駕世遊: 【一起葡過的假期~葡萄牙自駕遊】Day9 Belém貝倫區

一起葡過的假期~葡萄牙自駕遊 Belém貝倫區

Day 9 - 6月15日星期四晴

行程: Torre de Belém - Time Out Market - Elevador de Santa Justa - Bairro Alto

住宿: Hotel Lisboa Tejo (Twin Room, 97歐)

里斯本市內有幾個必到的大景點, 有Torre de Belém(貝倫塔)、Padrão dos Descobrimentos(航海發現者紀念碑)及Mosteiro dos Jerónimos(熱羅尼莫斯修道院), 全都在遠離市中心的Belém(貝倫區), 今日行程就由它們開始。早餐在無花果廣場上的Casa Das Bifanas解決, 一間地道快餐店, 以豬扒包馳名於里斯本

枱上只有英文飲品餐牌, 指手劃腳下點餐, 先要一個葡撻, 一個豬扒包, 豬扒包做法跟港式不同, 包內夾的是幾片薄豬肉片, 豬肉是預先煮好並浸在湯汁內備用

豬扒包上枱前焗過, 所以外脆內軟, 豬肉鬆軟有肉汁, 好食, 葡撻少暖, 尚算可以, 橙汁是新鮮榨的, 橙味十足又夠甜, 非常正斗, 飲完成個生猛晒, UCAL支裝牛奶朱古力, 好好飲, 全餐合共9.5歐

從酒店取得的里斯本觀光地圖, 大張又唔夠簡潔, 唔太實用

昨晚所買的里斯本交通卡Viva Card, 紙卡費用0.5歐, 另Top-up 24小時乘車券6.15歐, 第一次使用開始計時, 今日所有交通全靠佢。之前記低去貝倫塔的方法, 當時又無再用Google返查就搭地鐡由Rossio站去Cais do Sodré站, 再轉輕鐵到貝倫塔, 其實可以直接由無花果廣場坐輕鐵到貝倫塔, 方便又有位坐, 真戇居! Rossio地鐡站

落車後再要行十分鐘才到達貝倫塔, 此刻才知道貝倫塔是世遺, 好多人排隊入場, 但同伴話要入去睇睇, 唯有俾錢入場, 每位6歐

裡面有砲台、牢房等等

貝倫塔上的大平台

登上塔頂後

可以飽覽前後左右的景色, 耶穌像及4月25大橋就在對岸附近, 所以不少人都會安排同日遊覽

貝倫塔外的1比50模型

貝倫塔左邊不遠處就是Padrão dos Descobrimentos(航海發現者紀念碑)

航海發現者紀念碑建於1960年, 難怪外觀十分新淨

今日陽光非常猛烈, 晒到頭頂出煙, 同伴竟然自己走去買芬達菠蘿汽水(2.8歐), 無我份

紀念碑內是個展覽館, 介紹里斯本歷史, 頂樓作觀景台之用, 有電梯上觀景台, 入場每位5歐。紀念碑背面睇上去似個十字架, 實則係刻咗一把大劍

紀念碑對面是Mosteiro dos Jerónimos(熱羅尼莫斯修道院), 門外有更加多人排隊入場, 因為已經睇過幾間修道院, 都係算數唔入場

修道院可以唔入, 但隔離的Pasteis de Belem葡撻店就絕不能錯過, 因為佢係葡萄牙Number One葡撻店

門口櫃台有唔少人外賣葡撻, 或者立食

雖然門口細細, 但裡面大得誇張, 全完唔似葡撻店, 點解班友仔要企門口食? 入面可以周圍行、影相, 又睇到廚房整葡撻

坐低嘆葡撻飲咖啡, 咖啡每杯1.25歐, 葡撻每件1.1歐, 新鮮出爐, 果然係Number One葡撻店

抖夠後, 坐輕鐵返去Cais do Sodré站再食過

目的地是Time Out Market

地下全層環境, 兩邊是食店, 中間是坐位, 全場坐滿人, 非常熱鬧

行完一圈, 決定幫襯Monte Mar

香檳配生蠔, 香檳一杯7歐, 生蠔每隻2歐, 生蠔脆口少甜, 不過不失

蝦湯(Gambas Guilho), 8.9歐, 蝦肉爽口鮮甜, 好食, 不過啖湯就鹹咗些少

本來想買多碟無花果配火腿, 掛住食無咗件事, 食完先至醒起

改去食Santini雪糕, 每杯2.9歐

場內有老牌罐頭沙甸魚Conserveira de Lisboa的分店

Time Out Market離商業廣場大約只是五分鐘步程, 飯後慢慢步行返回市中心, 途中經過一架無人28號電車, 開開心心地玩了一輪

Camara Municipal de Lisboa(市政廳)

Praça Do Comercio(商業廣場)

Arco da Rua Augusta(凱旋門)

Rua Augusta(奧古斯都大道)

市內的行人道都舖上不同的圖案

或在地上舖上店名

Elevador de Santa Justa(聖胡斯塔電梯)係另一個必到的景點, 有24小時乘車券可免費乘搭, 入電梯時以Viva Card拍機

電梯內

因為電梯塔頂是個觀景台, 要上塔頂的觀景台, 每位要加收1.5歐

到過市內幾個觀景台, 聖胡斯塔電梯觀景台的景觀應該算最好

Castelo de Sao Jorge(聖若熱城堡)方向

Arco da Rua Augusta(凱旋門)方向

Praça Rossio(羅西烏廣場)方向

Praça da Figueira(無花果廣場)及酒店方向

Convento do Carmo(卡爾莫修道院)

返酒店前行下超市, 見到鮮榨橙汁機, 除買了啤酒汽水, 當然不能錯過鮮榨橙汁, 1公升2.99歐

在酒店休息時, 發現所住的客房是全層最大間

最受遊客歡迎的28號電車總站就在酒店附近, 休息後打算遊一轉電車河

點知遇上宗教巡遊活動, 電車停駛

唯有先周圍行下, Praça dos Restauradores(光復廣場)

Fado(法朶)又稱葡萄牙怨曲, 途經當地一間Fado劇院, 就提議今晚到其中一間心水Fado餐廳食晚飯聽法朶, 亦可順路坐下上山電車線

山多路斜的里斯本市有三條上落山坡的電車線, 分別是Elevator de Gloria、Elevator de Bica及Ascensor do Lavra, 在光復廣場附近有Elevator de Gloria, 先去坐一程上山, 亦可順道到山頂的Miradouro de São Pedro de Alcântara觀景台睇睇