【日本関西自駕遊】Day3 熊野古道大門坂

日本関西自駕遊  Day3 熊野古道大門坂

Day 3 - 11月21日  星期一  雨

行程: 那智勝浦 - 熊野古道大門坂 - とれとれ魚市場 - 南紀白浜  117km

住宿: 南紀白浜 浜千鳥の湯海舟 (部屋:コーナーダブル, 一泊兩食, 37000円)

世界遺產的熊野古道有幾條路線, 小辺路、中辺路、大辺路等等, 今日揀咗一段較短路線行下, 由大門坂開始, 沿樹林石道走到山上的那智大社, 再去那智大滝, 然後返回大門坂的起點行一圈

今朝天氣一樣無起色, 仲好似要落大雨

酒店早餐係和洋自助餐, 非常豐富, 款式亦好多

連吞拿魚蓉都有

出發前到車站及商店街行下

車站旁的足浴, 滝の湯

商店街內見到好多鯨魚牙齒飾物, 估計呢帶仍然保留著捕鯨活動

今日先去熊野古道大門坂, 大門坂嘅起點有個免費停車場

呢度除咗有個唔知代表乜嘅彫像, 仲有行山棍供人免費使用

由大門坂到那智大瀑, 全程約3公里

過咗個石鳥居就進入樹林古道, 入口左右兩棵巨樹就係夫婦杉

古道景色

行下影下, 大約三十分鐘就完樹林古道

中途有間小郵局, 門外放咗十幾款紀念郵票

買咗三套郵票送俾姪女

那智黑石原石

表参道

表参道兩旁裝有小木屋燈箱

熊野那智大社

世界遺產的那智山青岸渡寺

那智瀑布及三重塔

地上滿佈紅葉但就見唔到紅葉樹, 似乎過晒紅葉時間

繼續跟指示行去飛瀧神社

行到飛瀧神社, 就可以睇到那智の滝, 仲想再行近啲觀看瀑布, 可以從左手邊進入神社, 每位入場費300円, 現場所見幾乎所有人到此止步

一場來到就入去近啲睇下, 少啲人入場更加好, 入口處有兩個泉口, 泉水可以飲用, 裝返兩樽神水補下

最近處有個觀賞平台

行完要去嘅地方後開始落雨, 冒著雨沿車路返回大門坂停車場, 喺大門坂遇見好多帶著面紗嘅古装人, 睇真啲全部都係大嬸, 驚驚!

沿著大門坂嘅車路一帶, 有好幾間大嘅本地產品手信店, 出名嘅手信食品有那智黑糖、紀州梅等, 行完手信店仲係好大雨, 決定唔食午餐, 早啲去今晚住宿嘅白浜, 去到白浜仲係落雨, 所以改去とれとれ市場行下及食午餐

唔知係咪晏咗, 濕貨嘅海鮮一啲都唔吸引, 想搵啲真空包裝嘅一夜干又無, 而另一邊嘅手信區, 大多數都係紀州梅及柑類製品

最後隨便喺food court食個海鮮烏冬630円及腐皮烏冬420円, 日本好少食到咁低lev嘅食物

原本計劃去円月島睇完日落先至返酒店, 但天氣問題計劃告吹, 要直接返住宿嘅溫泉酒店浜千鳥の湯海舟, 佢係間連鎖式嘅酒店, 好多港人及台灣人都會揀佢, 因為新淨啲, 又有不同款式嘅溫泉, 不過啲職員都係後生仔女, 務服態度就係是是旦旦果種, 無咗老一輩果種傳統溫泉酒店嘅招呼, 今晚住嘅房類屬於尾二差果款, 客房好細, 幾乎細過商務酒店, 住得好侷促, 失去咗住溫泉酒店最基本元素放鬆及休息

不過呢種新派嘅溫泉酒店就多啲花臣, 例如有免費梅水、咖啡及飯前小食, 雪條、拉麵、日版益力多等等, 飯前先來個小食加咖啡

食飯前行下酒店嘅商店

酒店大堂有不同的浴衣俾客人選擇, 不過先到先得

晚餐分兩輪, 頭輪滿咗, 要食八點果轉, 今晚的餐單, 估計坐位安排跟住宿plan掛鉤, 我哋要坐並排對窗位置, 第一次住溫泉酒店咁坐法, cheap plan啩 !

食前酒 - 紀州梅酒

前菜

先椀

紀州舟盛

鯨三昧

油物

鮑魚

茶碗蒸

食事

甜品

最後職員會碓定明早早餐選擇和式或洋式

雖然房間較侷促, 但酒店嘅溫泉都唔差, 特別係混湯, 臨訓前再去混湯嘆下

下面兩張溫泉照片來自浜千鳥の湯海舟酒店網頁

溫泉入口嘅休息區, 有兩款免費口味雪條供應

消夜時段, 酒店仲有提供免費拉麵

房內小食

上一篇: 日本関西自駕遊 Day 2
下一篇: 日本関西自駕遊 Day 4