【絕色挪威~郵輪之旅及自駕遊】Day8 圓美極光

羅浮敦群島自駕遊  圓美極光

Day 8 - 9月29日  星期五  晴

行程: Kabelvåg - Tjeldbergtind - Harstad  180km

住宿: Clarion Collection Hotel Arcticus (Superior Double Room, 包早餐及輕食晚餐, 1220克朗)

晚上八點半, 從酒店行出去海邊, 已經清楚看到極光了, 本以為海邊對開的小噴泉可以用作前景, 點知小噴泉打了强勁燈光, 反而成為主要光害來源！

還未找到一個好位置, 第一幕極光舞動表演已經開始了, 匆匆忙忙下一輪亂影

今晚大約每隔半小時, 都會出現一幕强極光, 有幾幕是橫向舞動

另外有幾幕在市內上空發展, 略受市內光害所影響

最後而最彩精的一幕靜靜地開始醞釀著

首先是右邊出現一條强而直的極光

然後左邊亦慢慢發展出現另一條極光

突然間兩條勁極光由尾部合併, 再快速收窄變為圓形光環, 手忙腳亂下立即把相機轉為直倒, 希望捕捉最圓及倒影的一瞬間

可惜未能捕捉最美一刻, 但能夠欣賞到呢一幕又圓又美的極光, 相當心滿意足, 可以話係為今個旅程畫上一個完美句號

欣賞完這段圓美極光後已經將近十二點, 係時候返房休息, 明天要搭早機返奧斯陸。今次有八日住在北極圈內, 當中有四日睇到極光, 而且都幾強, 睇得開心又夠喉, 睇來未來一段日子都唔會話要去睇極光喇！

最後仲有今晚的精華動畫

上一篇: 郵輪之旅及羅浮敦自駕遊 Day 8 上
下一篇: 郵輪之旅及羅浮敦自駕遊 Day 9