【火熱澳洲之旅】Day1 南半球大都會悉尼

烏魯魯自駕遊及悉尼自由行  南半球大都會悉尼

Day 1 - 3月24日  星期六  多雲有雨

行程: 香港 - 悉尼 - 維多利亞女王大廈 - 岩石區 - 雪梨港灣大橋 - 悉尼機場

住宿: Mantra Hotel at Sydney Airport (King Studio, 包早餐, 218澳元)

上次發現機場40號閘口一帶多了一堆餐廳, 我們諗著去附近搵食, 但未到十點, 大部分餐廳已經打烊, 轉軚去飯堂食免費餐

今晚坐23:55 - 12:05機, 直飛悉尼, 約九小時機程, 雖然零晨機我最Like, 但呢程機在零晨前登機, 早五分鐘要多買一日保險

飛澳洲登機時又要做多次安檢, 身上的水都要棄掉, 幸好晚餐有跟一支水, 晚餐味道亦算不錯

落機前還有一份早餐

順利地準時抵達悉尼

行入入境大堂右轉, 有Vodafone及Optus兩大電訊商分店

最平係Optus, 10澳元7日有15GB數據

我們每人買了兩張10澳元的SIM卡, 職員隨即為我們啓動當中兩張

Vodafone

然後再到對面WHSmith購買Opal交通卡及增值, 類似香港八達通, 不過Opal卡是免費的

為了方便明天早機飛烏魯魯, 今晚住在Domestic Airport站的Mantra Hotel, 由機場坐火車去Domestic Airport站, 一個站要收6個幾澳元, 很貴。Mantra Hotel是最近Domestic Airport的酒店, 但原來要行十分鐘路, 沿路又無瓦遮頭, 當初為了方便而選擇, 實際沒有帶來方便

好彩的是客房跟網上評價吻合, 乾淨整潔

企缸好夠闊落

客房仲有少少機場景

酒店餐廳在地下, 光猛而闊落

更備有免費自助冰水

酒店外的環境

今日無特定安排, 打算在Central及碼頭一帶隨意行下。從機場(無論是國際線或內陸線)到市區, 如乘搭火車的話, 每位約18澳元, 當中包含14.3澳元的Gatepass費用, 非常昂貴。反正兩個方向都要行, 我們選擇從酒店行十五分鐘, 到Mascot站坐火車入市中心, 每人可慳14澳元

入到市區的市政廳站已經三點了, 走出車站就見到被活化為商場的維多利亞女王大廈(QVB Queen Victoria Building)

商場內

原本打算到Koko Black回味當年在墨爾本飲過的朱古力, 可是在QVB內的Koko Black不設堂食, 而Strand Arcade分店的堂食部又暫休, 最終又回到QVB, 選擇了很多客人的Old Vienna Coffee House

Hazelnut Meringue, 13.3澳元, 好很貴的蛋糕, 唯有一件當兩件食

Mocha, 6澳元及Ice Chocolate, 7.4澳元

餐後向碼頭方向前進, 但此時天色變得烏雲密佈, 開始要落雨

岩石區(The Rocks)

悉尼最老的酒吧

旁邊的Nurses Walk, 裡面是食店商舖

郵輪碼頭, 艘郵輪比起舊年在挪威所坐的大很多

碼頭一帶好似中環、尖咀

來到著名地標悉尼港灣大橋(Sydney Harbour Bridge)開始落雨, 匆匆影完就要搵地方避雨

一小時過後, 雨勢稍為轉弱, 決定冒雨行去Belgian Beer Cafe Heritage食晚餐, 好過在碼頭呆等

Belgian Beer Cafe Heritage藏身在歷史建築物之內, 餐廳主打啤酒及藍青口

六點前去到, 經理話今晚full booking, 無枱了, 真係要食可以在自助區搵枱後, 再到左邊吧枱落單付款, 啤酒食物隨後奉上, 早知就預先在網上訂枱

餐牌上各款主菜都列有建議啤酒配搭, 我們就照跟餐牌揀了Hoegaarden及Leffe Brune(黑啤)共19澳元

Traditional Belgian Mussels served with fries, 34澳元, 配HoegaardenMenu啤, 餐牌話每煲有1公斤青口, 青口好新鮮, 肉質飽滿多汁, 味道比一般青口溫和鮮甜, 非常好味

180g肉眼扒, 38澳元, Medium情度比overdone更over, 鞋到不得了, 唔掂, 應該兩個主菜都點青口, 始終係佢嘅招牌菜

飯後, 雨停了, 返回碼頭繼續

經Argyle Stairs及Bridge Stairs行上地標悉尼港灣大橋

行到大橋上的Pylon Lookout時, 已經收檔了, 入口處有個平台, 可欣賞悉尼歌劇院, 個景都好正

悉尼歌劇院(Sydney Opera House), 途中爆了一個煙花就完事了, 無言

最後一直行到盡頭, 再由Milsons Point站坐Metro到Central轉火車返酒店

悉尼嘅火車係雙層, 坐位充足

之後在Mascot站落車, 呢度好旺, 通街遊客, 站口有Woolworths超市, 仲可以行完超市至返酒店, 買了幾支水

及兩條澳洲蕉做消夜, 肉質較為乾身

上一篇: 烏魯魯自駕遊及悉尼自由行 行程篇
下一篇: 烏魯魯自駕遊及悉尼自由行 Day 2