【捷克自駕遊】Day1 Kutna Hora必試的波希米亞菜

捷克自駕遊  Kutna Hora必試的波希米亞菜

Day 1 - 3月19日  星期六  厚雲

行程: 布拉格機場 - Kutna Hora  112km

住宿: Pension Bed & Breakfast (雙床房, 包早餐, 免費泊車, 1166克朗, 約380港元)

登機前, 先去新位置的魚蛋粉Lounge食消夜, 今次搭阿聯酋航空, 零晨出發, 首次乘坐A380機

座位似較為寬闊, 機上的銀幕登了原力覺醒的廣告

今程機有兩餐, 起飛不久, 先來個輕食

落機前再有個早餐

九個鐘後到達多哈, 要等三個半鐘轉機

呢架機繼續係新簇簇

多哈機場

起飛不久就見到鶴立雞群嘅阿拉法塔

今程機又有兩餐, 早餐以蔬果為主, 少少地啱晒

天氣好好, 可以清楚睇到沿途景色, 全程都係好貧瘠山脈, 間中有啲雪景, 仲影咗好多相

落機前再有個正餐

大約一點抵達布拉格機場, 一出閘就見成排櫃員機在大堂出口, 身上一毛捷克錢都無, 寧捨唔安樂, 所以先過去巡下, 真係得KB銀行部機先有銀聯logo, 即刻㩒返兩萬銀旁身。再到大堂行個圈, 不過見唔到Vodafone分店, 唯有先去Budget取車, 租車公司櫃台都在客運大樓對面的停車場大樓地下, 成個場好冷清, 一個客都無, 手續很快搞掂, 之後去停車場驗車取車, 去到車場先知架車唔係Golf, 可能加咗雪軚關係, 俾咗架香港少見嘅歐洲車Skoda

先將行李放低, 再去客運大樓搵Vodafone, 原來分店在第二客運大樓, 買了最便宜的上網SIM咭計劃, 30分鐘通話加1.5G數據流量為500克朗

第二客運大樓亦有KB銀行櫃員機

布拉格機場

終於在二點半出發, 今程第一個落腳點揀咗Kutna Hora, 因為距離布拉格機場不遠, 只有百多公里, 約個多小時車程。今日天氣陰陰沉沉, 間中有雨粉, 天氣係今次旅行最擔心嘅問題, 最怕日日都係呢種梅雨天。由機場到Kutna Hora有大段路都係高速, 但離開公路之後, 景色竟然跟北海道美瑛不相伯仲, 而且往後行程裏, 不時見到相似景色, 原來捷克郊區相當靚, 可惜沿途唔方便停車

今晚住Pension Bed&Breakfast, 地理位置在Kutna Hora舊城入口附近, 門外有私人爛地車場, 怕麻煩唔想揸車入舊城, 要近舊城及方便泊車, 佢係不錯的選擇

房內乾淨企理, 以約380港元來說, 相當抵住

由住宿行過對面馬路就係舊城入口, 城內地圖

行多一分鐘就見到石泉Stone Fountain

出發行舊城已經將近四點, 景點參觀時間多數收五點, 加上天氣差, 城內顯得格外冷清, 所以今日先不急於參觀景點, 只係隨意行下舊城

先往地標聖芭芭拉教堂去

途經中波希米亞州藝術廊外的長廊

長廊上可遠眺城內的聖亞布教堂及意大利宮

聖芭芭拉教堂(Church of St. Barbara)

已列入為世界文化遺產

教堂對面的建築物

聖芭芭拉教堂

中波希米亞州藝術廊

隨影

小城堡(Hradek)

隨影

意大利宮

附近一座好搶眼的建築物

城中的廣場, 內有遊客中心

附近有瘟疫紀念柱(Morovy Sloup)

Church of St. John of Nepomuk

晚餐去咗當地一間著名的古老餐廳Pivnice Dačický, 名字來自一位文藝復興時期的美食家, 餐廳主要提供波希米亞古老菜式, 為當地用膳首選

外內保留著中古世紀特色

待應介紹的本地啤酒, Kutna Hora Larger, 大杯35克朗, 為起12港元一杯, 平過東南亞地區

主菜揀咗買相獨特的烤豬腳Bavarian Baked Fat-Pork Knee, 259克朗, 配有酸菜, 跟德國菜式非常相似

另一個主菜揀咗烤鴨胸Old Czech Goose Breast, 259克朗, 配有捷克饅頭及薯蓉, 呢餐波希米亞菜計落唔駛200港元, 雖然唔算好美味, 但認為好值得一試

在城內再行下, 但係周圍好靜, 都係早啲返歸, 途中再次經過Stone Fountain

今日嘅食住行消費都平過香港一截, 完全唔似歐洲國家, 第一日已經開始感受到捷克好抵玩, 消費完全無壓力, 洗錢都冼得爽手啲 !

上一篇: 捷克自駕遊  行程篇
下一篇: 捷克自駕遊  Day 2