駕世遊: 【絕色挪威~郵輪之旅及自駕遊】Day7 Reine漁村

羅浮敦自駕遊 Reine漁村

Day 7 - 9月28日星期四晴

行程: Hamnøy - Reine - Å - Sørvågen - Sakrisoy - Fredvangskrysset - Ramberg - Nusfjord - Kabelvåg - Svolvær - Kabelvåg 176km

住宿: Nyvagar Rorbuhotell (Two-Bedroom Cottage with Sea View, 1395克朗)

今日要離開Hamnøy, 又無安排特定節目, 所以主力遊車河, 首先揸車去Å, 然後慢慢北上到Svolvær, 沿路欣賞下羅浮敦景緻, 睇時間再決定中途停點。今朝成個人散晒, 周身骨痛, 仲好似作病咁, 爭扎咗好耐至爬起身, 行出去大橋睇日出

大約七點半上到大橋, 但已經遲晒

返漁屋匯合同伴後, 將所有剩餘物資做今朝早餐。餐後再簡單地吸塵及打掃一下漁屋, 皆因漁屋規定住客退房前, 需要打掃漁屋

臨別秋波, 跟同伴再入漁村走多圈

E10公路的大橋上

村口位置的漁屋

村內隨影

然後開始今日羅浮敦遊車河, 不過出發後不到十分鐘就出事, 過了Coop超市後, 見到海邊顏色好靚, 停低睇下, 點知踩到嚿好跣嘅石, 跣低咗, 撞傷膊頭, 好彩無乜大外, 只係撞傷膊頭肌肉, 令左手舉唔起及發唔到力, 連閂車門都唔夠力, 好彩都揸到車, 結果呢一撞, 要差不多三個月至完全恢復, 認真論盡！

入Reine前, 在觀景位停下, 見到架小型Campervan, 美觀而輕巧, 揸著佢周圍游山玩水都幾過癮, 唔知幾時有機會試下！

今日不單只天晴, 連些少煙霞都無, 如果今日爬Reinebringen, 景色一定更好

村內的油站便利店可以泊車30分鐘, 今日四周無人, 環境寧靜, 相比昨日見到好多國語人, 今日感覺好得多

行入村內的小碼頭, 眼前所看到的景色比村口的觀景位更勝一籌, 可惜太遲發現, 否則昨晚一定走一轉

漁村內的渡假漁屋(Reine Rorbuer)

餐廳及油站

Reine kirke

前往Å途中, 載了兩位曾經在上海工作過的荷蘭少女坐順風車, 她們昨晚剛從Bodo坐船來到, 途中順便請教她們各個漁村的讀音, 後來只記得Å, O咀讀痾K個『痾』。在E10公路的盡頭, 駛入一條很短的隧道後就是Å的村口了

