2013北海道自駕遊Day5

北海道芝櫻自駕遊  上湧別鬱金香

Day 5 - 5月15日 星期三   雨

養老牛 - 美幌峠 - 太陽の丘遠輕公園 - 上湧別鬱金香公園 - 佐呂間 (229km)

住宿: 船長の家 (16800円, 一泊兩食, 沒有上網服務) 經旅館網站預定客房
部屋: 6疊房, 有獨立浴室及洗手間但沒有風筒


住得溫泉旅館當然要多浸幾次溫泉啦, 所以先去浸返個溫泉, 才去食早餐, 早餐是自助式, 進入餐廳時經過食物枱, 就開始有驚喜了, 以今早客人只有二十多人來看, 早餐款式及數量可以講相當豐富, 而且食客亦非常自律, 多數食物都很整齊, 不似人多的酒店, 被食客搞到亂七八糟

食物以日式及漬物為主, 它在網頁上的介紹, 款式有六十種之多, 還有新鮮樽裝牛奶, 淨睇個樣, 已經覺得好好味

其他飲品

唔知啤酒飲唔飲得呢?

在餐廳門口, 有職員在盅年糕, 侍應還會請每位客人去試下盅年糕, 我們都有出去玩下, 不過職員沒有幫我們影相, 只是不斷地用他們的相機影客人們的相, 玩完仲有紀念品, 每人一條頭巾

當時覺得有些奇怪, 後來才知, 原來在退房時, 都會送上一張客人盅年糕時影的相, 都幾有心思

玩完, 再繼續食早餐, 侍應會再送上剛做好的年糕給客人食用

嘆完個早餐時, 她們仍然繼續盅年糕, 而旁邊就有人用年糕整大福, 今次估到, 應該是送給客人的, 終於要Checkout喇, 啲鞋又出返來之餘, 又抺乾淨咗, 仲有張紙記低屬於邊位住客, 呢間旅館係今次旅行最滿意的一間

原本計劃去附近的裏摩周展望台, 不過天氣實在太差, 所以無去到

今日的天氣是行程最差的一天, 又大雨又大霧

離開養老牛後, 本來亦想去順路的津別峠展望台, 不過通往山上的道路仍然寫著通行止, 可能是天氣還寒冷, 山路未溶雪, 所以還未開放

繼續往太陽の丘遠輕公園方向出發, 沿路天氣好差, 大霧到差啲睇唔到條路, 路過美幌峠, 停車行下

景點: 道の駅 美幌峠
導航用的電話號碼: 0152-75-0700

再行上去美幌峠,  能見度幾乎零, 乜都睇唔到

行到"下展望台"就算

跟著就向太陽の丘遠輕公園出發, 沿路不斷有告示小心雪崩, 唔太明點解, 到達上湧別市時, 經過105円店及超市, 就入去行下, 順便抖抖, 買咗個吉列豬扒三文治

到達公園門口, 依然係落大雨, 食住豬扒三文治等

仲有今朝旅館送的豆沙年糕大福

呢度係日本最大的菊花公園, 呢段時間亦有芝櫻睇, 雖然知道都無乜嘢睇, 不過既然是計劃行程之內, 就照行一趟

景點: 太陽の丘えんがる公園
泊車處: 免費停車場
導航用的電話號碼: 0158-42-0488

周圍環境

然後就去另一個重點行程-上湧別鬱金香公園

景點: かみゆうべつチューリップ公園
地址: 北海道紋別郡湧別町上湧別屯田市街地318
泊車處: 免費停車場
導航用的Mapcode: 404 549 832
注意: 有快相機

到達之後, 雨亦是落過不停, 不過這裡算較多遊客, 整個公園都有十多個遊客, 間中亦有旅行團到來, 今日亦是無料入場

開花度非常之低, 只有很少量花開了

行了一陣, 凍到飛起, 都係快快行完旁邊的商店就走人, 大部分店舖都無開

好多食物手信都以鬱金香作包裝

鬱金香水機

雨完全無停過, 所以都係早啲返旅館休息, 今晚住サロマ湖畔的船長の家, 差不多到達旅館時, 經過道の駅サロマ湖, 又停低入去行下

食軟雪糕...雪糕..雪糕

食完行完, 就去船長の家

房間很細, 只有六疊, 一眼見盡, 房內有好重煙味, 感覺不太乾淨, 仲要自己鋪床、被

小睡一會之後, 又無再落雨就出去附近行下, サロマ湖畔

船長の家對面就是鶴雅酒店, 本來都有考慮住這裡, 但最後都揀船長の家, 因為佢個晚餐款式好似非常吸引

榮浦湖畔

再入去鶴雅酒店行下, 睇下有無日歸, 每人要1000円, 太貴唔玩, 返船長の家等食飯, 到食飯時間, 就會響鐘廣播叫食飯, 就可以去食堂, 好似返學咁

如網上介紹, 食物多到成張枱都係, 而且不斷再有熱品送上

三大蟹-毛蟹

雪場蟹及松葉蟹

燒物

刺身等

煮物

漬物

蟹肉飯

蟹腳鍋

芝士元貝

燒大蝦

蒸蛋

燒螺

大蛤

北寄貝

蟹腳湯

晚餐都係食唔晒, 要將全隻松葉蟹包起, 交給食堂大嬸留起, 打算明天帶走, 味道方面, 除了毛蟹比較好味, 其他就只屬一般, 重量多過重質

最後再落去浴場浸下就訓覺