【絕色挪威~郵輪之旅及自駕遊】Day3 極光登場

郵輪之旅及羅浮敦自駕遊  極光登場

Day 3 - 9月24日  星期曰  大致天晴

行程: Mehamn - Kjøllefjord - Honningsvåg - Nordkapp - Hammerfest - Øksfjord - Skjervøy - Tromsø

住宿: Hurtigruten MS Nordlys (三日兩夜, Arctic Superior客房, 包三餐, 免費Wifi, 咖啡及茶任飲, 每位681歐)

晚餐中段, 聽到極光廣播後, 立即用最快時間解决晚餐, 然後擸架撐上頂層影極光。在航行中的郵輪影極光, 預咗有一定難度, 例如人多地方細、船隻搖動、閃光燈大亂閃、兩旁的觀眾入鏡等, 但原來最煩是船尾的波浪軌跡和煙通排出的廢氣, 船上的燈光亦令廢氣更加明顯, 雖然順利霸到船尾中間位, 但似乎並非最佳位置, 左右兩個角落反而更好！

今晚的極光show太約由九點開始, 剛出現時是一縷縷灰白色的煙, 後來漸漸增強變成淡綠色, 幸好在手忙腳亂的情況下, 總算趕到影低第一輪極光爆發, 最勁的一瞬間, 感覺成個天都亮起來, 當時非常興奮, 勁開心！

當極光移到正上方時, 向上影的話就會將煙通廢氣一併入鏡

或者稍為將鏡頭拉寬一些, 又會將欄杆遊客一併入鏡, 認真令人氣餒！

經過一輪平淡後, 又出現幾次極光爆發, 今次好似舞動絲帶咁

其間不繼嘗試拍攝倒影, 可惜失敗收場

影寬些少, 又見煙通廢氣

今次由絲帶舞變成送你一對翼

過咗幾次爆發後, 又變返靜態的灰白極光, 而大部人亦都散去, 多咗移動空間

今次由船邊試下影倒影, 效果都不太好, 正想離開之際, 極光再次轉强

船尾方向又來爆發！

爆得越來越勁

最後一幕以極光大螺旋來終結

吹咗兩小時北風, 人都凍晒, 係時侯要返船艙暖下身, 及準備在Tromsø落船

進入Tromsø港口, 立即見到地標的北極大教堂

兩岸夜景

零晨時份竟然有好多人落船, 原來幾乎所有人都係參加北極大教堂音樂會, 由三架旅遊巴載走, 只得幾丁友入城, 我們先在碼頭試下影, 但影唔到極光

久違了的廣場及購物街, 周圍靜英英, 今日已經玩咗超過廿個鐘, 决定提早上船休息

最後在船頂再影多次, 証實無光, 終於死心, 返房訓覺

終於達成第一個清單項目, 欣賞咗一場非常精彩的極光show, 如果早上的北角團能夠有好天氣, 今日絕對係完美的一日！最後有三張極光動態相

上一篇: 郵輪之旅及羅浮敦自駕遊 Day 3 上
下一篇: 郵輪之旅及羅浮敦自駕遊 Day 4