駕世遊: 塔斯曼尼亞及墨爾本自駕遊 Day 12

墨爾本自駕遊大洋路

Day 12 - 11月8日星期二雨轉晴

Melbourne - Geelong - Great Ocean Road - Lorne - Apollo Bay - Port Campbell (~330 km)

住宿: Portside Motel (AUD125)

今日是在墨爾本的重點行程, 將會開始兩日一夜的十二門徒石旅程, 亦是在墨爾本自駕遊的第一日。一早八點就到達Avis攞車, 本來我預定了Lancer, 但係去到時, 個職員話架車未準備好, 要我upgrade用Camry, 架車巳經準備好, 但唔係free upgrade, 要加多AUD30幾元, 唔係就要等啦....吓!咁都得, 有被"老屈"的感覺, 但因為想早些到達十二門徒石, 為有"硬食"

其實尋日睇新聞巳經知到今明兩天, 維多利亞省的天氣很差, 還有雷暴警告, 所以一早起身, 見到烏雲密佈, 巳經無乜心情, 現在無端端硬食這個upgrade, 更加無心情, 雖然唔係好多錢, 但係唔憤氣囉

由於攞車時巳好大雨, 相都影唔到, 唯有立即出發, 而家泊車的地方巳經到達Geelong

架車就泊在iSite附近, 兩元一小時

在Geelong稍為休息一下, 食個早餐

本來Geelong的行程是安排在明天, 但見天氣稍為好轉, 就去了碼頭附近行下, 怕明天又落雨

Geelong碼頭, 到處都是這類Sculptures

返去iSite攞車時候, 個天好似有少少轉睛的跡象

原本諗住先去出名滑浪的Torquay - Bell beach看沙灘及長海岸線, 最後都係無去到, 反而去了另一個沙灘Urquharts Bluff Beach

順著大洋路方向, 我們到達下一個景點Aireys Inlet Lighthouse, 在這裡我們大約行了三十分鐘

Lighthouse隔離有間Tea house

在燈塔的下方有一處Lookout, 可以看到Eagle Rock

左方小石叫做Table rock

燈塔另一邊的景色

離燈塔大約五分鐘車程, 就會到達大洋路起點, 很多人在此排隊影相, 我們當然唔會執輸啦

這裡可以行落海灘, 還可以望見Aireys Inlet Lighthouse

去Lorne鎮途中, 見到一對鸚鵡, 所以停低影下相

到達Lorne鎮巳經兩點鐘, 比預定時間遲了兩小時

在這裡有一間得獎的Meat Pie店, 順到去試試, 不過我相信它的人氣巳不再, 乜pie都無, 店主話現在只有Chunky steak pie, 午餐就係食佢, 但我覺得味道不好

原本計劃午餐後, 會到這個鎮的Erskine Falls, 但是無時間就放棄了, 就繼續沿路去十二門徒石, 大約五分鐘後, 就到達Teddy's Lookout, 這裡有條小路, 可以行上山, 從高處看海景及沿海山路, 不過我們就無行到

約半小時, 到達另一個Lookout, 天氣開始好轉, 藍天出來了

之後到達Cape Batton Lookout

過了剛才的Lookout, 好快就到達Apollo Bay

在Apollo Bay的沙灘裡, 可以看到東面烏雲密佈

西面就藍天白雲

在到達Cape Otway的分义路上, 忽然看見一隻樹熊橫過馬路, 可惜將車停泊後, 巳經失去蹤影, 由於意外發現樹熊, 原定明天才去的Cape Otway Lighthouse, 就改為現在先去, 由這裡到Cape Otway Lighthouse這段路, 是一處知名野生樹熊出沒的地方

果然真係有野生樹熊

到達Lighthouse, 不過無入去, 因為要收錢, 所以只去了Lighthouse Lookout, 步行約十分鐘

離開時, 又見到樹熊過馬路, 今次可以近距離見到佢, 不過幫佢影完相後, 佢就馬上走人

Castle Cave Lookout

離開Castle Cave Lookout, 好快就會進入十二門徒石國家公園範圍, 首先會到達Gibson Steps

由沙灘望上去, 比從由上而下望向石群, 更加氣勢磅礡

之後終於到十二門徒石

先快看十二門徒石後, 再順路去Loch Ard gorge

匆匆看完這三個景點, 就馬上回到Motel check-in, 向老板娘查詢食飯的地方及餐廳收舖的時間, 因為打算要折返去十二門徒石睇完日落才食飯, 她還告訴我們很好彩, 因為今天天氣報告本來會落大雨, 但是下午開始忽然出太陽, 最後在鎮上揾了間餐廳, order定個pizza, 同佢講九點幾返來攞