【絕色挪威~郵輪之旅及自駕遊】Day6 極光再現

羅浮敦自駕遊  極光再現

Day 6 - 9月27日  星期三  晴

行程: Hamnøy - Reinebringen - Hamnøy - Sørvågen - Å - Moskenes - Reine - Sakrisoy - Sørvågen - Hamnøy  58km 

住宿: Eliassen Rorbuer (Standard Two-Bedroom Cottage with Sea View, 1290克朗)

約晚上九點半極光終於現身, 即時在門口試影一下, 但現場光線實在太强

隨即轉移陣地, 向暗黑方向移動, 來到碼頭對出海邊(Google Map位置是Rundkulten)已經出現第一輪極光大爆發, 成個天頓時光亮起來, 加上極光不斷舞動, 睇到嘩聲四起, 當然少不了亂影一通

好快極光漂移到山邊, 不過近漁村一邊的街燈又係太强

唯有行著影, 兼尋找好位

又返到漁屋門口試下

門口附近的漁架亦試下, 但都係唔太埋想

只好揸車出動, 本來想去Reine, 但過橋後見到有排車位(Google Map位置是Smaken Av Lofoten AS), 對著內海, 有山有水, 好似幾好咁, 即刻停低睇下, 剛好有一場極光小爆發

之後的一段時間, 極光變化越來越慢

最後近乎靜止, 不過極光範圍卻很大, 令周圍變得較為光亮, 所以影出來的綠光覆蓋整個夜空

打算走人之際, 兩邊再有少許變化, 極光開始活躍起來, 不過當時的極光型態及線條都較為單調

另一邊的極光型態

不久正面的山頭後, 又靜靜地起革命, 除綠光外, 還隱若看到紫光, 最可惜被山巒遮蓋了大部分極光

向Hamnøy方向的極光似乎又開始活躍起來

呢邊所看到的極光, 始終都係比較單調, 加上大家都幾攰, 所以决定返去Hamnøy睇多陣就返歸

再次返到Hamnøy海邊(Rundkulten), 今次爬上石灘睇下, 不過因為周身肌肉酸痛, 影響活動能力, 屹下屹下咁爬上石灘

等咗陣, 極光又開始出來

臨走前來多一幕極光小爆發

經過一幕小爆發後, 再次回歸平淡, 只剩低一條近乎靜止的極光帶

不知不覺睇咗兩個半小時極光, 雖然唔算太精彩, 但今日可以順利登上Reinebringen, 再以一場極光show結束, 相當大滿足 ！最後放多幾張極光動畫相

上一篇: 郵輪之旅及羅浮敦自駕遊 Day 6 日
下一篇: 郵輪之旅及羅浮敦自駕遊 Day 7