2013德國奧地利自駕遊Day12

2013德國自駕遊 Dachstein Five Fingers

Day 12 - 10月15日 星期二 晴

Hallstatt - Salzwelten Hallstatt (鹽礦) - Dachstein Salzkammergut - Hallstatt  16km

住宿: Gasthof Simony (105歐, 包早餐, Parking 9歐, 大堂有免費Wifi)

旅程中, 能配上豪華住宿當然好, 可惜我們負擔不起, 所以住宿的要求, 最重要是清潔衛生, 價錢合裡, 貨真價實, 但今次的旅館就完全不符合這些要求, 房間殘殘舊舊, 廁所、被舖不太乾淨, 旅館又無招呼, 罅景當湖景, 完全貨不對辨, 可以話係近年住過最差的旅館, 因而令我每次諗返起Hallstatt行程都記起呢間衰嘢

由於被舖不太清潔, 而且有陣怪味, 唔知係唔係咁攪到條頸好痕, 成晚都訓得不好, 唯有早些起床, 趁早餐還未開始, 先到附近湖畔行下, 太陽剛剛升起, 所以山頂有少許日出金光

早餐八時開始, 只供應基本食品, 有位不太懂英語的女外傭負責打點, 收拾及結賬一腳踢

搵笨的房間湖罅景

今日原定第一站是到Dachstein Salzkammergut, 出發前, 先去鎮內兩個較佳影相位, 分別在鎮的南北兩面, 由於住客停車場在鎮的最南端, 所以向北出發, 沿大路往北行, 過了廣場及St Mary教堂, 已經看到美麗的湖畔景色

再過了在山腰處的人骨教堂(Pfarramt)後, 看到有一條上山路, 引不住走上去看看

可惜太多樹木阻擋

Bonehouse就在人骨教堂旁的墓地內

繼續原先所行的路線, 再行上一小段斜路, 就到達一處稍高的轉彎位置, 而湖畔村莊美景就在眼前

之後折返, 回到旅館附近的St Mary教堂

旅館旁就是Hotel Gruner Baum, 是鎮內數一數二的高級酒店

繼續沿湖畔而行

經過旅館主樓的露天餐廳

這棵樹生長得很平面

另一個位於南端的熱門影相位置

鎮的入口有條隊道, 作分隔居民及遊客車輛用, 防止遊客駕車入鎮

這時看到位於山上的鹽礦(Salzwelten Hallstatt)觀景台, 就改變初衷, 決定先去鹽礦, 記得之前看官網介紹這個觀景台時, 除獨有的World Heritage View外, 還有湖景及附近一帶的壯麗山景, 所以當時已經決定了, 如果我們會到鹽礦的話, 就一定選擇Hallstatt的鹽礦

纜車站外觀

短短2分鐘的車程, 來回票加鹽礦入場, 就要索價每位26歐, 十分昂貴, 幸好有個觀景台, 叫做多樣嘢玩下, 另外旅館給了我們一張2歐優惠卷, 不過票務員說只供一人使用

山頂站的景色

離開山頂車站後, 觀景台及餐廳就在眼前

身處觀景台上, 可垂直俯望鎮中心, 及四周的湖光山色, 景色相當美麗

四圍都看到鹽礦大佬的紙板公仔

World Heritage View

如要到鹽礦的話, 還需多行一段路

這群建築物就是鹽礦入口

由左至右是餐廳, 觀景台及纜車站

鹽礦入口

先到入口處check in, 再穿上它們的夾乸衣, 隨身物品及背囊, 可存放在櫃台的大膠箱內, 剛巧遇上一班初中生來參觀, 所以今個Tour超多人

鹽礦入口

套夾乸衣十足監犯衫, 睇下帶頭的團友就知

很快就到達第一關, 木製小滑梯, 看似頗高, 但滑度卻是一般

之後是電影時間, 介紹鹽礦是怎樣形成

行一陣, 就講解下, 再睇下電影

到達第二條更長的滑梯, 可以兩人孖住一齊瀡, 有自動影相, 之後可到商店買回照片

基本上, 個Tour不斷重覆看電影及講解, 充滿教學味, 較適合學生, 加上雙語解說的關係, 所以個tour都幾花時間, 最後評語, 花時間又悶爆!

又講書喇...

