【絕色挪威~郵輪之旅及自駕遊】Day8 Tjeldbergtind

羅浮敦群島自駕遊   Tjeldbergtind

Day 8 - 9月29日  星期五  晴

行程: Kabelvåg - Tjeldbergtind - Harstad  180km

住宿: Clarion Collection Hotel Arcticus (Superior Double Room, 包早餐及輕食晚餐, 1220克朗)

除了Reinebringen, 今次亦計劃行Svolvær附近的Tjeldbergtind登山徑, 估計不會太難行, 所以只預留小半日時間行山, 然後才以遊車河方式, 北上到今晚住宿的Harstad。今日又係陽光燦爛的一天, 實在太幸運, 由二樓睡房望出去的景色, 昨晚就係對住佢影咗幾個鐘極光

陽光下在村內四處走走, 村尾環境

昨晚所住的壹號屋

漁屋旁架了一個裝飾小魚架

接待處內有餐廳

餐廳以舢舨佈置成食物吧, 頗為精緻獨特

另有以舢舨設計的小櫈

玻璃球裝飾

接待處外的小碼頭

前住Tjeldbergtind前, 路經附近的Lofotkatedralen教堂稍作停留, 今天遇上白事, 不好意思入內

參考了網上的資料, 過了ESSO油站後就是登山徑入口, 入口前有三個路邊車位

Tjeldbegtind登山徑入口處設有一個土炮路牌指示方向

頭段是爛車路, 不難行, 約十五分鐘到達第一個中途站

今日狀態十分差勁, 周身酸痛, 左邊膊頭撞傷, 又起感冒, 所以行得特別辛苦, 決定在這裡完結行山行程

viewpoint的景色

往上行的路面狀況

在山腳油站加油後, 再行下旁邊的Kiwi超市便出發前往Harstad, 過了Svolvær後路過一個小湖, 稍作停留

之後好快去到Sildpollnes Kapell, 但發生了一段掃興事, 事源我們將車泊在營地外, 隔離是間類似民宿地方, 當我們離開時, 就有位大叔問我地識唔識英文, 話呢到係私人地方, 好唔客氣叫我們get out, 呢到係佢地頭, 無得同佢嘈, 無端端被鬧, 激氣！

由激氣教堂去到Tjeldsundbrua橋, 沿路再無其他村鎮, 一路都靜英英, 風景亦唔算靚, 所以無乜停留, 沿路景色

中途醒起未做航機check-in, 在海中島Moysalen Parking稍作停留, 辦理網上登機後繼續出發

到達Tjeldsundbrua橋前有個主要分义路, 選擇離開E10公路繼續直行是前往Harstad, 沿E10公路行右轉上橋是前往Evenes機場方向

經過兩個半小時沉悶車程, 終於在三點前到達Harstad

按酒店職員指示將車泊在對面街的免費停車場, 今日訂了海景房, 客房都算企理整潔, 但空間一般, 比預期細

窗外景觀

酒店職員告知我們, 今日三點餐廳有免費茶點供應

茶點有少量水果, 自製Waffle, 咖啡及茶供應, 原來酒店有個Triple the fun節目, 住客可免費享用早餐、茶點及晚上的輕盈晚餐

餐後出發到市內走走, 酒店外觀

沿岸景色

酒店外的海旁有個小噴池, 令我們聯想起日內瓦噴池

北歐風的住宅都設有巨形大窗

酒店旁邊就是挪威大學

Thon Hotel

碼頭一帶環境

市內隨影

最後行下購物街, 碼頭旁邊AMFI商場, 以及搵下食飯地方

因為今日好病, 中途要返酒店休息一下, 上房前去餐廳望下個免費輕盈晚餐, 餐廳已經準備了兩盤沙律蔬菜

仲有嚿傳統挪威芝士

一訓就兩個鐘, 已經將近八點, 所以游說同伴留在酒店食免費輕盈晚餐, 晚餐比想像豐富, 有兩三款肉類、餐湯、幾款麵包、伴菜、 沙律等, 以免費來睇, 一啲都唔失禮, 所以要點返兩支可樂, 每支44克朗

餐後行出去海邊已經見到極光又來了, 成個人即時醒晒, 馬上返房擸架撐！

上一篇: 郵輪之旅及羅浮敦自駕遊 Day 7 夜
下一篇: 郵輪之旅及羅浮敦自駕遊 Day 8 夜