【火熱澳洲之旅】Day2 世界遺產烏魯魯

烏魯魯自駕遊及悉尼自由行  世界遺產烏魯魯

Day 2 - 3月25日  星期日  晴

行程: 悉尼 - 烏魯魯 - 烏魯魯渡假村 - 卡達族塔國家公園 - Talinguru Nyakunytjaku - 烏魯魯日落展望台 - 烏魯魯渡假村  72km

住宿: Sails in the Desert (Superior Double Room, 素泊, 四晚1080澳元)

酒店早餐區在大堂旁邊, 環境光猛濶落, 坐得舒適

供應簡單的早餐款式

由酒店步行到內陸機場(T2), 約需十分鐘時間

坐1040 - 1240 Jetstar飛Uluru, 機程三個半小時, 三月份兩地時差一個半小時,  到了起飛時間時, 尚欠一位乘客, 最後結果是一對日藉父子要落機, 然後起飛出發, 似乎是阿媽累全家了！

機上的唯一娛樂設施, 就只有jetstar雜誌一本

悉尼市, 佈滿密密麻麻的平房

疑似飛過藍山國家公園地區

很快就開始進入中部沙漠地區

坐在左邊的話, 降落前能夠從機上看到烏魯魯的景色, 所以我們都俾錢預先揀好坐位

還有風之谷, 左邊遠處的石群

降落前一刻, 再次遠眺烏魯魯

陸地比想像中綠化, 不少部分都有樹木

烏魯魯機場很細, 無接駁橋, 由停機坪直接行入大堂, 一邊是行李輸送帶

另一邊是租車公司及幾乎包辦烏魯魯大大小小旅行團及當地交通的AAT Kings

取車後馬上驅車前住烏魯魯渡假村, 大約十多分鐘車程, 取房時職員粗略講解渡假村的設備及提醒有四間餐廳必需提前預約, 然後就自行到房間。我們選擇住在渡假村內的Sails in the Desert, 當天被安排的客房在酒店最邊緣位置, 要行四、五分鐘才到達房間, 打開房門, 冷氣迎面撲來, 涼氣十足, 估唔到有咁强勁嘅冷氣, 相比室外三、四十度高溫, 客房成為我們最舒適的避暑屋, 客房亦相當寬敞, 空間感十足

最喜歡就是房內設有兩個放行李箱的位置, 可惜今次只帶一大一小喼, 另外還有一張大枱, 方便用餐, 相當實用

床邊另有一張躺椅, 每天返回酒店, 躺在椅上休息倍感舒適, 如果可以加多張躺椅更加完美

牆上掛上了烏魯魯土著的圖案彩畫

浴室亦有兩個洗手盆

仲有只行過出去一次的露台

酒店內亦非常綠化, 完全不似身處紅土地區

酒店內的游池

外觀

從地圖看到, 烏魯魯渡假村大致分為五個小區域, 左中的鎮中心及四個角落的住宿區, 渡假村內還有四個lookout, 本來打算先去睇下, 不過行程進度比預期慢, 所以今天不去了

酒店隔離就是Town square, 從酒店門口行去非常近, 超市、銀行、郵局、遊客中心、租車公司、旅行社、商店及餐廳都集中於此

呢度有三間食店, 分為是Geckos Cafe, Ayers Wok Noodle Bar及Kulata Academy Cafe, 正當在Geckos Cafe門外看Menu考慮食乜之際, 亞姐就出來講, 我們快要收檔了, 要食就要現在落單

餐廳環境算是乾淨企理

拿坡里意粉, 21澳元

牛扒三文治, 25澳元, 兩支可樂11澳元, 合共57澳元, 食物味道無網中講到咁差, 以中部沙漠地區來講, 味道唔差, 價錢亦算公道

食飽後, 先去超市入貨, 首要買樽裝水, 最平係佢, 比一公升以上更平, 一pack 24支600ml水, 14澳元, 足夠四天之用

還有一些飲品食物, 價格合理, 只比悉尼貴些少, 香蕉2.49/kg, 桃6.49/kg, 杯麵每個2.69澳元

烏魯魯及風之谷兩個著名景點都座落於烏魯魯-加他茱達國家公園(Uluru-Kata Tjuta National Park)內, 下圖灰色範圍, 進入公園範圍必需購買門票

