【絕色挪威~郵輪之旅及自駕遊】Day5 羅浮敦漁村Hamnøy

羅浮敦自駕遊  羅浮敦漁村Hamnøy

Day 5 - 9月26日  星期二  晴

行程: Svolvær - Henningsvær - Flakstad Kirke -Skagen - Hamnøy  141km

住宿: Eliassen Rorbuer (Standard Two-Bedroom Cottage with Sea View, 1290克朗)

今日來到最期待的羅浮敦群島行程, 四天自駕遊行程由Svolvær開始, 首先駛到接近最南端的Hamnøy住兩日, 然後回到Svolvær附近的Kabelvåg住一日, 最後離開羅浮敦群島往北走到Harstad住多日, 方便隔天早上坐直航機返回奧斯陸, 因為當天Svolvær沒有直航機到奧斯陸。連首晚住宿在Svolvær, 這部分行程過了五晚, 在羅浮敦群島過了近四個整天, 當初以為時間充裕, 可以周圍捐窿捐罅, 點知時間轉眼飛逝, 四日只夠基本觀光, 連Hea下時間都不多！

因為今次需要異地還車, 選擇了分店較多的Avis, 租車公司所提供的羅浮敦地圖, 並列有島上各分店位置

店內有本非常精美的羅浮敦旅遊Guide, 介紹島上大小城鎮食、住、玩等資訊

把其中幾頁剪貼出來, 書中提及羅浮敦由七個群島組成, 由東至西分別是Austvågøy, Gimsøy, Vestvågøy, Flakstadøy, Moskenesøy, Værøy及Røst

其中五大群島Austvågøy, Gimsøy, Vestvågøy, Flakstadøy及Moskenesøy由E10公路貫通

Austvågøy群島的資訊及Svolvær市中心的全景圖

Svolvær市中心地圖

Henningsvær及Kabelvåg地圖

島上有五個藝術雕塑, 書中亦有簡介及位置資訊, 可惜我們一個都遇不見

Reine觀景台上的經典景觀, 是最期待地點之一

旅行時, 最大的敵人就是壞天氣, 尤其是羅浮敦群島, 我們看了不少網誌, 大部分的天氣都是暗暗沉沉, 加上好似話九月份係雨季開始, 所以心理打定輸數, 結果迎接自駕遊的開始是陽光普照的一天, 更難得是整段自駕遊行程每天都有燦爛陽光, 非常幸運。今早約了九點攞車, 八點前出發, 先在漁村走一圈, 影相時把鏡頭蓋放在門口欄杆上, 攞車時才發現遺失鏡頭蓋, 最後浪費了不少時間才找回, 大大影響心情！所住的12號漁屋外觀, 早上看來, 感覺較好, 但環境始終麻麻

