駕世遊: 【絕色挪威~郵輪之旅及自駕遊】Day2 挪威極光郵輪之旅

郵輪之旅及羅浮敦自駕遊挪威極光郵輪之旅

Day 2 - 9月23日星期六間中天晴

行程: Kirkenes - Vardø - Båtsfjord - Berlevåg

住宿: Hurtigruten MS Nordlys (三日兩夜, Arctic Superior客房, 包三餐, 免費Wifi, 咖啡及茶任飲, 每位681歐)

挪威東北端的Kirkenes是個位於北極圈內的港口小鎮, 是今次三日兩夜郵輪之旅的起點, 小鎮的西面, 原來非常接近俄羅斯邊境, 這裡最為人熟識應該是極光、皇帝蟹及冰酒店, 其中我對極光最有興趣, 為免錯過機會, 昨晚不斷起身觀看天色, 可惜與極光無緣, 今朝又要一早起身出去行一轉, 攪到好似無訓過一樣。早上六點, 天色仍然厚雲, 但有少少日出橙光襯托, 灰得來都幾靚

酒店餐廳, 剛巧有一群商務客在用餐, 仲以為會是最早的人客

早餐款式很多, 好豐富, 即時醒晨晒

到埗後第一餐, 要慢慢享受

酒店外觀, 近門口的户外位置, 放了枱櫈方便住客晚上等極光用, 不錯的安排

向海房間的景觀

Kirkenes觀光地圖, 酒店對面一帶已是鎮中心

對面小山丘是鎮內的教堂Kirkenes kirke及墓園

從教堂望向酒店的景觀

鎮中心廣場

旁邊有Scandic Kirkenes酒店, 昨晚同車的旅客, 大部分都入住這酒店

KirkenesSnowHotel公司除提供冰酒店外, 還有不同活動, 其中見得最多人玩就是King Crab Safari, 不過每位要1500克朗

行到酒店後的小公園Scandic Park, 開始出現少量藍天, 周圍環境即時變靚晒

附近一帶的民居, 環境亦非常幽美

傳統挪威風格的木屋

遠望見到廣場邊緣有支大煙通, 行過去睇睇

旁邊是市內最大商場AMFI, 星期六開十點, 離開門還有個多小時, 轉頭再來過

門口有幅全市的鳥瞰圖, 左邊就是鎮中心, 真係好細

由商場行落海邊就差不多行完一轉, 岸邊有間大屋就是參加King Crab Safari的地方

活動所乘坐的快艇及碼頭

有陽光照著, 黃葉彩色更為鮮艶突出, 秋意更濃烈, 眼前海岸環境更加美麗, 跟早上完全是兩個世界

沿海旁行三分鐘便能到達酒店

回到酒店房後, 住客才開始陸續出動

從房內遠望, 看到將要乘坐的Nordlys郵輪, 此時才駛往碼頭

收拾行李後, 計好時間, 再出動行埋AMFI商場

上海餐館, 咁細嘅鎮亦有中國人足跡

市政廳

Kirkenes kirke教堂

酒店旁邊是警局

十一點前回到酒店退房

酒店餐廳有皇帝蟹餐供應, 客人可在魚缸內自選皇帝蟹, 蟹餐跟沙律麵包, 1600克朗

酒店大堂放有天氣及巴士資訊, 由酒店到Hurtigruten碼頭, 每日一班, 開11:10, 每位35克朗

巴士站位置, 臨走前跑上小山丘跟酒店, 巴士及巴士站影相

車頭銀幕打出Hurtigruten, 不會攪錯。同車有幾個老外, 還有一對台客及一對日本老夫婦, 船上亞洲面孔不多, 全船應該只有我們這幾個亞洲人

巴士路線只經市中心的Sandic酒店, 然後直接駛到碼頭去, 車程約十分鐘。上船前, 先在碼頭玩一轉, 此時天氣好到不得了, 勁開心！

今次安排不太好, 無預多一日在Kirkenes, 萬一中途有阻滯的話, 分分鐘錢同郵輪之旅都要泡湯了！終於放下心頭大石, 郵輪之旅可以順利展開, 登船後立刻周圍巡視一番及到頂層觀看碼頭一帶景色

天秤附近就是Thon Hotel

取房後不久就聽到廣播, 叫有興趣參加北角早餐團的旅客盡快報名, 所以立即去報"Breakfast at the North Cape", 每位1980克朗, 反正天氣好壞與否都係想去, 唔駛再猶豫, 不過價錢實在太乸利！

四樓大堂, 每晚都準備好下一天的行程及相關地圖, 我以為今日是第一天行程, 取得行程後才知道錯了, 今日是第七天行程, 又再做漏功課了

午餐前到頂層舺板欣賞風景, 太陽底下吹吹海風, 認真舒服

在餐廳等位時, 跟一對澳洲夫婦寒暄幾句, 他們會坐足全程十二日, 還告訴我們昨晚在郵輪看到非常精彩的極光, 真的非常羡慕他們。郵輪上的早餐及午餐是自助餐形式, 午餐的款式及味道不算太差, 我覺得比晚餐好, 有沙律及前菜, 餐湯有純鹿湯, 主菜多數有兩至三款海魚, 主菜及湯都係非常咸, 跟咸魚無分別！

每日都有幾款凍海鮮供應, 例如北極蝦、scampi蝦, 皇帝蟹腳、青口、三文魚、煙三文魚等, 各款凍海鮮都幾好食, 尤其以北極蝦最為鮮甜

芝士、三色魚子及蟹肉釀蟹蓋

午餐後不久, 天色又再變得烏雲密佈

今日午後會停三個港口, 有Vardø(15:45 - 16:45)、Båtsfjord(19:45 - 20:15)和Berlevåg(21:45 - 22:00), 第一個停泊的港口是Vardo, 停留一小時(15:45-16:45), 呢站有個免費團由導遊帶領到鎮內, 參觀一個紀念館Steilneset Memorial, 時間已經少, 但由泊岸到落船, 遲了近十五分鐘才能落船, 起初以為偶然發生, 但實際每一站都一定遲十分鐘或以上才泊岸, 而開船時間卻維持不變, 非常呃鐘, 所以停十五分鐘或三十分鐘的港口, 基本上大家都不會落船