【西班牙自駕遊】Day10.2 El Caminito del Rey 國王步道

西班牙自駕遊-大城小鎮之旅  El Caminito del Rey 國王步道

Day 10 - 9月23日  星期一  晴

行程: 龍達 - Setenil de las Bodegas - 國王步道 - 龍達 139km

住宿: Apartamento Victoria (1-Bedroom Standard Apartment with private parking, 兩晚140歐)

匆匆忙忙離開Setenil de las Bodegas小鎮, 就係為咗趕14:45集合、15:00入場的El Caminito del rey國王步道, 由小鎮往國王步道五十多公里路, 約一小時車程, 呢個行步道都好受歡迎, 官網會提前三個月開放預約, 每日分時段入場, 限制每日每時段嘅人數, 門票分別General ticket及Guided visit ticket, 一般門票最受歡迎, 10歐一位, 可以自由行走步道, 步道路線是單向式, 由北口開始至南口完結, 所以門票亦有選項可加入往來南北口之間的接駁巴士, 當時每位價錢係1.55歐, 我哋計劃將車泊北口停車場, 行完步道之後坐巴士返北口攞車, 另外亦可以選擇先泊車喺南口停車場, 跟著坐巴士去北口, 再開始行步道, 然後由南口揸車走人, 官網有介紹相關交通資訊。為咗參加呢個活動, 之前嘅行程都要稍微改動遷就, 所以怕遲到無得入場, 白費之前嘅功夫, 最後總算趕到, 大約在兩點半到達泊好車, 跟著仲要行1.5公里到集合點, 首先由停車場過對面馬路搵呢個行人隧道入口

隧道裡面, 太急喇, 張張都係手震相

另一個隧道口, 好明顯係特登做出來

由黑漆漆嘅隧道出來, 零舍有別有洞天嘅感覺

前面有人行緊, 應該都係團友, 睇嚟可以唔駛太急

沿途景色

好似烏魯魯石嘅圖案

由隧道入口到集口屋仔約行十五分鐘, 呢間屋仔有洗手間及飲品售賣機, 先買罐可樂飲啹下先, 1.5歐

雖然話要十五分鐘前到達同職員報到, 實質職員都係等到準時先開始點人數及派頭盔, 然後開閘放人

入口處係個發電站

整條步道全長7.7公里, 離地約700米

開始時一小段石屎路

然後就係有圍欄嘅木棧道, 因為無逗留時間限制, 我哋留到最尾慢慢行影相

最唔舒服就係要載頭盔

木棧道好隱陣, 加上圍欄, 非常安全, 呢條國王步道之前被喻為世界最危險步道, 修建後已經成為家樂徑嘅level

下面係河谷

頭段棧道非常平坦易行

以前落河谷嘅樓梯, 但已經沒有開放

跟著開始進入落山路段, 可以望到前面嘅步道彎彎曲曲沿崖壁而建, 景色相當獨特

回望步道景色, 同樣精彩

由河谷回望, 清楚睇到新、舊步道的樣貌

過咗落山路段就開始有啲沉悶, 沿途隨影

途經一條跨越河谷的舊石橋

行到呢個位, 原來先至行咗三分一

跟著要行一段山徑

就進入last一段棧道, 亦都開始好玩返啲

木棧道有數字標示, 印象好似係木條嘅數量

對面係火車路軌

呢到更清晰見到新舊步道模樣

原來舊路係條好窄嘅石屎小徑, 而家已經殘破不堪

呢度有個迷你版Sky platform延伸出步道外

對面條拱橋都係火車路軌

呢段路都好好玩, 因為墮後晒, 沿途都好似得返我哋兩條友

見到尾段跨谷橋, 新、舊橋喺並排, 眼前見到係舊橋

呢度位置有段好特別嘅U-turn形步道

更清楚見條舊路相當破爛

來到呢度, 開始見到下一組嘅團友已經追上來了

舊橋

旁邊係新橋, 仲係條吊橋, 因為有人數限制, 呢度係唯一有工作人員睇場嘅地方

呢度撞正後來居上嘅團友, 無得慢慢玩

過咗吊橋之後, 仲有條高低起伏嘅木棧道, 都幾好玩㗎, 而且景色都好靚

見到綠色火車橋就差唔多到終點了

來到呢度大約行咗一小時四十分鐘, 喺附近搵咗個好位, 休息下、食下生果、睇下風景

沿指示到達南口, 還頭盔

之後仲行多一陣先到接駁巴士站

巴士站斜坡下面有間小食亭, 買咗甜筒嘆下, 各2.2歐

大約20分鐘車程返到北口, 周圍行下, 呢度環境都幾靚

接駁巴士站附近嘅餐廳Restaurante El Kiosko

北口停車場收費2歐一次

車頭傷勢, 好彩買了全保

由步道返回Ronda, 大約一個鐘車程, 今晚打算去南面城門口搵食, 泊返好架車之後, 慢慢行去, 今晚黃昏景色

過咗新橋之後無耐有Ruinas de la Alcazaba

城門口嘅房屋

Puerta de Almocábar 南面城門

今晚嘅晚霞好靚

本來搵咗兩間喺Google高分嘅餐廳, 但無book位, full晒, 最後是旦揀咗城門口嘅Almocábar

支裝無酒精啤酒2.5歐, 杯裝啤酒1.75歐

麵包費每位1.2歐

Sirlion steak, 18歐

Prawns Pil Pil, 15歐, 兩個餐份量好奀, 味道一般, 仲要收加一, 非常麻麻

食完飯都九點半, 慢慢散步返回apartment

今日真係由朝玩到晚, 早上去嘅岩石小鎮好特別, 如果多少少時間, 行下小店, 食埋個午餐就perfect, 下午嘅步道行程行得好舒服, 只係去程趕咗啲, 中間有啲悶

上一篇: 西班牙自駕遊-大城小鎮之旅 Day 10.1
下一篇: 西班牙自駕遊-大城小鎮之旅 Day 11.1