對出就是海灣分支盡頭, 可是今日水位極低, 近乎乾涸, 再影響外觀

在衆多相片中可看得到的三角鹹魚架, 就在25至30號漁屋的門前, 現在已經過了晒鹹魚季節, 架上只有幾條零星鹹魚

其實這裡環境相當雜亂, 環繞魚架又泊滿車輛, 四處亦充滿由魚廠傳來的魚腥味

25至30號漁屋的海景

要睇清楚呢幾間漁屋的外觀, 就要走入魚廠外圍

漁屋向海的外觀

31至32號漁屋的環境

14至22號的漁屋群

61至69號漁屋的環境

盡頭處是全村最靚的4至6人別墅式漁屋(41至49號屋), 環境最好, 如果四人同行的話, 算是好選擇

屋前有海景, 面對海中島Lamholmen、市中心

及郵輪碼頭

Hotel Scandic Svolvær

Svolvær Thon Hotel的高層向海房, 可遠望這邊的漁村景, 又山又海, 應該是全市最好景

41至49號屋對面有幾間白色屋, 估計亦是出租渡假屋

但只有內海景觀

之後繼續由漁屋群漫步到市中心取車, 因為今日沒有行李負擔, 行得很輕鬆, 橋上又可欣賞漁村遠景

右邊是民居及廠房

左邊是碼頭方向, 有幾間船廠

市內教堂, 遠遠已經見到教堂頂

Lamholmen島中的另一間酒店, 本打算往後再行, 結果再無機會登島

沿海岸一帶佈滿酒店及餐廳, 環境不錯

曾經亦考慮過究竟住市中心Svolvær Thon Hotel定Eliassen Rorbuer的漁屋好, 最後都揀了Eliassen Rorbuer, 貪佢漁屋有特式, 如再揀過, 一定唔揀佢, 因為環境太麻麻, 跟期望完全不同, 漁村那邊行下已經足夠, 不值得住在那邊

有極光背景的Svolvær Thon Hotel非常吸引, 亦是考慮住在市中心原因之一

市中心廣場

Avis租車公司離碼頭不到五分鐘步程, 攞車時電腦壞了, 職員要人手出單, 好彩無其他人, 唔駛等太耐, 但同時亦發現鏡頭蓋不見了, 頭痕了

經過一輪搜索後不果, 最後駛車返漁屋退房, 才發現遺留在漁屋門口的欄杆上, 但已經浪費了不少時間

漁屋接待處的佈置有如雜貨店

裡面全是舊物, 如磅、收銀機等等

好多水鞋高高掛

仲有唔知乜東西, 好多手信店都有出售

準備離開時, 發現車門不能上鎖, 攪了一段時間才知道行李箱放得衰, 令尾門關不好, 所以引致不能上鎖

反正已經遲了, 又在漁村行下影下

門前的海灣位

如果是水漲期, 相信會靚些少

約十一點, 正式出發前往第一站Henningsvær漁村, 出發後不久, 同伴手機又有問題, 今日煩事接種而來！

進入Henningsvær前, 要經過幾條連接橋, 入橋前亦是行山路徑Festvågtind的起點, 山頂可以欣賞Henningsvær島嶼全景

Henningsvær由幾個島嶼組成並以接駁橋貫連, 民房等建築都集中在兩個較大的主島上, 兩島之間由大壩貫通, 村內的主街大致呈U字路線

漁村入口有個免費大停車場, 泊車後入村行下, 村口已經見到彩色小屋群, 都係水位太低, 影響景觀

路過Lysstøperi and Cafe, 門口好熱鬧, 就入去食個輕食, 現在回想來, 這餐算是今個Trip第一餐出街食

餐廳內, 有小部分用作蠟燭工作坊

室內環境

兩杯Mocha, 每杯45克朗, 檸檬芝士蛋糕, 40克朗及北極蝦三文治, 98克朗, 味道不錯但價錢小貴

村內隨影

沿主街行到大壩上, 可以欣賞這個人工小峽灣及兩旁彩色房屋

雖然在內灣內, 但湖面並不平靜, 未能突出倒影

紅色木屋就是村口位置的畫廊Gallery Lofotens Hus, 內有手信及畫作出售

其實漁村內無乜特別, 亦唔係好靚, 而U字路盡頭可以飽覽漁村入口及開揚山景, 算是村內靚景位

近盡頭有個巴士站, 亦係羅浮敦島典型巴士站外觀

明信片上的角度最能突出Henningsvær的優美, 但只能透過航拍方可看到

村內的便利店有熱狗餐出售, 鈎起當年在離開Tromsø前食熱狗的尷尬時刻

出入Henningsvaer的景色, 留意接駁橋及部分馬路是單線雙程

離開Henningsvaer, 繼續沿E10公路行駛

行大約半小時, 見到上面條橋就差不到達休息站Gimsøystraumen rasteplass, 停低睇下風景, 去厠所鬆下

同時幫架戰車影幾幅沙龍旺, 今次在Avis租了Compact自動波車款, 四天車租連加全保, 合共4700克朗。今次自駕遊的車款是標緻2008, 是一輛小型SUV車, 引擎只有1200cc, 但馬力卻比1500cc房車更强勁, 內籠比一般房車寬敞, 加上一個特大天幕車頂, 提高行車時的視覺享受, 整體上對操控、馬力及舒適度各方面都相當滿意

