西班牙自駕遊-大城小鎮之旅 Segovia 塞哥維亞
Day 2 - 9月15日 星期日 雨後轉晴
行程: 馬德里 - 塞哥維亞 106km
住宿: Eurostars Plaza Acueducto (Double Room, 84.15歐, 包早餐及酒店停車場)
旅行頭果幾日心情都好麻麻, 因為下半年嘅氣氛急速惡化, 咁啱呢年又plan咗三個長旅行都喺下半年, 雖然可以順利出發, 但心情都係大打折扣, 有得去旅行都唔覺開心, 真係唔知講乜好！講返旅行, 今趟旅程首站係去馬德里以北的Segovia塞哥維亞, 出發前先去食酒店早餐, 七點半左右已經有唔少人, 估唔到呢間Ibis嘅早餐都幾好👍
坐八點穿梭巴士到機場攞車, 辦好手續後去攞車, 發現係行政車款, 唔多啱我心水, 所以返回櫃台請求換車, 不過被懶鬼職員堅決拒絕, 因為無其他自動車款, 好彩在停車場找到幫我們辦好手續嘅好人職員, 最終可以補錢換到架當時最細嘅自動波車Benz B200, 如果係A系會更理想, 不過好過無 再去埋便利店買電話卡, 因為帶來嘅電話卡都係搞唔掂
買咗唯一有貨的Lebara, 每張20歐 再搞下車上嘅電子控制台, 忙完一輪, 都係要揾職員幫手先可以由西班牙文轉為英文, 萬事具備之後已經十點幾, 馬上出發去塞哥維亞, 今天天氣非常差勁, 沿路天色灰灰沉沉, 好彩係無落雨！今個Trip走過嘅公路及高速, 如下面相片般, 路況都很好 高速收費站可以使用信用卡或現金, 由機場到塞哥維亞, 高速費用9.1歐
十二點前到達酒店, 揀呢間酒店主因係地埋位置夠方便, 位於舊城邊緣、水道橋旁邊, 酒店有自家停車場, 駛過舊城入口嘅地下停車場後, 過咗酒店門口就係酒店停車場入口, 即下圖黑色房車前面的藍白P燈箱位置 時間尚早, 未能攞房, 登記泊低架車之後就喺附近行下, 等食完午餐再返來攞房, 行出酒店就見到塞哥維亞嘅地標Acueducto de Segovia輸水道
水道旁邊的大街
沿著C.Cervantes大道往上行去主廣場方向
途經Mirador de la Canaleja觀景台, 喺度仲Friend咗好熱衷寶可夢嘅西班牙Mano父子 幾乎每個城鎮都有嘅Plaza Mayor主廣場, 暫時到此為止, 夠鐘食午餐 百年老店Meson De Candido, 正正喺水道旁邊, 食出名傳統西班牙烤乳豬, 出發前經已喺網上訂好位, 目測有大把位, 唔訂都應該無問題 店內裝潢, 好有歷史古跡feel, 我哋坐二摟窗邊位, 牆上貼咗世界各地嘅貨幣, 仲有張廿蚊紙寫住呢排嘅要求！ 呢隻乳🐷全體在隔離房影
麵包每位收1.5歐
兩杯西班牙特飲(5歐), 每人各一件乳豬(50歐), 胸、脾各一, 乳豬上枱時已經切好, 並非旅遊節目咁講, 喺你面前表演用碟切豬及掟碟, 而味道好一般, 性價比低, 但當旅遊節目或景點來參觀, 尚算可以
食完飯啱啱好可以攞房, 房間新凈, 設計簡約
職員仲比咗間水道橋景房, 如在網上指定水道景, 要多十幾廿歐, 賺咗, 84歐包早餐、酒店停車場及房間水道橋景, 抵住 酒店門口個景同房一樣正式開始遊覽塞哥維亞, 穿過水道橋, 旁邊就係食午餐嘅百年老店Meson De Candido, 當時約三點鐘, 餐廳反而相對多人咗 水道旁的梯級可通往頂部的觀景台
遊客中心就在水道梯級旁邊
下午時段, 遊客明顯多咗, 沿著C.Cervantes大道往主廣場方向走 鳥啄之家Casa De Los Picos
沿路建築物
Iglesia de San Martín教堂及Plaza de Medina del Campo
藍天開始出來了
隨影
Plaza Mayor主廣場
