【絕色挪威~郵輪之旅及自駕遊】Day4 精靈峽灣Trollfjord

郵輪之旅及羅浮敦自駕遊 精靈峽灣Trollfjord

Day 4 - 9月25日  星期一  晴

行程: Tromsø - Finnsnes - Harstad - Risøyhamn - Sortland - Stokmarknes - Svolvær

住宿: Svinoya Rorbuer (One-bedroom Cottage, 1205克朗)

今天的日程表, 即是郵輪第九天的日程表, 離開Tromsø後, 沿途經過五個港口Finnsnes, Harstad, Risøyhamn, Sortland及Stokmarknes便到達Svolvær, 我們就在這裡落船, 結束這趟短暫而精彩的郵輪旅程

睡不到六小時就要起身, 因為打算在Harstad落船行下, 原定停泊時間為07:45 - 08:30, 今次遲大到, 遲近半小時, 勁呃鐘！碼頭一帶景物, 市內範圍很大

四日後入住的Clarion Collection Hotel Arcticus, 原來離碼頭勁遠, 加上天色陰暗, 決定放棄落船的念頭, 提早食早餐

因為昨天參加了北角早餐團, 所以今次係第一次亦係唯一一次在船上食早餐, 食物OK豐富, 都算不錯, 左上角是挪威芝士

加杯好似好有益的莓汁, 及各式蔬果

早餐後, 天氣變得好好, 獨自在船上遊盪, 周圍景色雖美, 但始終有些少郁悶, 因為今日無得延遲退房, 有六個鐘要做遊牧民族, 行行下都係不甘心, 落去三樓再搵經理幫忙, 碰碰運氣, 結果成功攪定, 但經理要我落船前半小時還房, 當然無問題, 點都好過無房可歸, 立即返房通知同伴, 得到一句「做到嘢, 獎你一個叻」, 可惜呢個叻之後又被回收了！

今日觀景層有兩場名勝介紹(Point of Interest), 依舊由三位帶領活動的職員(Expedition Team)講解, 第一場介紹通往Risøyhamn的航道

這條航道是挖掘出來的, 全長三英里, 兩旁有浮標指引航道, 確保船隻在航道內行駛, 以防擱淺, 從船上可清楚看到浮標外已是淺灘

郵輪以龜度行駛令海面非常平靜, 倒影處處可見

見到跨海連接橋就是Risøyhamn

Risøyhamn停泊時間為10:45 - 11:00, 呢站仲有車上船

實景跟直播景所差無幾

前往Sortland途中的景色

穿過這條跨海大橋後就到達Sortland

Sortland停泊時間為12:30 - 13:00, 呢站有好多客等上船, 而我們亦終於忍不著落船打打卡

今日午餐, 排隊等位時, 同後面兩對老友記講咗幾咗句說話後, 竟然變為一齊食飯, 同唔識嘅人食飯, 相當不自在！

繼續前往下一站Stokmarknes

在房中休息不到十五分鐘, 外面景色又有變化

靚景真係源源不絕

Stokmarknes近岸建有不少仿漁屋的渡假屋, 外觀相當吸睛

Stokmarknes停泊時間為14:15 - 15:15, 實際只有約四十五分鐘, 碼頭旁有Hurtigruten博物館

附近一帶的景物

時間只夠在碼頭附近走走便要離開

離開Stokmarknes不久後, 就開始駛入Raftsundet(拉夫特海峽), 亦進入今趟郵輪之旅最精彩的一段航程, 四周山巒變得陡峭嶙峋, 令景色更上一層樓

加上黃葉處處, 在太陽照射下更加艷麗

在觀景層亦進行第二場名勝介紹Raftsundet and Trollfjord (拉夫特海峽及精靈峽灣), 繼續由Expedition Team三劍俠講述精靈峽灣的古老傳說, 我和同伴各有所好, 同伴去聽古仔

我就沉醉美景, 四處攝獵, 通過大橋正式進入Raftsundet海峽

七樓的Panorama Lounge此時座無虛席, 勉強找到兩個相連後座, 換個方式欣賞峽灣之美

始終都是戶外位置享有最高視覺享受

到達Raftsundet海峽中段位置時, 郵輪會駛進旁邊一個非常狹窄的峽灣, 精靈峽灣Trollfjord, 此時大部分人都準備就緒, 紛紛湧到甲板及走廊上守候, 準備近距離欣賞峽灣景色

精靈峽灣長度二千米, 寬度只有一百米, 當郵輪慢慢駛入峽灣時, 身處甲板上, 感覺兩邊的崖壁就像擦身而過

精靈峽灣的入口

峽灣盡頭是掘頭路

最後在盡頭處, 船長表演高難度動作掉頭, 我哋就興高彩烈地兩頭走, 睇下有幾貼邊

再沿路駛離峽灣

此時亦係時侯收拾細軟, 準備落船

落船前仲有機會睇下羅浮敦群島嘅夕陽景

背向夕陽的一邊

睇完羅浮敦群島嘅夕陽景, 亦係時候準備落船, 回想呢段旅程, 對好多人來講, 郵輪之旅應該好悠閒, 但我哋只係訓得十一、二個鐘, 除咗食飯落船, 大部分時間都留在船艙兜圈睇風景影相, 全程相當忙碌, 最高興係大部分時間天氣都幾好, 除北角例外, 可以欣賞到峽灣美景的一面, 非常好彩！

今晚揀咗好多人住過的Svinoya Rorbuer, 離碼頭約十五分鐘步程, 唔算遠, 但實際條路唔方便拖喼, 尤其是要穿過一條行車天橋, 慳錢行去係個錯誤决定！當時覺得住在碼頭附近的酒店, 或者住在碼頭附近的Lamholmen島更理想

今晚住12號漁屋, 無海景, 屋前好似有條無乜水嘅坑渠咁, 同伴見到咁嘅環境, 即時話無癮掃興, 仲要行咁遠, 行到身水身汗, 之後又責備我吹水, 話今晚住漁屋, 環境好好, 可以好舒服等極光, 今朝個叻都唔應該俾你呀, 應該上船check-in就要攪好晒, 攞來煩！

漁屋外面環境嘛嘛, 但室內就正常好多, 算係企理整潔

有間雙床房

浴室

客廳及飯廳

安頓後, 同伴上網查下, 原來Svinoya Rorbuer有好多漁屋, 只要有錢就可以選擇不同環境的漁屋, 我在booking.com訂房時, 兩人漁屋只得一個選擇, 漁屋分佈圖

我都係因為呢個景而揀Svinoya Rorbuer, 好彩只係住一晚

Borsen Spiseri餐廳, 又係Svinoya Rorbuer的接待處, 接待處關門後就要到餐廳搵待應攞房

 趁未天黑周圍影下相

行上橋睇下周圍環境, 25至30號屋對著內陸海境, 遠睇幾好, 近睇就一般, 旁邊係鹹魚廠, 味道好强勁, 唔係人人頂得住

Borsen Spiseri在Svolvær排名第一的餐廳, 本來安排食晚餐

郵輪碼頭

今晚無晒心情, 食埋兩個剩低嘅杯麵做晚餐

飯後出去行下, 雖然天色好清, 可惜無極光踪影, 半夜又出去睇下, 都係見唔到

上一篇: 郵輪之旅及羅浮敦自駕遊 Day 3 夜
下一篇: 郵輪之旅及羅浮敦自駕遊 Day 5