【火熱澳洲之旅】Day3 風之谷步道

烏魯魯自駕遊及悉尼自由行  風之谷步道

Day 3 - 3月26日  星期一  晴

行程: 烏魯魯渡假村 - 風之谷日出展望台 - 風之谷 - Valley of the Winds Walk - 烏魯魯文化中心 - 烏魯魯日落展望台  178km

住宿: Sails in the Desert (Superior Double Room, 素泊, 四晚1080澳元)

一連三天的勞動日正式開始, 首先係風之谷(Kata Tjuta), 呢區的景點大致上有兩條步道及兩個展望台, 展望台Kata Tjuta Dune Viewing (Sunrise) 位於前往風之谷的路途上, 明顯係睇日出的地方, 而另一個展望台叫Sunset viewing, 顧名思義係觀賞日落, 而兩條步道分別是:
Valley of the Winds Walk -全程一圈7.4公里, 需時約4小時,  Grade4級數
Walpa Gorge Walk -全程來回2.6公里, 需時約1小時,  Grade3級數

為了避開正午烈日當空時段, 必須盡早開始, 趕在七點前起步, 所以今日要五點起身準備, 簡單食少許乾糧咖啡, 六點幾出發。由渡假村到風之谷步道起點約四十分鐘車程, 途中先經過展望台Kata Tjuta Dune Viewing (Sunrise), 六點半左右到達, 已經遲晒, 所有有利位置已被人佔據一空

展望台向風之谷的方向

東面對著烏魯魯, 開始看到太陽在烏魯魯背後升起

當太陽升起後, 風之谷石群的顏色不斷變化

日出後, 所有人瞬間即閃, 散得真快

我們來去都是吊車尾

展望台有充足泊車位, 左邊是小車停車場, 右邊是大巴停車場

立即快步開車, 先大巴團一步, 駛去風之谷, Valley of the Winds Walk步道入口

利用Google衛星圖更清楚了解步道路線

每人各帶三支600ml樽裝水, 大約七點半開始起步, 入口一帶有不少樹木

步道狀況, 唔難行

走過一段上斜路後, 回望起點方向, 遠方一片綠林, 難以想像身在烏魯魯

攀上山頭後

就到達第一個lookout - Karu

Karu lookout有告示牌警告十一點後或溫度達36度或以上, 步道就會封閉

依指示繼續前住第二個lookout

行一段下坡路, 路況不太差, 沿路景色

到達下坡路盡頭, 再走過小鐵橋後, 眼前環境就變為一個平原

平原位置的分叉口亦是環線起點, 全長4.1公里, 中途有兩個補水站, 可選逆時或順時針方向行, 我們取多數人的路線, 以逆時經Karingana lookout方向行, 200米出現第一個補水站, 不過無睇有沒有水

沿路景色及路況

處處雜草叢生

沿途有充足指示, 應該不會迷路

之後開始進入風之谷石群內行走

攀過另一個山頭就到達第二個lookout

Karingana lookout, 呢到有個小平台欣賞峽谷景色

在此稍作休息, 食個水蜜桃充飢及補充水份

繼續行程

呢段下坡路算係全程最崎嶇一段, 但亦唔算有難度

谷底似乎是條山谷河, 佈滿樹木

走出河谷的樹叢後, 地貌又變化了

再行一段路, 隱若可看到風之谷的石群地貌

可能開始接近中午時間, 越來越熱, 往後路段感覺略為沉悶

到達第二個補水站, 稍作休息, 食埋條蕉再行, 呢個水站水龍頭位置嘅地下濕晒, 肯定有水！

再行多700米就返回到環線起點

難怪嚿大石熟口熟面

返回到環線起點, 開始行回頭路, 再次穿過鐵橋

呢個時間無咁背光, 四周環境睇得清楚得多

回到第一個lookout的路口

Karu lookout

最後一段回頭路

Valley of the Winds Walk起步點, 用了三小時四十分鐘完成, 無網上講得咁辛苦, 只要帶足夠水, 完全唔難行, 只係太熱, 心理上驚唔夠水, 我見好多老外都係手揈揈咁行

未到十一點半行完, 揸車去埋Sunset viewing展望台睇下

呢度劃咗一條行人路, 途路有幾個展望位置對著風之谷, 觀景大致相同, 差別在於受樹木遮擋的程度

正值中午最曬時段, 不適宜四處走動, 風之谷亦無地方避暑, 所以要暫時完結風之谷行程, 剩低的行程擇日再來, 今日先返酒店小休, 回程途中, 又見另一番景象, 車路兩旁全是類似蘆葦草的植物, 在陽光底下, 仿如一片銀白草海, 非常美麗獨特

途中停一停, 幫架車同烏魯魯合照

另一段路可以睇到翻版風之谷

返酒店前, 過去Outback Pioneer Hotel&Lodge行下加搵食

呢邊有三間食店, Bar Pioneeres一邊櫃台售賣飲品, 另一邊櫃台售賣BBQ肉

客人買肉後, 可在BBQ區自助烤肉, 及免費享用自助沙律吧, 爐頭望落都幾乾淨

另一間係食快餐嘅Pioneer Kitchen

最後係Bough House餐廳, 供應半自助Buffet, 要預訂, 不受walk-in

區內的娛樂設施

最終在Pioneer Kitchen外買一個Aussie Pizza返酒店食, 24.5澳元

下午三點半再次出動, 入園前發現有個興建中的玩兒Skyship

烏魯魯國家公園入口, 如已購票即可經左邊閘口通道入園, 無飛就經右邊購票入園

先去烏魯魯文化中心睇下, 裡面不可拍懾, 只有幾張外觀相

沿路有烏魯魯不同方向的外貌

另一面

六點左右去到烏魯魯汽車展望台, 今日好少人, 周圍靜英英

今次準備腳架, 點知部機神咗, 影唔到縮時錄影

今晚有半月, 照到周圍好光, 過了八點, 影出來的星空依然好光, 唯有放棄走人, 之後返酒店上網一查, 原來有月亮的日子, 不適合影銀河

今晚去超市買了包沙律及啦屎一個Bagel, 配包Pizza店攞的沙律醬, 加杯麵咖啡做晚餐

上一篇: 烏魯魯自駕遊及悉尼自由行 Day 2
下一篇: 烏魯魯自駕遊及悉尼自由行 Day 4