門票有3日票(25澳元)及全年票(32.5澳元)兩種, 我們逗留前後5天, 本想買全年票, 但職員跟我們說可以買3日票, 到時可以延長一至兩天給我們, 3日票以購買時間起算, 有效72小時, 每位25澳元, 在公園入口買票

今日去到國家公園已經過了四點, 時間不多, 唯有先去展望台睇下, 如下圖所顯示, 烏魯魯有三個展望台, 分別有巴士展望台(Bus Sunset)、汽車展望台(Car Sunset)和Talinguru Nyakunytjaku - Sunrise and Sunset viewing area

進入國家公園後, 沿路可以睇到地標烏魯魯神石各個方向的面貌, 進入國家公園後又未到汽車展望台時, 可以看烏魯魯北面的面貌

四點後汽車不可駛入巴士展望台, 只能去汽車展望台, 這邊的烏魯魯方向已經改變了, 看到的是烏魯魯西北面, 跟之前有很大差別

汽車展望台是公路邊一個停車處, 保守估計超過一公里長, 所以有大把車位, 邊停邊看, 發現頭段較多草木阻擋

尾段為最佳位置, 較少草木阻擋

環繞烏魯魯神石周圍有很多草木, 完全不似身處沙漠地區

離日落還有一段時間, 所以再去遠些少的Talinguru Nyakunytjaku - Sunrise and Sunset viewing area睇睇, 途中會經過烏魯魯的西南面, 面貌又不同了

Talinguru Nyakunytjaku官網介紹景點在2009年開放, 設有展望台供人欣賞烏魯魯及風之谷另一面的日出日落景色, 另建有兩條步行徑Minymaku Walk (Woman's Walk)和Watiku Walk (Men's Walk), 介紹土著男人女人的職責

今日停車場就只得我們一架車

從Minymaku Walk行去Minymaku Platform, 沿路有看牌介紹女性職責

周圍長滿蘆葦

今次係睇到烏魯魯東南面

較高位置的展望台

景觀較為開揚, 前後有一大片蘆葦海, 唔講都估唔到係澳洲中部地區

呢個時間面向烏魯魯係大背光, 唔知係咪咁所以無人來, 左邊的石群係風之谷

回程經Watiku Walk離開, 有看牌介紹男性職責

今次所駕駛的Mitsubishi ASX, 小型SUV車, 行了兩萬公里, 新淨好揸, 非常滿意

呢個位置無網路覆蓋, 所以停車場旁邊除有洗手間給遊客生理放鬆, 仲有提供免費Wifi給大家心靈放鬆

係時間返去汽車展望台睇日落的烏魯魯了, 路過烏魯魯的南面

六點返回汽車展望台, 周圍唔太多人, 經過之前一輪視察, 尾段為最佳位置, 所以留在最尾位欣賞烏魯魯日落時份的顏色變化

呢個時間無咁熱, 好多烏蠅飛晒出來, 非常煩人, 最慘係有啲盲頭烏蠅撞正吸氣時飛入鼻孔, 勁核凸！

由六點開始睇著佢變色

太陽差不多落到地平線位置時, 烏魯魯的顏色就變得最火紅色

其後開始續漸變淡變暗

參加小巴團的遊客, 有人準備晒枱布及飲品小食, 等睇日落

呢位姐仔最識嘆, 坐擁全場好位

太陽消失後, 烏魯魯的顏色漸轉暗淡

我們大部分時間都停留在這個位置

太陽消失後, 大家陸續離開, 我哋等到七點, 接近尾水至走人

睇完日落, 返去Town Sqaure搵食, 最後去了Desert Gardens Hotel, 呢度有Arnguli餐廳及Mangata吧, 揀了較親民的Mangata吧, 原來一樣要預先訂位, 所以即時訂位, 要等一個鐘, 八點半時段

今晚要啤一啤, 啤酒7.5澳元及Ice Tea 7.5澳元

主菜Salmon Pasta, 27澳元

及Wagyu Burger, 26澳元, 兩個主菜有水準, 好味

今晚雖然個月亮好光, 但依稀都睇到天上有條銀河, 一於明天晚上試下影銀河

上一篇: 烏魯魯自駕遊及悉尼自由行 Day 1
下一篇: 烏魯魯自駕遊及悉尼自由行 Day 3