2018年5月14日 星期一

【絕色挪威~郵輪之旅及自駕遊】Day6 絕景登山徑Reinebringen

羅浮敦自駕遊  絕景登山徑Reinebringen

Day 6 - 9月27日  星期三  晴

行程: Hamnøy - Reinebringen - Hamnøy - Sørvågen - Å - Moskenes - Reine - Sakrisoy - Sørvågen - Hamnøy  58km

住宿: Eliassen Rorbuer (Standard Two-Bedroom Cottage with Sea View, 1290克朗)

如要飽覧羅浮敦Reine漁村及Moskenesøy群島沿岸最靚景, 莫過於從高處欣賞, 在Reine漁村旁邊的Reinebringen山就是最佳位置, 由於山路陡峭崎嶇, 現正開辟新的登山路, 所以觀光中心不太建議遊客登山直至新建的登山徑完成, 而網站68North亦把Reinebringen登山徑定為Hard, Steep及Slippery, 話雖如此, 但仍想一試, 因為景色實在太吸引!Reinebringen的登山路徑, 圖片來自68north.com
今朝偷懶, 七點多才起床, 大橋上已經有一班老外set好腳架, 影Hamnøy的日出景
今早早餐食北極蝦多士配丹麥品牌的Cocio朱古力奶
餐後到橋上影下漁村, 但已經錯過了日出時分的美景
不過陽光下的Hamnøy仍然好靚
漁屋對出的峽灣及山景
然後到漁村走一圈, 基本上村內以渡假屋為主, 內灣碼頭的景色
盡頭位置的內灣景色
時間差不多了, 要出發到Reine, 挑戰今日首要活動Reinebringen登山徑, 由E10公路轉入Reine的路口, 有個免費停車處, 應該就是大家所講的Reine觀景位
由停車處至村口建有一段步行徑, 環境優美, 山明水秀, 倒影清晰可見, 沿路行入漁村, 倒影看得更完整
其中一段路, 樹上更開滿紅花
停車處旁邊就是Reinebringen山, 不高, 只有448米
從停車處行到E10公路路口後, 左轉沿馬路左邊行前往登山徑入口
看到隧道口前分义路時, 要靠左行兜過隧道
過了隧道口分义路, 地上有白色箭咀指示, 回望分义路及箭咀指示
到達Reinebringen登山口, 有警告叫人不可使用sherpa-staircase, 唔太明, 估計佢叫人不可使用地盤的爬梯工具
Reinebringen登山口, 入口處相當不起眼, 好彩地上印有白色箭咀指示
再有警示叫人不要登山, 因路滑、陡峭及有落石, 好似危危地
出發前, 我們為今次行山做了兩樣準備, 買了行山鞋及帶備勞工手襪, 開始的頭段路並非為行山而設的行山徑, 而是一段較斜的斜坡路(下圖), 類似細路嗰時啲人造斜坡玩嗰種, 所以無問題, 但新行山鞋有啲跣, 好快就要將相機手機收好, 所以上山路程只有兩張相。大約行廿分鐘就到達新建的石級路, 今日天氣好熱, 要停低將兩件厚外套及物品重新pack過, 因為只有我帶了背包, 兩部相機、鏡頭、厚外套等物品令背包重量增加不少, 揹到我死下死下, 加上只帶了一樽水, 水份不足情況下, 感覺異常辛苦。過了石級路, 約完成三分一路程, 開始進入較斜的沙石路, 可惜途中又行錯路, 爬過一處濕滑巨石, 令我們全身都是濕泥瓣, 打擊信心, 差啲想放棄, 好彩最後都堅持頂硬上, 登頂成功!其實上山路段並不難, 後半路段是較斜的沙石路, 只是山路略為狹窄、鬆軟、跣, 旁邊就是陡峭的斜坡, 感覺份外危險, 相比上山路, 回程路段才是挑戰
十點半由登山徑入口開始, 花了一小時四十五分鐘到達山脊, 終於見到最期待的畫面
左邊有群島的山巒景色, 左下是個山中湖位於Reinebringen的半山位置, 不過全被山影遮蓋著
背面的景色, 直至到達山脊前的一刻, 上落山全程就只有這面景觀, 所以沿路都相當沉悶
右手邊的山頭就是今天的目的地, 有人更早到達
手機全景相
位於山頭的景色跟山脊位置相差無幾
換個廣角鏡再影, 相比剛到達時, 左邊陰影範圍擴大了, 幾乎要提早一小時以上才可以避過陰影問題
