【火熱澳洲之旅】Day7 悉尼市內觀光

烏魯魯自駕遊及悉尼自由行  悉尼市內觀光

Day 7 - 3月30日  星期五  晴

行程: 悉尼魚市場 - 海德公園 - 悉尼皇家植物園 - 悉尼港灣大橋 - 悉尼月神公園

住宿: Meriton Suites Campbell Street (Studio Luxury Suite, 素泊, 四晚765澳元)

悉尼美食之中, 少不了新鮮海產, 當中位置就腳又受遊客歡迎自然是悉尼魚市場, 趁復活節假期首日, 唔少舖頭休業, 先去魚市場食個蠔早餐

由市中心出發, 可坐輕鐵(light trail)到Fish Market站, 車程約十幾分鐘, 好方便

現場所見, 悉尼魚市場大致分成內外市場, 場外有幾間店舖賣新鮮海產

客人多以本地人為主, 店內開了大量新鮮生蠔, 一打15澳元, 約7.5港元一隻, 好平, 仲有好吸引的新鮮青口, 一公斤10澳元

場內市場, 未到十點已經好多人

內裡海產店及熟食檔各半, 似做遊客生意為主, 價錢唔平, 但熟食買相非常吸引

新鮮海產之中, 最吸引我是深海龍蝦(scampi), 大大隻, 身型如巨形虎蝦

場內市場門口有間大舖叫Doyles, 有即開的生蠔, 價錢較貴但店內設有舒適坐位, 今日有幾款品種選擇, 可逐隻買但同款買一打會抵好多

就在Doyles先來一打Smoky Bay, 26澳元, 爽口鮮甜

再試另一款悉尼品種Sydney Rock, 一打28澳元, 蠔身的骰, 肉質較淋, 味道帶苦, 唔太好食

在市場最入面有間蔬果超市及朱古力水果店, 超市的蔬果排得好整齊

朱古力水果店的食物賣相亦好吸引, 離開時在場外市場的De Costi買了青口、虎蝦及深海龍蝦作今晚食材

放低戰利品後, 又出動去悉尼皇家植物園海邊逛下, 換另一個方向睇下港灣大橋、悉尼歌劇院。由酒店出發慢慢行過去, 市中心沿路有好多地方進行輕鐵工程, 令環境有些少雜亂

沿路經過好多悉尼市景點, 有Town Hall

維多利亞女王大廈(Queen Victoria Building)

聖母主教座堂St Mary's Cathedral

巨樹林立的海德公園Hyde Park

新南威爾斯畫廊Art Gallery of New South Wales

無處不在的『十字架=愛』

行入皇家植物園的海邊, 風景非常優美, 旁邊似是海軍基地, 停泊了幾艘戰艦

海邊生蠔處處, 莫非它們就是Sydney rock

植物園最北端有個景點叫Mrs Macquarie's Chair

視野很好, 可以看到歌劇院、港灣大橋、海港高樓大廈以及海灣的優美景色

另一個景點Farm Cove

皇家植物園(Royal Botanic Gardens)環境很好, 值得到此一遊, 可惜不對, 曬到無晒心機, 感覺熱過烏魯魯, 最後要急急走人

午餐到唐人街的Pho Pasteur食越南牛河, 環境好似以前的漢口道

牛河15澳元及豬蝦米紙卷8.5澳元, 食咗一星期西餐, 令越南牛河變得份外美味

臨近黃昏時份, 係時侯出動去Luna Park睇日落

途中經過Central火車站

Circular Quay

旁邊是郵輪碼頭

隨影

經由Bridge Stairs上港灣大橋, 行去悉尼月神公園Luna Park Sydney

Pylon Lookout

悉尼港灣大橋 Sydney Harbour Bridge, 呢個時間剛剛見到郵輪出發, 睇著巨型郵輪駛離港口, 其間不停有渡輪、小船在郵輪之間穿梭, 非常精彩

悉尼港灣大橋北端處是Milsons Point碼頭, 唔想步行過來, 亦可以選擇由Circular Quay坐渡輪過來

Milsons Point碼頭旁邊是月神公園Luna Park Sydney

日落景色

睇完日落返酒店煮飯, 今早在場外市場的De Costi買了一公斤有多的青口(12澳元)、一公斤虎蝦(20澳元)及兩隻深海龍蝦(14澳元), 深海龍蝦係sushi級, 原可以生食, 但放咗幾個鐘搏唔過, 都係白灼隱陣, 肉質雖彈牙, 但不算特別, 跟虎蝦相比的話, 虎蝦完勝

Cooked虎蝦, 估佢唔到, 無需返熱, 新鮮彈牙, 蝦頭鮮甜完全無腥味, 非常好食, 下次一定再食

原本打算做黑啤熟青口, 但買不到啤酒, 在附近泰國小店買了冬陰公雞精, 以澳洲西芹, 煮了一煲冬陰公青口, 肉質飽滿又無渣, 非常好味, 呢餐飽到上心口

最後連澳洲芒果(10澳元2個)都食唔落

上一篇: 烏魯魯自駕遊及悉尼自由行 Day 6
下一篇: 烏魯魯自駕遊及悉尼自由行 Day 8