最後一關, 亦係最期待一刻, 可以脫苦海, 坐鹽礦車離開

就係咁在鹽礦困咗差不多90分鐘, 奉勸大家, 如果怕悶, 就千奇唔好去鹽礦, 出口會經過商店, 售賣各種鹽類產品

要行回頭路離開

離開前, 急急腳再重遊觀景台, 這裡亦是我們覺得最值得去的部份, 印象中有遊記提過可以步行到這裡, 如對鹽礦沒有興趣, 又想到這個觀景台及慳錢的話, 步行確實是個最佳選擇, 省下的錢可吃一頓豐富晚餐

之後就馬上駕車出發到Dachstein Salzkammergut坐纜車登山, 導航地址是Winkl 34, 4831 Obertraun, Austria, 原定計劃是在這裡玩一天, 因為這裡實在有太多項目, 登山纜車亦分為三段, 而各段有不同遊覽項目, 例如冰洞、石灰岩洞及一堆觀景點, 分佈如下:

各款套票價格

由於時間所限, 我們打算只坐兩段纜車及去3個View point, 分別是Welterbespirale, Five Fingers及新開的Dachstein Shark, 所以只買了最適合的Summit Ticket, 即包三段來回纜車, 每位27歐, 不過我們有旅館送的2歐優惠卷, 今次每位可減2歐

山下的纜車站

第一段纜車, 每半小時一班, 坐兩點正的纜車登山, 途中可以看到對岸的Hallstatt

到站後, 可以緊接轉坐第二段登山纜車

兩段纜車共約15分鐘車程, 就到達2100米高的Bergstation Krippenstein站

Bergstation Krippenstein站

由纜車站行去Five Fingers需時30分鐘, 沿途會經過Welterbespirale

先經過一間小教堂

Welterbespirale

在Welterbespirale上的觀景沒有太大分別

部份路面結了冰, 所以較難行

越接近Five Fingers, 湖景就越廣闊, 連Hallstatt都可以清楚看到

終於到達Five Fingers

原來五指各有特式, 由左至右, 第一指是相框

第二指是透視底

第三指有塊跳板, 但行不到, 都幾無厘頭

第四指有個窿, 試過正面伸過頭落去睇, 但是只是向內睇, 景觀唔掂, 其他方向景觀會好啲, 但又頂屁股唔啱位, 除非用瑜珈, 所以又係無厘頭

第五指得個望遠鏡

Five fingers View

之後再急急腳行回頭路返纜車站

要到新開的Dachstein Shark, 就要重新由纜車站出發, 行另一條路, 本來打算去, 不過來回要1個鐘, 加上條路有冰, 怕趕不及尾班車, 只好放棄

不過還有少許時間, 就繼續坐第三段纜車

Station Gjaidalm

原來全車人都跟我們一樣, 出去望下及影相, 就等下班車回程

由纜車上看到的Welterbespirale

纜車的連接時間配合得不錯, 基本上, 可以一段接一段, 趁有幾分鐘空檔, 走去看看第一段車站外面的環境

山下車站的山景

最後駕車返回Hallstatt, 今次泊車後, Shuttle沒有自動出現, 所以索性步行返旅館, 沿路欣賞風景

湖畔景色

Museum Hallstatt

St Mary教堂的內部

St Mary教堂

晚餐選了Hotel Gruner Baum, 入到去, 等了一陣, 只看到待應喵了我們一眼, 但沒有反應, 心想應該像德國般自已搵位, 當準備行去窗口位之際, 條友就即時走過來講, 這邊全部reserved, 心諗只係五點半左右, 咁快滿, 唯有問佢另一邊啦, 條友先話OK, 但之後再有人來, 另一個女待應就叫人隨便坐窗口位, 根本啲枱就無被人訂, 我們結論是條友仔唔妥我地無知會佢就想入坐, 唔順氣! 最後埋單, 估唔到呢條友仔竟然咁厚顏叫我們比貼士, 儍的嗎!?

今餐飲品點了啤酒Trumer Pils 3.5歐及Weizen Gold 4.2歐

Original Viennese Roast Beef with Crispy Onions and Grilled Potatoes 19.9歐

Escalope Viennese from the Pork with Parsley Potatoes and Salad 15.9歐, 主菜味道一般

甜品Apple Wild Berries-curd or curd-strudel with Vanilla sauce 5.4歐, 蘋果批太酸

Nougat Quark Dumplings with Lemon-Walnut Crumble and Mandarin Sauce 6.9歐

食完飯之後, 再出去影下夜景

之後團友對我投訴這兩天的行程安排很不滿意, 例如昨天原定是遊覽鷹巢後, 就立即到Hallstatt, 行鎮食Tea, 去鹽礦及觀景台, 而今天即應全日留在Dachstein Salzkammergut, 玩冰洞, 石灰岩洞, Welterbespirale, 五指台, 及鯊魚台, 既慳時間慳錢, 又可以順住玩, 就因為自已想隨意玩就攪到行程亂七八糟, 諗落又好似好啱, 所以無得反駁!