【火熱澳洲之旅】行程篇

烏魯魯自駕遊及悉尼自由行  行程篇

今年第一個旅行選擇了澳洲烏魯魯, 其中一個原因係去年為挪威之旅, 我們都買了行山鞋, 既然有行山鞋, 就要搵啲有得行下嘅地方, 先可以物盡其用。除烏魯魯外, 本來想將西澳納入行程之內, 但同伴屬意悉尼, 話行程可以有動有靜, 而且悉尼行程簡單, 毋須花時間計劃, 一於就咁決定, 唔好諗西澳喇！

航線
另一個原因係機票價錢啱價位, 今次都係搭國泰, 直航香港來回悉尼, 每位連稅4711元。至於內陸線, 因為選擇有限, 只有捷星、澳航及維珍, 最後揀了時間較好的捷星, 悉尼來回烏魯魯, 連稅、揀位及一個25kg寄艙行李, 雙人合共533澳元, 比起幾年前好似平了不少, 所以在八月尾買了所有機票。今次乘搭捷星的兩程機都準時, 而且行李又安全送達, 以廉航來說, 完全達標, 十分滿意

如果想在機上睇到烏魯魯, 記得去程(由悉尼去烏魯魯)揀左邊窗口位, 回程就要揀右邊窗口位喇！臨降落或起飛後就可以望到烏魯魯(Uluru)

以及風之谷(Kata-Tjuta)

機場一帶全是紅土地

租車
烏魯魯機場有齊各大租車公司, 經網上格價後, 價錢相約, 再到租車網比較, 一樣分別不大, 所以選擇了Avis, 四天車租, 每天包100公里, 其後每公里收0.25澳元, 連基本保險及稅項約300澳元, 見唔太貴, 安全至上, 所以加入所有保險選項, 有Personal Accident Insurance(PAI), Personal Effects Protection(PE)及Excess Reduction(ER), 連Road Assistance都唔放過, 一於買埋, 預算457澳元, 最後全程行了1074公里, 多出674公里所收的費用是168澳元, 不過仲要加收24%Premium Location Charge, 3.5%行政費, 以及10%稅, 即是多出的674公里, 實收238澳元, 最後埋單695澳元。今次所訂的車款是Mitsubishi ASX or similar AT, 被安排的車款同樣是Mitsubishi ASX, 是架小型SUV車, 新淨又好揸, 近年出產的小型SUV相當不錯。

油費
今次駕駛的Mitsubishi ASX是用無鉛汽油, 全程走了1074公里, 總油費182澳元, 要留意油站收費有很大差別, 可以話越遠遠貴, 在烏魯魯渡假村內的油站, 每公升約2澳元, 而在渡假村八十公里外的Curtin Springs, 價錢亦差不多, 但去到Kings Canyon Resort, 竟然貴近一倍, 每公升約3.5澳元, 相當誇張！

電話咭
入境後, 第一件事就係去買SIM卡及Opal卡, 行入大堂右邊就有Optus分店, 詢問過後, 我們每人買了兩張有效期7日SIM卡, 每張10澳元, 職員隨即為我們啓動其中兩張SIM卡

另外就是到便利店購買Opal交通卡, 類似香港八達通, 不過Opal卡是免費的, 可以在購買時直接儲值, 此卡方便乘搭悉尼市內交通工具, 而且使用Opal卡亦有各種車資優惠, 可以說是旅遊悉尼的必需品

烏魯魯住宿
烏魯魯渡假村內有不同住宿選擇, 有Sails in the Desert, Desert Gardens Hotel, The Lost Camel Hotel, Outback Pioneer Hotel & Lodge和Emu Walk Apartments, 不過所有住宿都屬同一集團, 除了Lodge的床位外, 各間的價錢其實相距不遠, 而且要連住三日或以上, 房價才算合理, 以Sails in the Desert為例, 連住三日的總房價是960澳元, 而四日是1080澳元, 所以今次澳洲中部全程都會住在Sails in the Desert, 住可以慳些少, 同時亦可以省卻異地還車費

行程
Day 1  悉尼, 住宿於內陸線機場的Mantra Hotel, 方便隔天搭早機去烏魯魯, 是日行程悉尼市內觀光

Day 2 - 6 烏魯魯, 住宿:Sails in the Desert, 以烏魯魯渡假村為住宿據點, 烏魯魯入烏魯魯走, 唔去愛麗斯泉, 只去烏魯魯、風之谷及帝王谷

烏魯魯位於澳洲北領地南部, 兩個最著名的景點烏魯魯(Uluru)及風之谷(Kata Tjuta)都在Uluru-Kata Tjuta National Park國家公園內

烏魯魯(Uluru)區內有兩個日出日落展望台, 文化中心, 以及五條步道, 當中最長的步道路線Base Walk是環繞烏魯魯行一圈, 初步計劃會去兩個展望台、文化中心及行Base Walk

風之谷(Kata Tjuta)區內有兩個日出日落展望台, 及兩條步道Walpa Gorge Walk及Valley of the Winds Walk, 時間許多的話, 全部都會去

最後仲有帝王谷(Kings Canyon), 區內有四條步道, 有Kathleen Springs Walk

Kings Canyon Rim Walk, Kings Creek Walk及South Wall Return Walk, 時間許可的話, 會行最長的Kings Canyon Rim Walk

Day 6 - 10 悉尼, 住宿於Meriton Suites Campbell Street, 一連四晚住Apartment, 方便自煮据牛扒, 行程都係一堆例牌景點, 行下悉尼大橋, 睇地標悉尼歌劇院

悉尼魚市場擦海鮮

Bondi Beach

仲有最經典的藍山一日遊

下一篇: 烏魯魯自駕遊及悉尼自由行 Day 1