【絕色挪威~郵輪之旅及自駕遊】Day3 挪威極北之地-北角

郵輪之旅及羅浮敦自駕遊  挪威極北之地-北角

Day 3 - 9月24日  星期曰  大致天晴

行程: Mehamn - Kjøllefjord - Honningsvåg - Nordkapp - Hammerfest - Øksfjord - Skjervøy - Tromsø

住宿: Hurtigruten MS Nordlys (三日兩夜, Arctic Superior客房, 包三餐, 免費Wifi, 咖啡及茶任飲, 每位681歐)

今天的日程表, 即是郵輪第八天的日程表, 沿途會停泊八個港口站, 有Mehamn、Kjøllefjord、Honningsvåg、Havøysund、Hammerfest、Øksfjord、Skjervøy及Tromsø, 行程看似很豐富, 但實際只有Hammerfest及Tromsø兩站有足夠時間落船觀光, 其餘皆是上落客性質

昨晚在船艙內比預期更平穩寧靜, 完全不似住在船上, 一覺醒來已經四點多, 要起身梳洗準備出發北角早餐團。集合時間為早上五點, 職員在Coffee corner預備了一些簡單小食, 可能天氣差, 全團只有十人。落船後, 帶隊的女職員把團員們交到岸上等侯的導遊後, 就叫我們玩得開心啲, 然後立即上船走人, 仲以為帶隊的女職員會一齊去北角

北角早餐團在Honningsvåg落船後, 便直接坐旅遊巴到北角, 遊覽後繼續乘坐旅遊巴到兩站之後的Hammerfest, 匯合郵輪, 全程約六個半小時, 在北角停留只有一個半小時, 其餘都是交通時間。今早的天氣與預報一樣, 密雲有雨, 由落船一刻開始, 已經落著濛濛細雨, 上了旅遊巴後, 越近北角, 天氣變得越差, 非常大霧, 能見度極低, 車程40分鐘, 約六點半到達北角旅遊中心

北角位於北緯71°10'21", 此地原來並非歐洲大陸最北之地, 最北地實際是Cape Nordkinn, 但因有公共交通及設施配套, 北角就被標籤為歐洲大陸最北之地, 亦變為旅遊勝地。北角旅遊中心的簡介

走入旅遊中心, 透過眼前一排大窗, 只看到外面一片白茫茫, 唯有先在室內睇睇, 等到七點日出時間才到外面走走

北角旅遊中心, 內裡有一系列最北的設施, 大堂入口有最北的郵筒

最北的郵局但看似停止營業

沿地下通道順走

有最北的教堂St. Johannes Chapel

盡頭是Cave of Light, 裡面循環播放著北角的歷史及建設過程

早餐於最北的餐廳Restaurant Kompasset

大堂內的挪威精靈像, 手握的方向杆寫著離北極點(North Pole)的距離是2093公里

最北的商店

發現內裡有四款北角郵票發售, 可惜只剩中間兩款有貨

最北的酒吧Aurora Borealis Bar

行過旅遊中心及食過早餐, 天色依然無改善, 真係失望到極點！

外面不但狂風濃霧, 仲有微雨, 辛苦之餘又睇不到一帶景色, 今次真係貼錢買難受！

位於北緯71°10'21"的北角地球儀The Globe, 暫時係人生中踏足最北之地, 可惜天公不作美！

全程停留北角時間只有個半小時, 由六點半至八點, 臨走前在門外巡一轉, 今團所乘搭的旅遊巴士

遠眺北角地標

準備上車走人之際, 一陣狂風把濃霧打散

遠處的World of Children紀念碑突然出現眼前, 拿拿聲跑去睇下, 好彩有陣怪風, 否則一定走漏！

八點離開北角旅遊中心, 開始四小時漫長車程, 約15分鐘車程到達薩米人所經營的工藝品店參觀

門外有位薩米老伯及馴鹿, 大家都排隊同佢哋影相, 真係辛苦阿伯喇

店內售賣的工藝品, 大家都完全無興趣

店外的嘜頭同阿伯頂帽係一樣喎

停15分鐘後再出發, 附近有間酒店, 睇返Google原來係Scandic Nordkapp, 如果諗著去北角追極光或者午夜太陽, 住這裡似乎不錯

回程沿海邊行駛, 可惜天氣不好, 令景色大打折扣

途中經過cliff rock

第一個中途站, 有五分鐘時間落車伸展一下

沿路有不少漁屋及鹹魚架

最後一個中途休息站, 有酒店、餐廳及手信店

不過可以打發時間的手信店就無開檔

離開最後的休息站, 天氣續漸轉晴, 開始出現挪威應有的靚景了

穿過Kvalsundrua橋後, 就差不多去到Hammerfest, 沿路風景亦變得更靚

Hammerfest外圍的景色

到達Hammerfest後, 還有半小時才夠鐘上船, 可以在中心一帶快行一轉, 船上提供的觀光地圖

Hammerfest Kirke教堂

鎮內的Gjenreisningsmuseet

鎮內的住宅屋苑, 居住環境相當正

呢間Scandi酒店外型幾特別

海岸邊的景色

碼頭廣場一帶

碼頭旁邊有遊客中心及手信店, 好多同船遊客都聚集在這裡, 可以作最後衝刺才上船

Hammerfest坐標

最後衝埋上船頂, 睇著郵輪離開港口至去食飯

山坡上的建築群是個景點, 郵輪有健行項目帶遊客上去

今日排隊食午餐又遇到澳洲團友, 仲叫一齊食, 真係好想說不呀！

風和日麗下, 景色都特別靚

天氣好好, 但美中不足係個天唔夠清, 有些少煙霞

坐下行下影下, 時間過得特別快, 好快到下一個港口Øksfjord

對正陽光, 黃葉色彩特別鮮明

預計停留時間是15:30至15:45, 結果遲咗近15分鐘

呢段時間, 陽光特別靚

晒著太陽吹著海風睇風景, 認真享受！

之後返房休息, 查閱資料時才發現明天退房時間是12:00, 但可以補錢要求延遲退房至落船時間, 所以立即辦, 可惜full咗！點解咁大意, 上船時無睇, 無計明天再算, 繼續欣賞日落美景

完船人都好似消失晒, 得我一條友周圍行

下一個港口Skjervøy, 有半個鐘時間, 打算落船望下

預計停留時間是19:15至19:45, 點知遲咗近15分鐘, 所以放棄落船了

晚餐菜單

Spinach Soup

Coalfish fillet

Duga bygg cream

晚餐期間突然廣播有極光, 拿拿聲食完即刻擸架撐出動！

上一篇: 郵輪之旅及羅浮敦自駕遊 Day 2
下一篇: 郵輪之旅及羅浮敦自駕遊 Day 3 下