【西班牙自駕遊】Day8 Gibraltar 直布羅陀
西班牙自駕遊-大城小鎮之旅 Gibraltar 直布羅陀
Day 8 - 9月21日 星期六 午後轉晴
行程: 塞維亞 - 直布羅陀 215km
住宿: Holiday Inn Express Gibraltar (Twin Bed Non-Smoking, 102.6鎊, 包早餐)
好耐無出文, 今日8號波, 放假一天, 試下由今日開始再寫返喇！早上嘅天色跟昨天很相似
九點幾出去搵早餐食, 越行越遠都遇唔到心水選擇, 最後揀呢間Cafe
餐廳一角
職員唔太識英文, 指手劃腳點咗兩杯牛奶咖啡及兩款火腿包, 共5.1歐, 一般連銷店質素及味道, 同昨天嗰間無得比
收拾行裝後, 出發到200公里外的直布羅陀, 途中一景
少不了的鬥牛剪影牌
未到關口已經大排車龍, 先醒起今日係星期六, 可能多咗西班牙人過去渡週未
關口分開兩邊, 左邊歐盟, 右邊非歐盟, 過關時關員只會驗查護照, 沒有蓋印, 非常簡單
但依然用咗大半小時過關, 大約一點到達酒店, 比預算中午到達遲, 等咗一陣就可以取房, 房間新淨及光猛 窗外景色, 對正跑道, 可以看到飛機升降, 不過同時對著墓園
外觀
酒店無自家停車場, 但酒店背後有十個左右公共免費停車位 第一個景點當然係去行機場跑道及睇飛機升降
機場最大特色係有一條人、車道路橫跨機場跑道, 非常罕見 無飛機升降時, 就如一般道路, 供車輛及行人橫斷通過跑道
正前方就是直布羅陀地標景點Rock of Gibraltar, 大石下中間偏右就係今次住宿的Holiday Inn Express Gibraltar
機場大樓
巴士站內的簡介圖, 只有兩條巴士線行走市內
車輛過關出入口
轉向右邊就是行人通關口
直布羅陀機場
機場大樓, 從顯示板上可以看到飛機升降時間, 今天只有4班機升降
差不多夠鐘有飛機升降, 出返去睇飛機起飛 職員落閘放鐡鏈
飛機先直行到盡頭
然後U-Turn再直行加速起飛, 短短幾分鐘就完成起飛過程 職員好快就收工放行
已經積咗長長車龍
直布羅陀可使用英鎊及歐元 市內巴士
機場附近的Cradle of History記念雕像
油價比西班牙平, 以英鎊付款再平啲 唔想特登返酒店攞車去搵食, 行超市時順便買啲輕食返酒店開餐, 6.31鎊
趁天色開始好轉, 快快趣出動去直布羅陀另一個景點, Rock of Gibraltar觀景台, 雖然不肯定能否揸車上去, 但想一試, 睇下可唔可以慳返纜車錢, 最後兜到去山腰, 就有人指示要返轉頭, 算吧！兜來兜去已經浪費不少時間, 唯有將車泊返纜車站停車場, 坐纜車上去, 停車場內有唔同顔色的線來劃分出免費區域 去到纜車站, 又要排隊, 排咗成個鐘先上到纜車, 呢度纜車加參觀, 原來有好多不同組合套票, 當初以為山頂只有觀景台, 睇下風景就可以回程, 完全唔知有咁多嘢, 最後喺無準備情況下, 睇圖揀咗個Skywalk加單程上山纜車套票, 每位19鎊, 回程就計劃行返落山 左搞右搞, 最終近六點先上到觀景台, 上到來藍天已變成陰天, 心情都灰埋
山頂有好多馬騮, 基本上係呢到嘅陀地, 周圍走通山走, 攪攪陣, 成日來特襲我個背囊 地標景點, 向北景觀, 對面就係西班牙國境
纜車站
觀光指南, 山上有不少景點及路線
觀景台四周隨影
南面, 向著非洲大陸方向
西面可以望見一段看似城牆遺跡, 沿城牆似乎可以行落山 時間無多, 都係先去Skywalk
藍天又開始出返來, 勁開心！ 沿指示向南往Skywalk方向行
回頭望向纜車站方向的景色
前面有玻璃的建築物就係Skywalk位置
向東面往下望就是Sandy Bay
沿路斷斷續續都見到有人能揸車上來, 看似是Local Tour帶遊客來參觀, 其實車只能泊在路邊稍作停留短暫觀看, 根本沒有泊車位
Skywalk觀景台
觀景台地面用上玻璃構造
可以直望落去, 同伴話驚驚
Sandy Bay
過咗Skywalk繼續行
有個景點叫Douglas Lookout
係個高位望返Rock of Gibraltar
然後開始沿路落山
沿路景色
經過一處分叉路, 有個叫O'Hara's Battery景點, 繞道行埋上去望下
途中可以好清楚望南方陸地, 懷疑緊係咪位於北非嘅摩洛哥呢？
O'Hara's Battery, 已經收咗檔
繼續落山
又經過另一景點
St. Michael's Cave, 同樣收檔了
仲有一個景點, 英女皇到此一遊地
遠望纜車及城牆 另一個分叉路, 往Rooke Battery及Windsor Bridge, 又八掛行落去
Hayne's Cave Battery
Windsor Bridge, 原來係條吊橋, 當時太陽開始落山, 令到周圍環境更加靚
除咗馬騮外, 四周圍只有我哋兩條友, 可以慢慢影, 好玩
之後唔使回頭, 可以繼續行落山
經過城牆及中途纜車站, 呢度有好多馬騮, 唔夠膽行上城牆玩
見到下面停車場喇, 快到地面了
尾段再經過另一個炮台Devil's Gap Battery
由右邊梯級繼續落山
呢段路好似係Devil's Gap Footpath
Union Jack Steps
大約八點半返到Town內, 個天仲係光, 由呢到要行多十分鐘左右先返到停車場
熟識的街道名
沿路景物
返到停車場, 啲車都走得七七八八, 攞車後再揸落去最南面嘅燈塔, 以逆時針方向遊直布羅陀一圈先返酒店, 玩到太晏要喺酒店開餐, 起初諗著直布羅陀無乜嘢玩, 只係掛著去睇機場跑道, 搞到成日行程慢吞吞, 原來Rock of Gibraltar條行山徑都幾花時間, 同幾多嘢睇, 如果多返兩個鐘時間就好用好多, 都係太懶無準備！晚餐喺酒店解決, 兩杯可樂, 5鎊
九點幾出去搵早餐食, 越行越遠都遇唔到心水選擇, 最後揀呢間Cafe
餐廳一角
職員唔太識英文, 指手劃腳點咗兩杯牛奶咖啡及兩款火腿包, 共5.1歐, 一般連銷店質素及味道, 同昨天嗰間無得比
收拾行裝後, 出發到200公里外的直布羅陀, 途中一景
少不了的鬥牛剪影牌
未到關口已經大排車龍, 先醒起今日係星期六, 可能多咗西班牙人過去渡週未
關口分開兩邊, 左邊歐盟, 右邊非歐盟, 過關時關員只會驗查護照, 沒有蓋印, 非常簡單
但依然用咗大半小時過關, 大約一點到達酒店, 比預算中午到達遲, 等咗一陣就可以取房, 房間新淨及光猛
👏👏👏以為你唔再寫
回覆刪除寫, 只不過好慢姐........
刪除