離開休息站Gimsøystraumen Rasteplass及過了大橋後, 可以選擇左轉繼續行E10公路, 或右轉行815路, 台灣博客介紹行815路, 因沿海邊行, 景色較靚, 所以南下一段, 我們行815路

途中經過營地Brustranda Sjøcamping, 沿峽灣建有渡假漁屋, 有山有水, 又有清晰倒影, 環境優美

815路的終點在Leknes滙合E10公路, 滙合處是Leknes外圍, 超市商店就在滙合處, 所以在這裡的Rema 1000購買了晚餐及補給, 然後繼續往Hamnøy出發, 路過一個景點, 看牌後原來是Strandveien

Strandveien只是個小石灘, 記得曾經在某遊記中看過

繼續行會經過漁屋Style的教堂Flakstad Kirke, 可惜沒有開放, 未能內進參觀

教堂附近有個叫Skagsanden的沙灘, 但我在Google Map記錄了錯的位置, 停車後行了反方向, 去了另一邊的Skagen

行了一段路才發現似乎進入了私人地方, 雖然環境不錯, 但是沿路戰戰兢兢

當時以為這裡就是Skagsanden Beach, 其實這是另一個沙灘在Skagsanden Beach右邊的盡頭處

附近環境幾靚, 有山有海, 有綠草地又有羊

不知不覺, 已到日落時分, 停低睇下日落, 發現旁邊是個養魚場

約六點到達Hamnøy, 今明兩晚所宿的漁屋, 職員在早上以電郵通知我們所住的漁屋及電子鎖密碼, Check-in方法相當方便, 就算接待處關門也不用煩惱

漁屋分佈圖, 我們住的33號屋在漁村邊緣位置, 款式是Standard Two Bedroom Sea View Cottage, 周圍環境清靜優美

放下行李後, 到漁村行一轉, Hamnøy範圍很細, 幾乎全村成為渡假村, 大部分漁屋都屬於Eliassen Rorbuer, 接待處在漁村中央位置

漁村盡頭的漁屋群

漁村的內灣碼頭

我們所住的33號漁屋對面有個魚架

漁屋入口在E10公路的連接橋位置, 路口對著大海, 有一排排魚架

行上E10公路的橋上, 向海一邊的景色

另一邊向漁村方向, 可欣賞Hamnøy全景, 右下角第二間漁屋是我們所住的33號漁屋, 身在漁村內, 景色只一般, 但從外圍望過去, 周圍景色簡直似人間仙境, 靚到痺！

漁屋室內相當新淨, 充滿木材氣味, 面積寬闊, 比香港村屋面積更大, 以1290克朗可住四人, 真係抵住

左邊分別有兩間睡房, 各放一張碌架床, 有些迫夾, 如可以改大些少, 各放兩張單人床就更好

浴室用貯水式熱水爐, 足夠我們兩人之用

窗外景色, 對著E10公路連接橋

下午在Leknes所買的食物, 共226克朗, 後來發現買漏蔬菜, 再要揸車到附近的Coop補買一份沙律菜及紅椒, 共38克朗

今晚晚餐有北極蝦沙律

主菜香煎三文魚意粉

飯後到漁村中心睇星等極光, 今晚天朗氣清, 仲好似影到銀河, 不過完全唔覺有極光跡象, 可惜全晚不斷聽到好大聲嘅廣東話, 之後仲唱卡拉OK, 將周圍寧靜氣氛完全破壞

之後又周圍影下星空下的漁村景, 竟然影到少少極光, 可惜微弱到肉眼完全察覺不到, 影咗一陣就放棄, 返漁屋睡覺, 而家寫返出來, 就有啲後悔, 點解當時唔揸車出去兜下碰運氣, 真係有啲可惜！

上一篇: 郵輪之旅及羅浮敦自駕遊 Day 4
下一篇: 郵輪之旅及羅浮敦自駕遊 Day 6