2013濟州釜山賞櫻遊Day8上

釜山賞櫻遊  龍頭山公園櫻花

Day 8 - 2013年4月2日 星期二  晴

龍頭山公園 - 扎嘎其市場 - 南浦樂天百貨 - 南川洞櫻花路 - 廣安大橋

住宿: 東橫INN 釜山站1 (Package包的酒店, 包早餐及WiFi)


經過昨天漫長的遠行, 今早訓到最後一刻才起身食早餐, 早餐跟平常一樣簡單, 食完後, 就出發去龍頭山公園

今日亦是買一日票, 乘地鐵1號線到南蒲站7號出口, 再由光復路開始行, 大約十分鐘就到

光復路有扶手電梯直達龍頭山公園

今朝天色麻麻, 雲層非常厚

這裡只有數棵開了花的櫻花樹

可能是旅行團必到的景點, 所以有很多旅遊車泊在這裡, 周圍行下及影下不同角度的釜山塔

又再影下用櫻花襯托的釜山塔

影影下, 竟然個藍天出晒來

另一邊攔杆有好多連心鎖

釜山塔入場費要4000韓元, 我們沒有上去, 只是四周行下影下就算

其中一棵開得最多花的櫻花樹

臨走影返張陽光普照的龍頭山公園相

跟著行下光復路

經過上次食晚飯及食雪糕的舖頭, 補反張相做記錄

然後行返去Piff廣場, 睇下上次食唔到檔糖餅有沒有開檔

見開咗檔, 就買來試下, 味道一般, 偏油, 唔食無損失

明星手印街

行過去對面的扎嘎其市場

外面個街市好大, 沿路有很多攤檔

海葡萄, 在電視見過好多次, 但就未食過, 都想試下

執好一份份, 應該比人整海鮮鍋用

河豚, 唔通上次在錦繡河豚就係食這兩種河豚?

點解韓國有咁多八爪魚

唔知係咪鯨魚肉?

扎嘎其市場

地下果層係海鮮檔, 在這裡可以將買好的海鮮, 再拿去二樓的食檔幫你煮, 不過我們都沒有頭緒又想試下不同食品, 所以沒有買到

二樓係賣乾貨及食檔

去到二樓, 行到第一檔食店, 就看到它放有餐牌, 介紹套餐包什麼食物的照片, 我們本來諗著睇下先再決定, 但亞姐就好落力咁推銷, 用身體語言以及日文單字, 又去食客枱, 攞條魚比我們睇, 咁我們就坐低咗, 其實應該檔檔都差不多

差不多12點半, 個場都無乜人, 亞姐安排咗窗邊位比我地

要咗支韓國啤

點咗個二人套餐, 40000韓元, 前菜有十款

以下三款較少見, 有薰魚

呢個螺仔幾好味

蕃薯仔, 幾甜

海鮮類小食

海腸刺身, 爽爽地咁

海葡萄刺身, 無乜味, 但唔難食

魚片刺身, 有二款魚肉

蔥餅, 似香港的薄罉, 送的

燒秋刀魚, 送的

食到最後, 都巳經好飽, 不過仲有個湯, 就係將我們食刺身個條魚啲骨來做湯, 亞姐問我們個湯要辣定唔辣, 同要幾多個飯, 我們就選擇唔辣, 個湯好清甜, 這餐整體來講都算中上, 食到最後佢間舖都坐滿人咁滯

套餐價錢OK, 亞姐服務態度又好又夠落力, 舖名

之後就落返地下, 市場後面的海邊行下

遠處看到金村文化村, 咁就諗著行下, 睇下可唔可以行到去,  不過行行下, 好似好遠咁, 就無再繼續行, 其實搭的士就最好, 不過在鎮海遇過唔好嘅司機, 唔想搭的士, 最後行咗去扎嘎其站, 再坐一個站去南浦站的樂天百貨, 行下超市睇下有沒手信買下及行下啲舖頭

順便睇下兩點鐘的樂天百貨噴泉Show, 表演時間至20:00, 假日延長1小時, 表演時間是正點, 每次約15分鐘, 位置在Aqua Mall B1 

因為買咗嘢, 所以又返酒店一趟, 順便抖抖, 見個天咁藍, 又再影下釜山火車站及酒店