市政廳
路旁的手信店 買咗隻彩豬, 2歐
塞哥維亞有三個重要景點, 水道橋、塞哥維亞主教座堂及塞哥維亞城堡, 而它的舊城區及水道橋建築都列為世界文化遺產。塞哥維亞主教座堂, 轉頭再入去 我哋好鍾意行歐洲呢類城鎮, 新、舊城區分明, 道路網簡單, 古蹟名勝集中, 可以隨心周圍行, 唔駛下下都睇地圖
來到呢度先見舊城區地圖, 反而遊客中心無, 睇返地圖我哋原來都係由水道橋開始沿藍線行
Feligresía de San Andrés
塞哥維亞城堡座落於舊城區最西端, 城堡旁邊有個觀景台Mirador Junto Plaza Reina Victoria Eugenia, 可以飽覽北面一帶景色 塞哥維亞城堡Alcazar de Segovia, 門票有好幾個選項, 揀咗每位8歐, 包入城堡、博物館及城頂 城堡內部隨影
行完一輪室內地方之後, 來到最西端嘅陽台Terraza De Reyes, 北面景色 陽台上
南面景色
陽台環境
好多時都見到差唔多樣嘅井
個藍天返來了
南邊城牆
行埋落去影相
依指示行, 繼續參觀城堡
內庭
城堡地圖
最後上去城堡頂, 城堡上眺望護城河及右邊是售票處門前大空地, 正進行維修工程 城堡頂, 東面對著舊城區, 見到成個舊城區主要坐落在山坡之上, 正中最突出係塞哥維亞主教座堂 主教座堂前方仲有保留咗一幅完整城牆, 轉頭要過去行下
東北面的Monastery of Santa María del Parral修道院
西面
城堡頂
北面的Iglesia de la Vera Cruz教堂, 由教堂望過返城堡個景可能不錯, 明天走嘅時候要揸車過去睇睇 城堡入口, 下午大背光, 明早再來visit
離開城堡, 向南面城牆進發
呢度有路可以行落下山坡下面
博物館Museo de Segovia
繼續行到城門Puerta de San Andrés
往左行發現有閘口登上城門
可惜已經close咗, 記得好似係3點半閂閘
城門Puerta de San Andrés嘅正面 沿橫巷折返主廣場
參觀塞哥維亞主教座堂, 每人3歐, 如要上鐘樓頂則要參加Tour及有時間限制, 所以無上鐘樓
教堂內
教堂廣場
教堂內
參觀完大教堂, 輪到最後一站水道橋觀景台, 再次經過Iglesia de San Martín 鳥啄之家
Mirador de la Canaleja
黃昏時份, 仍有旅行團到來
百年老店Meson De Candido, 露天坐位都收起了, 似乎晚市只做室內
門外嘅銅像應該係第一代老闆
從樓梯走上水道橋上觀景台Mirador del Acueducto, 中段位置 水道橋上觀景台Mirador del Acueducto, 迴旋處後面的建築物就是我們住的酒店
再往內走, 好快就行到水道盡頭
回頭行去水道橋另一端
反之呢邊水道好長, 到達呢個大轉彎之後都望唔盡頭, 咁就到此為止
今晚book咗另一間食烤乳豬的老店Meson de Jose Maria, 同伴話要比併下喎, 可經Whatsapp訂位, 門口企位係食Tapas 呢間有老店傳統表現, 在客人面前用碟切乳豬及分豬肉 啤酒及可樂, 共5.4歐
免費前菜
麵包, 兩位3.2歐
今晚點一份烤乳豬Suckling pig roasted in our traditional oven(25歐), 論熱度及外皮脆度, 比午餐果間優勝
另外一個主菜叫咗羊架Roasted suckling lamb chops with fries, 22歐, 羊架煎得脆口, 不過賣相有啲似快餐 餐廳在主廣場附近, 飯後經主廣場散步返酒店, 沿途影下夜景
沒有留言:
張貼留言