隧道口有個大停車場, 今日只得我們一架車

據聞訪客不可駕車入村, 把車泊在村口停車場後, 再行入村

Å村的名店Å Bakery, 今年經已收爐了！

旁邊的Museum Kafe有代售麵包店的名物肉桂卷, 不過今日無卷賣, 最終未能品嚐Å的名物

漁村中心位置

海岸邊景色

離開冷清清的Å後, 沿路折返北上, 路過昨晚晚餐的Sørvågen, 停低睇下

昨天停過的Djupfjord Bridge lookout

Reinebringen的另一個parking, 可以依稀睇到Reinebringen登山路

Sakrisoy

公路邊有間黃色小屋, 門外擺放了一堆鱈魚頭

就是餐廳Anita's Sjømat

入口掛滿各式各樣Stockfish(鱈魚乾)的製成品, 我哋都買咗條鹹魚寶劍返香港, 閒時都會攞出來索下, 懷念下今趟旅程

還有其它魚類產品手信, 全部都幾乸脷, 唯獨是條鹹魚寶劍算最抵, 以重量計算, 最平約300克朗一條

餐廳環境

內有兩張長枱

魚堡係Anita's Sjømat招牌菜, 點解menu啲字全部一樣, 莫非我撞親個頭！

我們望著張圖, 揀了最普通的魚餅漢堡, 100克朗

及魚湯, 179克朗

另加500g北極蝦, 80克朗

全餐359克朗, 味道唔錯, 魚湯即叫即做, 配料十足, 新鮮滾熱辣, 仲差啲淥親嘴唇, 北極蝦好甜, 隻隻蝦頭都有嚿鹹蛋黃添, 好過超市去殼北極蝦多多聲, 鎮店之寳反而唔算突出, 但都OK好食, 係午餐好選擇！

餐廳正門

飯後帶同伴去案發現場, 報告撞傷過程及案件重演

每日都去的Coop, 內有郵政服務, 今日入去買郵票送給姪女

進入隧道後正式離開Hamnøy, 開始北上行程

進入Fredvang的路口, 見有人正在航拍, 停低睇下, 心諗呢度用航拍一定好靚, 但航拍呢樣玩物好易中毒, 玩過無得返轉頭, 旅行就一定更加忙碌

呢到好靚, 點解無記錄？睇咗一輪, 心諗今日狀態麻麻, 都係唔入Fredvang

經過Ramberg Beach

一個好普通的沙灘

然後繼續去下一站Nusfjord

進入Fv807路不久, 就被湖邊的倒影深深吸引下車

倒影非常清晰

Nusfjord的免費停車場位於入口一處小山坡之上

根據網上資料, 入村要收費, 可能已是淡季, 遊客中心都已經關門了, 不知到那裡付入村費

其中一邊全是紅色漁屋, 睇落似是渡假屋

另一邊入口是Nusfjord General Store, 阿姐正在打掃中, 無入去參觀

據聞Nusfjord是羅浮敦群島中最古老及保存最好的漁屋

行完Nusfjord, 已經三點半了, 原本記低的幾處地方Haukland Beach、Uttakleiv Beach、Unstad Beach及Borge Kirke, 全部都要跳過, 直接沿E10公路前往今晚住處的Kabelvag, 途沿的幾個停點

另一個全橙色的山頭

還有一個全黃色的山頭, 可惜無停車位, 又被後車追貼, 到了可以停低時, 已經錯過美景, 就以眼前的景色作少許補償

島上五個藝術雕塑之一的Vågan, 可惜找不到它的位置

到達Kabelvåg已經過了五點半, 今晚住宿在Nyvagar Rorbuhotel的1號漁屋, 步入大門就見到浴厠

左邊是客飯廳, 空間闊落

兩間客房在二樓, 各有兩張單人床, 今日腰酸骨痛先要上落梯級, 真係大件事

飯廳有門直出海邊

我們住1號漁屋

室外有兩個浸浴池

後排的漁屋

黃色大屋就是酒店接待處及餐廳

旁邊有個小碼頭

Kabelvåg離酒店約兩公里, 安頓後揸車去Kabelvåg行下, Kabelvåg的中心廣場

超市開7至23, 都幾勤力喎

鎮內隨影

海邊的屋群

之後去Svolvær行下, 將車泊在教堂附近的停車街位, 諗著買泊車票時, 發現可以撳兩小時免費票

Svolvær教堂

廣場旁邊的Lofoten SuiteHotel

剛啱郵輪泊岸, 今日郵輪係Polarlys

隨影

今晚返去第一晚住宿的漁屋附屬餐廳Borsen Spiseri食晚飯, 免費前菜, 味似濃縮蕃茄汁

啤酒80克朗及可樂45克朗

點了兩個頭盤, 貪得意揀咗個有三款羅浮敦傳統食物的Lofoten Delicacies - cured whale rolled with horseradish, stockfish brandade with toast, smoke arctic char and organic goat cheese from alan gard, 159克朗, 唔算好食