西班牙自駕遊-大城小鎮之旅 Mijas 米哈斯
Day 11 - 9月24日 星期二 晴
行程: 龍達 - 米哈斯 - 馬拉加 151km
住宿: Novotel Suites Malaga Centro (Superior Suite, 118.75歐)
今日行程好簡單, 去Malaga馬拉加住一晚, 馬拉加係個港口大城市, 位於安達魯西亞區嘅地中海海岸, 去馬拉加之前, 加多個小鎮行程, 做午餐休息站, 揀咗順路經過嘅Mijas米哈斯, 一個純白色嘅山城小鎮, 感覺好有希臘小島feel, 好陽光。今朝早餐好似昨天咁, 見到個早餐牌好啱, 入面有人又企理, 就揀佢
牌匾寫著1989年開業, 叫La Casa Del Jamon, 係一間火腿專門店
點咗門口餐牌嘅Iberico(黑毛豬)餐, 每位4.9歐, 包咖啡, 鮮橙汁及火腿包, 而家睇返又係覺得好低食
鮮榨橙汁配風乾黑毛豬火腿法包, 再嘆埋杯咖啡, 又係一個Good Morning
入面好大, 有酒同好多風乾火腿產品, 食飽之後仲可以shopping一下
忍唔住要買返啲火腿手信
豬形木板配上火腿, 賣相好得意, 如果尾站見到一定買
之後就例牌指定動作, 喺小鎮周圍再行下, 呢個時候就俾人鬧, 今日咁鬆動去鬥牛場就啱啱好, 攪到噚日咁怱忙, 行唔晒岩石鎮
少不了新、舊橋附近行多轉
臨走前, 記錄一下住過嘅Apartment, 藍車位置係大廈入口
停車場出入口位喺左邊橫街
大廈裡面嘅地庫停車場, 中間位置就係我哋嘅泊車位, 車場閘門用遙控器開閉
出入口都算寬
因為要用遙控器開車場閘門, 唔可以就咁放喺屋內走人, 所以用Whatapps約阿姐喺門口交收, 佢就叫我哋喺對面地產舖等, 臨走前喺露台見佢由地產舖出來講電話, 先發現佢係地產代理
完成交收後, 出發去今日第一站Mijas米哈斯, 大約個半小時車程, 高速公路費10.65歐, 原本呢個小鎮不在計劃之內, 考慮到今晚住宿的Malaga毋需要留太多時間, 所以臨時加插呢個白色小鎮, 見佢係個小鎮, 停車場及遊客中心資料乜都無搵過, 結果又係嘥咗啲時間搵車位, 兜咗個鎮外圍一圈先去到呢個停車場Parking Municipal Público 佢係個多層室內停車場, 相當大, 1歐泊一天, 非常抵, 後來走時先發現頂層有遊客中心, 又係小鎮中心廣場, 小鎮最熱閙嘅位置 大約一點開始行, 其實都冇乜特定方向或目的地, 隨意亂行 Hotel Mijas
感謝日本人嘅石牌, 應該係有好多日本遊客
剛才入鎮時經過嘅大迴旋處, 現在喺Google地圖睇返, 路牌上都有寫1歐泊一日 周圍房屋都係白色, 好多屋都種滿花花草草, 白屋加藍天, 充滿陽光海灘渡假feel
沿途隨影
牙科診所都咁靚
Monumento a la Paz雕塑
在小巷之內穿梭 開始見到遊客, 仲有觀光驢車
小鎮地圖
呢個梯級景幾吸引, 當時有幾個韓國大媽以為我哋係同鄉, 叫我哋幫佢影相 呢座好似教堂嘅建築物喺停車場頂樓附近, 周圍都好熱鬥, 好多遊客 Plaza de la Constitucion, 環繞廣場都係餐廳及手信店
沿路行上去有個觀景台
Mirador calle Muros, (Mirador係觀景台嘅西班牙文), 呢度可以望到小鎮依山而建的景色 對著地中海嘅景觀
Plaza Virgen de la Peña, 多層停車場連接住嘅廣場, 似係鎮中心位置, 周圍全是餐廳 喺度揀咗間比較高分嘅Tapas餐廳食少少嘢, Restaurante Pampa Tablas y Tapas Mijas 無酒精啤酒, 每支1.7歐, 抵飲喎
免費小食
點了三個Tapas小食, 來到先醒覺全部清一色炸嘢, 撞晒樣, 不過味道都唔錯, 啱晒送啤酒 Croquettes(前) 3.5歐, Codfish Fritters with Piquillo pepper Ali Oli(後) 3.9歐 Deep Fried Shrimp with bread crumbs & Pil Pil Mayonaise 3.5歐 食完嘢, 準備返停車場先發現, 廣場連接停車場頂樓, 周圍好熱鬧, 觀光驢車站、遊客中心全部喺度
遊客中心
Mirador Hermanos Núñez Andréu 觀景台 望到前面有個古蹟, 想話過去睇下, 但同伴話無乜好睇, 走啦！後來喺香港睇潮什麼時, 先知係間古老教堂Ermita de la Virgen de la Peña, 錯過咗㖭 最後喺遊客中心攞咗張地圖, 如果一開始先去遊客中心, 再跟路綫行就可以完整啲, 西班牙呢區都九成九唔再來, 有啲可惜
沒有留言:
張貼留言