2012冰島自駕遊 Day 12

冰島自駕遊  再見冰島

Day 12 - 2012年6月13日 星期三  陰

Reykjavik - Keflavik - London

住宿: Tune Hotel at London (GBP 71)

今日是冰島行程的最後一天, 會坐下午四點機去倫敦, 並停留倫敦四天

食早餐時, 見個咖啡機好新, 又有咖啡包, 咁就打杯咖啡試下, 打出來又幾靚, 不過味道較淡

因為今日天氣好似比昨天好少少, 所以先再去大教堂影相, 酒店就在這條街

冰島都有中國餐館

天色都係灰灰暗暗

因為友人拜託我們幫他買多件66N外套, 所以再到66North shop, 今次個職員就收了我們張九折咭, 見有時間就去多次Viking Boat Scultpure, 就返酒店收拾行李及退房

去到機場, 先去攪退稅, 因為我們退稅的金額超過ISK5000, 所以要在出境前的海關加Stamp, 順帶一提, 不要寄行李先, 因為海關會叫你出示你買了的東西比佢看, 才會Stamp, 再去Icelandair counter check-in及寄行李

攪掂晒就行去機場外面, 睇下兩件藝術品

機場外觀

另外一件藝術品

跟著就出境, 今次出境連鞋都要除來檢查, 真嚴謹, 過了海關, 就去退稅, 退款可以收現金或者信用卡過數, 我們就揀收現金, 再去搵間餐廳食午餐

之後就周圍行下及買下手信, 最後去銀行將用剩的冰島錢換回歐羅

影返張冰島航空的飛機, 唔知下次再坐會係幾時喇!!

無飛機餐, 得包Snack及杯汽水

今次入境英國, 從Terminal 1進入, 可能人數較少, 所以等候入境的時間, 不用太久, 入境後, 原本安排到Ticket Counter買London Pass, 可惜巳經收舖, 索性唔買, 反正天氣不好, 到時再算

旅行前, 細妹已經幫我們準備了兩張蠔遊卡Oyster Card(即係倫敦八達通), 點知忘記帶來, 意外地買咗兩張鑽禧版Oyster Card (Diamond Jubilee Limited Edition), 咁都抵返晒

跟著就坐Tube去Lambeth North station, 車程一個鐘有多, 去到酒店時, 巳經成十一點幾, 本來我們是訂了有窗的房間, 但係個職員就安排了我們住在basement, 奇怪basement怎會有窗, 入到房時, 房內只有一個好似大氣窗, 我們就回去Reception同職員理論, 佢話佢今日都是第一日在這裡工作, 房間是有窗的, 而且今日酒店全滿, 無辦法換給我們, 咁佢真係無晒房, 是旦比一間我們啦, 真係激死, 又被屈, 唉!又咁夜, 同埋係住兩日, 費事再勞氣, 叫佢通知主管, 明天給我們換房就了事, 實情係用英文講數唔太掂

見對面仲有間Burger店, 就買了二個Burger餐返房食, 今日全日都無乜玩過, 好似浪費咗一日咁