北出發, 剛離開Hofn鎮, 架衰車就響alarm, 警示要更換機油, 雖然不是大問題, 但就遮著個里數錶, 攪到行車時無得睇里數, 間車行的定期維修認真差勁

在往Djupivogur鎮途中, 一個叫Djupavogshreppur的觀景處, 可以睇下海岸風景

之後到Djupivogur鎮, 稍為休息及周圍行下, 見到間屋好似Greenland啲屋咁

再去鎮內的Eggin i Gledivik

出咗個鎮, 有個避車處可以停低睇下座"金字塔"形的山

沿路去米湖區, 會經過Egilsstadir鎮, 而在Egilsstadir附近有一個Seydisfjordur小鎮, 它被Lonely Planet推介為"must visit"的地方, 因為Egilsstadir和Seydisfjordur來回都係五十公里左右, 唔太遠, 所以就加埋這個景點, 順道遊覽冰島的峽灣小鎮, 不過回程要走回頭路

由Djupivogur鎮去Egilsstadir鎮, 可以行一號公路, 又或者行條"捷徑"939公路, 不過好多台灣blog都話939好恐怖, 因為我們有四驅車, 加上無落雨, 所以選擇行939, 其實都不太恐怖, 主要問題是單線雙程及無乜避車處, 939沿路都好靚, 不過因為無乜避車處, 所以無特別停留

行完939之後, 會接回一號公路去Egilsstadir鎮, 沿路可以由高處看到Egilsstadir鎮, 個鎮都幾大, 之後繼續去Seydisfjordur鎮, 條路係一直上山, 風景都係好靚

上到山頂就變成雪景

仲有個湖, 不過就結咗冰

無幾耐就開始落山, 途中有一個停車處, 可以觀看Seydisfjordur鎮及峽灣, 都係好靚, 沿途還有好多小瀑布

到達Seydisfjordur鎮後, 先到教堂及湖邊行下, 不過教堂又係鎖著

在冰島幾日, 今日先有機會去超市, 一般超市都會在六點鐘閂門, 對於我們早出晚歸來說, 去超市真是有一點困難, 在超市內, 買了一些冰島出產飲品, 朱古力, 薯片及Skyr乳酪

之後就去鎮內的Arts Centre餐廳食午餐, 這裡都是Lonely Planet推介的地方

Parma Pizza

Shepheards pie

Fish of the day, 午餐都幾好味

之後就走回頭路返Egilsstadir鎮入油及買N1預付咭, 油站仲有個自助洗車區, 水喉連住支大牙刷, 咁就幫架車沖身, 又快又方便

往米湖區(Myvatn Lake)沿途中, 會見到兩座山, 山頂有個大平台, 其中一座全是雪, 我們覺得佢好似天使蛋糕

沿一號公路, 首先會見到右邊分支路862, 是條新建瀝青路, 可通往Detifoss的西面, 之後沿一號公路繼續行, 會見到支路863, 是通往地熱廠, Leirhnjukur及Stora-Viti火山湖, 有關景點分佈可參考下圖

進入863公路, 行行下會見到個馬桶及花灑在路的右邊, 之後就到達地熱廠

然後入到863公路盡頭, 先去Stora-Viti火山湖, 湖口離停車場好近, 下圖是關於Stora-Viti火山湖及Leirhnjukur兩個景點的資料, 紅線是步行經, 黑線是863公路

之後去Leirhnjukur, 行到第一個泥漿池就回頭約20分鐘, 個泥漿池好似公仔麵logo, 這裡亦可看到周圍的Lava field及遠望Stora-Viti火山湖

跟住就沿863公路回頭出返一號公路, 就會見到Hverir - 地熱區, 西面個停車處(下圖)可以由高處看米湖區

之後先去酒店check-in, 本來我們訂的是兩房兩浴廁的Apartment, 但係老闆娘話洗手間壞了, 要我們轉兩房一浴廁的Apartment, 當然會減去租金差額

休息一陣, 就出發去米湖溫泉Myvatn Nature Bath, 每位ISK 2800

浸溫泉前, 先在餐廳食個簡單的晚餐, 這是米湖出名的Hotspring bread with Salmon, 味道一般

Grilled baquette

入到去, 好少人, 幾好, 要近泉眼的地方, 才比較熱

浸完返到Apartment都差不多成十點幾, 之後兩個好攝之徙再出去米湖溫泉附近影相

臨訓前, 我們到飯堂飲今朝係超市買的啤酒及汽水