【意大利多羅米提山區自駕遊】Day3 Malga Zannes - Rifugio Genova - Forcella S. Zenon

意大利北部山區自駕遊  Malga Zannes - Rifugio Genova - Forcella S. Zenon

Day 3 - 6月15日  星期六  密雲有雨

行程: St. Maddalena - Zanser Alm - Gampenalm - Schlüterhütte - Kaserill Alm - St. Maddalena  13km

住宿: Haus Tannenburg (One-Bedroom Apartment with Mountain View, 連稅每晚82.1歐)

今日編排行嘅路線Zannes - Rifugio Genova - Forcella S. Zenon, 它是條環迴路線, 同樣由Zanser Alm停車場開始及完結, Villnoss官網內關於此路線的概要資料是景色 6：體力 4；路程：10.6km, 時間：4h 10min, 沿途据齒山脈都在右邊, 途中將經過幾個靚山景位置, 相比上兩日所行的路線將會較長及困難, 但從路線圖看到, 沿路有不少分支及捷徑, 所以到時會因應體力時間, 再決定實際路線

昨天到Brixen時, 在超市及麵包店買了早餐食物, 有鬆餅、乳酪、乳酸飲品及牛奶, 一次過食幾款奶製品, 好彩無攪肚

由於未知困難情度如何, 所以多帶一些補給品, 兩蕉、兩桃、兩支檸茶及兩支水

朝早雲層很厚, 所以不急於出發, 先在民宿周邊行下, 附近幾乎都是民宿及出租屋, 大部分都熟口熟面, 好多都在搵住宿時看過, 最可惜係缺少了Coffee shop

出發時, 天色依然無大改善, 今日同樣把車泊在Zanser Alm停車場, 原定由25號線開始, 但今日天色不太好, 怕天氣轉差, 所以改由另一條較短的支線33號線起步, 起步位置跟昨天行Adolf Munkel Trail相同, 圖中右邊的路是前往Adolf Munkel Trail, 而左邊的路是今日改行的路線

開始路段又是人車共用的碎石路, 雖然今日係星期六, 但沿路好冷清, 比昨天更少人

分义路口都有清楚標示

溪澗上設有行人木橋

好快見到第一個水源

繼續揀行捷徑, 取道33號線行上第一個中途站山屋Gampenalm

過河後沿圍欄直上

到達山坡後, 除有据齒山景外, 草地上更有一大片小黃花海, 如非天色陰暗, 眼前肯定更靚

慢慢行, 約個半小時後到達山屋Gampenalm, 沿路都算易行, 路線清晰

第一個中途站山屋Gampenalm, 標高2062m, 時間尚早, 只見一枱客

周圍環境

到達Gampenalm, 還未到十一點, 離午餐還有段時間, 先作休息之餘, 亦順帶傾下行邊條路到下一個中途站山屋Schlüterhütte, 之前做過資料搜集, 由難到易有三個選擇

第一、二個選擇都在Gampenalm前, 先經31、33號線直行至分义路口, 之後第一個選擇就行右邊33號線蛇路直上山屋Schlüterhütte為最難, 山屋位置大約在中間小凹位的右邊, 而第二個選擇係兜左邊上山, 即是轉左繼續行31、33號線至下一個分义路口, 然後再轉右行32號線, 避開蛇路

第三個係在Gampenalm前, 向右邊35號線行人車共用的碎石路, 兜右路上山但路程對相較長, 由於同伴想行得舒服啲, 所以我們揀第三個選擇

山屋Gampenalm附近的小教堂

途中遠看蛇路, 似乎唔算太崎嶇

回望山屋Gampenalm

回望走過的35號線碎石路

途經可shortcut至3路線的3A路線分义口, 眼見部分路徑有積雪, 路牌亦倒下

最後一段路較為斜, 所以有啲跣腳

正午前, 終於到達山屋Schlüterhütte

山屋Schlüterhütte, 標高2306m, 呢兩日及之後經過嘅山屋, 大多數都有碎石車路直達, 交通成本唔會高, 所以既可做到餐廳民宿, 而價錢亦唔貴

前方繼續有不同的路線

山上環境

天色灰暗, 山上溫度低又大風, 本來坐在外面食午餐, 但太大風要轉入屋內, 午餐飲品Latte Macchiato, 每杯2.5歐

昨天見好多人點蕃薯仔煙肉煎蛋, 今日都點返個Fried eggs with bacon and potatoes(8.5歐), 味道不錯但賣相唔夠昨天的山屋好

十二點半繼續行程

呢度好大風, 十字架都折斷了

另一個方向天色有些好轉, 開始見到少量藍天

有段路被雪覆蓋, 好不容易才跨過

又有個位置條路越行越窄, 加上風大, 真係有啲驚

之後見到前路又有積雪, 又遇唔到其他山友, 為免發生意外, 在3A路線路口附近決定回頭

返回Schlüterhütte的路上

時間好充裕, 在Schlüterhütte稍作停留, 周圍行下影相, 見到啲人多數係行7號線上Zendleser Kofel山頂, 路牌顯示20分鐘路程, 不過同伴唔想再行上斜路

繼續行回頭路落返去Gampenalm

落到Gampenalm, 改行另一條路線31A接32號線返去停車場, 睇下唔同景色

途中亦會穿過開滿小黃花的草地

經過山屋Kaserill Alm

再經由25號線回到停車場

四點前返到停車場, 前後大約用了六個半小時, 下圖綠色線是計劃的路線, 但實際行紫線上山, 行藍線落山

返回St. Maddalena路上會經過一處觀景位, 能夠遠望St. Maddalena 

回到民宿, 稍為休息後, 上網搵到村內有間market仔, 即刻出動, 亦順便離開前喺村內行下

民宿旁邊係消防局

斜對面係公眾停車場

山腰處的Hotel Tyrol, 實際外觀比官網相片差

沿路向村尾方向行

Vontavon Niederstätter一般小型雜貨店, 有肉有蔬果大裝麵包等, 但無新鮮麵包

村內非常寧靜、整齊、清潔, 每座房屋都非常新簇, 沿路有少量餐廳, 環境好正, 唔怪得網上都推佢係最美小鎮

當晚在收拾細軟時才發現Dolomiti Mobil Card的停車場優惠

出動食晚餐時, 据齒山又開始積雲

晚餐在民宿對面的Hotel Edelweiss解決

餐廳內只有婆婆識英文, 呢度無餐牌, 只有套餐, 包湯、沙律及主菜, 每位13歐, 另點兩支啤酒

沙律, 味道勁酸

餐湯

主菜有兩款, 火雞片或魚, 各點一款, 家庭式味道, 不過不失

呢餐合共33歐, 都算抵食

晚飯期間個天開始行雷落大雨, 睇來今晚多數見唔到日落金光

最後都勉強見到少許夕陽光, 以及月亮作終結

上一篇: 意大利多羅米提山區自駕遊 Day 2
下一篇: 意大利多羅米提山區自駕遊 Day 4