2012冰島自駕遊 Day 4

冰島自駕遊  冰川健行

Day 4 - 2012年6月5日 星期二 大雨轉陰

Vik I Myrdal - Kirkjubaejarklaustur -  Skaftafell National Park (170 km)

住宿: Fosshotel Skaftafell 包早餐 (Euro 133)


今日的行程非常緊密, 主要集中在Skaftafell National Park, 又係行冰川, 打算參加Mountain Guide的Svinafellsjokull Glacier Walk, Tour名叫IMG22 Glacier Adventure, 行程約四小時, 之後會行公園內裡面的其中兩段步行徑, 分別係Skaftafellsjokull及Svartifoss(一個外觀似心形的瀑布), 另外往公園途中, 亦會停留幾個地方及景點

早餐前, 在Guesthouse周圍行下

住宿包括早餐, 由八點開始, 亦係以Buffet形式提供簡單早餐

食完之後就立刻出發, 不過天氣就仲差過昨天, 大風大雨, 所以昨天無去的地方都無得補去, 落到Vik的N1油站加油後就走, 沿路都有一大片一大片的Lupins花海, 不過雨太大, 無停到, 中途仲見到好多老爺跑車經過, 奇怪點解冰島有咁多老爺車, 而且外觀還很新

過咗花海之後就慢慢出現一些好似地衣的植物, 忍唔著要搵地方停車行下, 去感受下這些軟腍腍的地衣, 不過就攪到成個人又濕又涷

其實這段路仲有其它Lookout, 但由於天氣問題, 所以直至去到Kirkjubaejarklaustur鎮, 先可以停下來, 去咗間教堂望下, 但鎖著, 不能進入

由於天雨無停過, 所以睇完就匆匆離開, 再次停車的地方, 已經到達Nupsstadur, 亦都離開咗雨雲區, 天色都清好多, 這裡可以睇下冰島草頂小屋Turf farm

離開這裡, 再過橋後, 就會開始見到一個接一個的冰川, 周圍都好似畫一樣, 如果天色再好些, 就更加好, 不過當時已經好滿足, 因為無再落雨, 而個天又光返晒

十二點幾到達National Park之後, 就立刻去報名參加行冰川, 可惜四小時的Tour巳滿, 所以改為參加兩個半小時的Tour IMG21, 費用ISK6500, 下午兩點開始

除了Mountain Guide之外, 亦有間叫Glacier Guide提供冰川Tour

午餐於遊客中心內的餐廳, 比錢時, 見計小咗千幾蚊冰島錢就同佢講, 點知佢話唔收喎 

出發前, 先要試好冰抓, 再坐Shuttle到冰川先至開始行, 而今次個帶Guide就勁寸

Shuttle到達這個小湖, 由這裡開始行

個冰川靚過昨天的, 比較白, 不過都係好少藍冰

又見到昨天的冰島家庭, 不過應該是參加Glacier Guide, 個Guide還帶著一頭好似係Husky的狗

玩完之後, 就返酒店Check-in, 而這裡最方便的酒店就一定係Fosshotel, 不過三個月前, 已經見佢爆滿, 所以訂了50km外的Islandia Hotel Nupar, 之後就周不時睇下Fosshotel會唔會再有房, 終於係出發前兩星期, 奇蹟就出現, 可能有人取消Booking, 咁就改訂Fosshotel, 而且仲係平房, 咁就可以慳了不少時間, 方便出入冰川, 不用走回頭路

返酒店前, 途經Lookout

今晚住宿的酒店

Check-in後, 就再次出發, 首先去Skaftafellsjokull, 它的起步點是由遊客中心的右面, 來回大約需時五十鐘, 不過沿路行下影下相, 所需時間比較多

行完Skaftafellsjokull, 再向左邊的Svartifoss出發, 之前網上有去過的人講, 由遊客中心起步, 單程也需要四十五分鐘才能到達, 不過行咗唔夠一陣, 見到有啲camp site同車泊係到, 條路好似可以揸車入, 咁就去遊客中心問職員可否揸車進入, 職員說可以再揸多一段路, 會有個停車位, 然後再行上去

咁我地就沿路揸上去,  去到疑似泊車位的地方時, 正在想可否再揸上去之際, 就見到有架車從條程路揸落嚟, 個位司機話可以再繼續上

上到去後, 亦見到有一架車泊係到, 我們就由此處開始行

不到十分鐘就能看到心形瀑布

然後再往下走

好彩行少一段路, 否則晚飯都無得食, Check-in時, 巳經訂了位, 但去到餐廳時, 人很多, 還有旅行團在用餐, 所以也要等了一會才可入坐

本來想點Glacier Beer, 但售罄, 咁就點了其它生啤試下

今晚餐飯幾好味, Glacier Char

Pork tenderloin

Lamb fillet

Ribeye

最後順帶一提, 出發前也有考慮過參加Glacier Guide的Blue Ice & Black Sands - Glacier Hiking and Sightseeing, 它是一個雙活動的Tour, 不但可以行冰川, 還可以近距離觀看Puffin鳥, 又或者另外參加Local Guide的Coast Tour, 可惜最終時間不容許, 對於想看Puffin鳥有興趣的人士可以參考下