Reinebringen的山中湖
最大的兩個島好似都屬於Reine
上島好似叫Kvalvika
而右下的島就是Reine漁村所在地
第一條接駁橋上面的島就是Hamnøy
背面的景色
山頭範圍好細, 最多只可容納二、三十人, 無乜嘢好做, 真係除了影相, 就只有影相
臨走前再影多一轉
在山頂逗留四十五分鐘後, 下午一點開始落山, 因為山路碎石多、又鬆軟又跣又斜又窄, 加上忽然斷電腳軟無力, 可能上山用盡氣力, 所以沿途要手腳並用, 跣著落山, 不斷俾同伴取笑, 認真無面!
落山所花的時間跟上山差不多, 因為行唔返中段的石級路, 到山腳時才接合石級路的起點
最後亦係用了一小時四十五分鐘落山
終於鬆一口氣, 安全完成行程第二個清單項目, 由登山口漫步到停車處, 沿路的Reine漁村景, 非常平凡
約三點返回泊車處, 此時的景色已被山影遮蓋了部分, 想有最好效果, 下午一、兩點前應為最佳時間
返漁屋前急不及待先到Coop超市買可樂, 每支盛惠22克朗, 呢個時候嘅可樂簡直係人間甘露, 飲完成個人爽晒!超市門口的景色
今早在漁村散步時發現主屋群有部洗衣機供住客使用, 梳洗後, 正好可把剛才的污髒衣物清洗一下
等待期間, 在漁村四處影相, 少不了再去大橋一轉
漁村外的連接橋屬於E10公路, 以單線雙程行駛, 橋前有感應式紅綠燈控制行車, 周圍景色
村內有一間餐廳Krambua, 是今晚晚餐的後備選擇
Eliassen Rorbuer的接待處
Eliassen Rorbuer的主屋群
內灣的對岸有另一間渡假屋Reinefjord Sjøhus
清洗好衣物後, 又未到晚餐時間, 所以安排到最南端的Å走走, 然後遊車河回程到Sakrisoy的Sjomat餐廳食晚飯, 途中經過Sørvågen落車行下
餐廳Maren Anna, 好似幾好, Travel Guide亦有介紹
Å全世界最短名字的鎮, 鎮外的遊客中心今年已經暫停營業了
Å鎮地圖
個鎮真係好細
鎮內最出名就係售賣肉桂包的麵包店, 今年亦已經收檔了
由旁邊的Cafe代售麵包, 但今日已經打烊了
Å鎮打卡點, 全村冷冷清清, 人影都唔多個, 都係早啲走人, 明早再來過
回程時繼續行下停下, 經過的小村莊Tind
Moskenes
Djupfjord Bridge
最後駛入Reine漁村望下, 本來想入遊客中心睇下, 但中心外的車位竟然要收錢
所以繼續駛到盡頭的油站便利店, 有半小時免費泊車, 夠晒時間望下
Renie油站
Reine Rorbuer
村口的觀景位
終於來到Sakrisoy的Sjomat餐廳, 本來打算晚餐食漢堡包, 點知餐廳五點鐘打烊
門口放置了Stockfish魚頭
餐廳外的環境
除Sjomat外, 對面有另一間餐廳, 兜兜轉轉最後都係決定去Maren Anna食晚餐
途中又再經過Renie, 原來E10公路旁又有另一個停車處, 當然要駛入去望Renie的黃昏景色
餐廳Maren Anna的室內環境, 因為我們是第一枱客, 所以有小小擔心中伏
老闆安排了窗邊位置給我們
先上餐前麵包, 好好味
Nordland生酒(78克朗)及可樂(39克朗)
頭盤點了Fish Soup, 135克朗, 魚湯多料又好味
及Stockfish Pasta, 149克朗, 以傳統魚乾肉炮製而成, 雖然魚肉入口無乜味, 但意粉就充滿魚香味, 味道不錯
主菜是Catch of the day, 295克朗, 老闆介紹時, 還特意攞張魚相給我們看, 原來是比目魚
及半風乾的Stockfish, 295克朗, 老闆介紹話半風乾的Stockfish, 魚肉可保特嫩滑而魚味更濃, 今餐非常有水準, 加上老闆好親切, 食得好開心, 值得推介下
今晚除我們外, 之後還有一對男女及一位獨男, 可能是淡季, 所以客人相當少, 臨走前, 老闆提示我們今晚有機會看到極光, 所以立即返漁屋做準備

上一篇: 郵輪之旅及羅浮敦自駕遊 Day 5
下一篇: 郵輪之旅及羅浮敦自駕遊 Day 6夜

2 則留言: