西班牙自駕遊-大城小鎮之旅 Córdoba 哥多華
Day 5 - 9月18日 星期三 晴
行程: 昆卡 - 哥多華 455km
住宿: Eurostars Maimonides (Double room with views of the Mosque, 88.4歐, 包早餐及酒店停車場)
未夠八點, 天未完全光就落去San Pablo Bridge一轉, 睇下古城嘅清晨景色, 但色彩一般, 淨係感受到氣溫非常清涼, 凍到醒晒
八點幾返回酒店食早餐, 餐廳環境
簡單西式早餐, 主要款式都齊, 仲有少量獨位包裝蛋糕餅乾, 似預人拎走咁
有焗爐可以翻焗麵包, 同伴最like
我們的早餐
早餐後, 如常再喺古城行一轉先至出發, 先行上去北城口欣賞古城全景
獨佔山頭的Parador de Cuenca國營酒店
由高位望去沿崖邊而建嘅房屋, 又有另一種美態
懸崖下面仲有條好平坦嘅步道, 走漏咗佢添！
當然仲有懸空之屋及San Pablo Bridge橋景
藍天白雲下, 山城景色, 份外優美
前人應該估唔到呢個露台令懸空之屋成為昆卡地標吧！ Check out後取車, 酒店優惠價, 24小時內停泊費用為16.25歐, 印象中比正常平幾歐 十點出發去下一城市Córdoba哥多華, 呢程車要行四百五十多公里, 漫漫長路有排揸, 喺西班牙高速好多時都會見到呢隻黑牛喺路邊企定定 約兩點半到達哥多華, 今日所訂的酒店位於舊城車輛限制區內, 所以駛入舊城區時都戰戰兢兢, 舊城區入口有個閘口, 要用對講機同職員溝通才放行, 跟住駛入直路就到達, 酒店有自家停車場就在酒店大門隔離, 諗住直入車場, 點知閘口閂咗, 架車卡咗喺閘口前, 原來職員話check in後才開閘, 最終叫佢先開閘, 再去check in, 泊車都搞咗唔少時間, 因為啲車位超細超窄, 要十幾廿手軚先泊到, 泊完之後, 緊張到成身濕晒😓。今日揀咗對著教堂景嘅客房, 房間企埋、乾淨、光猛 窗口對正Mosque-Cathedral of Córdoba哥多華清真寺大教堂, 個景同訂房時嘅相片一模一樣, 今次住正喺教堂旁邊, 方便明早入教堂參觀
窗口跟教堂只係相距十幾廿呎 帶有阿拉伯風的酒店大堂
酒店內庭
酒店外觀, 右邊就是停車場入口
酒店對出的大街
哥多華清真寺大教堂及大部分舊城區地方都被列入世界文化遺產, 統稱「哥多華歷史中心」, 而酒店就喺清真寺大教堂就喺旁邊, 近水樓臺, 搶先入去望望, Torre Campanario為大教堂的鐘樓 鐘樓旁邊就係大教堂的入口大門, 名為Puerta del Perdón 進入大教堂後, 戶外地方是免費開放
大教堂的內庭
教堂外的神壇
手信店
舊城內另一著名景點Calleja de las Flores百花巷就在大教堂附近
巷內狹窄, 成日都擠滿打咭的遊客 可能時間問題, 無乜花, 令到整個景點好流
睇完百花巷, 先去解決午餐, 計劃咗去較遠嘅新區搵食
途經Plaza de las Tendillas坦蒂里亞斯廣場
諗住喺度食Tapas, 點知摸門釘, 下次要記得先用Google Map確認有無開檔先好行, 否則浪費腳力
轉場去後備地方Mercado Victoria市場搵食 市場環境, 雖然唔多啱, 但唔想再搵
是旦食啲嘢, 隨便揀咗三款唔知算唔算Tapas嘅食物, 其中一款係炸蠔, 共12.7歐, 兩杯啤酒, 共4歐 之後繼續行舊城, 途經猶太區的入口大門Barbería peluquería puerta de Almodóvar, 一座建於14世紀城門, 屬於城牆的一部分 昔日的哥多華地圖
Patio Andaluz博物館
Plaza De Maimonides
途經Baños del Alcázar Califal哈里發浴室, 教堂就睇得多, 但浴室就未睇過, 加上入場費只需3歐就入去參觀 浴場環境, 入面除咗好涼快之外, 其它都係流流地
位於河畔的Alcázar de los Reyes Cristianos基督教君主城堡
城堡附近還有Caballerizas Reales馬厩
及Belem Tower
由城堡行出去河畔就見到呢個叫Molino de la Albolafia嘅古跡, 對照上面幅「昔日的地圖」, 呢個應該係水車遺跡
河畔上另一名勝Puente Romano de Córdoba羅馬橋, 呢邊有較多遊客 羅馬橋另一邊橋頭
有Torre de la Calahorra卡拉奧拉塔, 可以付費入場上塔頂, 原本打算黃昏上去, 但之後無咗件事
背面有完全不一樣的外觀
由卡拉奧拉塔呢邊望返清真寺大教堂
羅馬橋前的Puerta del Puente橋門 坐落在廣場一邊的Triunfo de San Rafael de la Puerta del Puente橋門聖拉斐爾凱旋柱 還有Obispado de Córdoba天主教哥多華教區
跟著轉入所住酒店的大路後, 可以見埋大教堂另一面, 外圍有幾道大門, 表面好似鑲咗黃金咁, 陽光照射下, 十分耀眼 行到呢到我估都㖒咗「哥多華歷史中心」七七八八, 而以上去過的歷史景點及古跡全數集中在清真寺大教堂附近, 所以由住宿嘅酒店出發, 相當方便就腳, 行完一轉又返到酒店, 順勢返房回一回氣, 喺窗望下下面車來人往嘅街道, 睇下大教堂, 無意間看到教堂的屋頂的圖案 小休後, 行去遠少少嘅科雷德拉廣場果邊行下, 出入時必經的清真寺大教堂, 又忍唔住入去walk下
酒店附近的雪糕店成日都好多人, 趁少人就試下, 共5歐
沿途建築物
Templo Romano de Córdoba 哥多華羅馬神廟遺跡 Iglesia de San Pablo教堂
Plaza de la Corredera科雷德拉廣場
在哥多華各處都見到呢個叫Ecomenina人偶, 上網查後, 原來係個環保藝術項目, 名為「Ecomeninas 到達 安達盧西亞的街道」, 人偶使用回收玻璃或玻璃纖維等材料造成, 利用回收玻璃成為一種從未見過的新藝術形式 - Ecomeninas Andalucía畫廊 Centro Cívico Centro市政中心
Museo Julio Romero de Torres博物館 Plaza del Proto
Triunfo de San Rafael馬駒廣場聖拉斐爾凱旋柱
跟著再去下午摸門釘嘅餐廳, 不過係另一間大啲嘅分店, 點知去到見一個客都無, 就唔想入去, 舒舒服服坐的士(4歐)返去羅馬橋再搵食 沿瓜達幾維河畔一帶都是餐廳集中地, 搵咗間評分唔錯的La Tinaja 啤酒2杯, 共4.6歐及可樂2歐
另外點了一個套餐, 每位20歐, 頭盤有芝士及火腿
伊比利亞燒豬柳
哥多華名菜燜牛尾
甜品
之後沿可邊散步返酒店
好多都好阿拉伯風情. 係西班牙自駕英語溝通順利嗎?
回覆刪除OK呀, 服務業絕大部分嘅英語都好好！
刪除