北海道之旅 Day 6

北海道之旅  冰湖上浸溫泉

Day 6 - 3月4日 星期四  睛轉陰

阿寒 - 帶廣 - 然別湖

住宿: 然別湖ホテル福原 (Yen 12660 一泊兩食)

部屋: 湖側～本館・和室 包拓殖巴士


今早陽光普照, 好清楚看見整個阿寒湖, 還有一個小帳篷在湖邊

起身之後, 先去浸溫泉, 今早男女湯會互相交換, 頂樓的溫泉為男湯, 而一樓的溫泉為女湯, 相比之下頂樓的溫泉較好, 可惜有一部份正在進行維修

早餐亦是自助餐, 在這個旅程中, 以鶴雅這間酒店的自助餐算最好, 不過之前兩間酒店也很不錯

其中有即制年糕, 有得食又有得睇

有阿寒湖的名物, 綠藻球(まりも)果凍, 上次還是杯裝的, 但現在已經變成"四方果"盒裝

還有波仔豆腐, 付有說明書解說食法, 有得食又得玩, 可惜帶有膠味

由今日開始, 交通安排會以酒店提供的免費迎送巴士為主, 直至到達札幌尾站為止, 今早預約了九點半出發的巴士去帶廣, 尚有少許時間, 再去湖邊影相

迎送巴士九點半準時出發

巴士會在中途停車稍作休息, 中途站是岡女堂本家

到達帶廣的時間大約十二點半

氣溫3度

到達帶廣後, 先找往然別湖的巴士站, 今晚的住宿亦是包含迎送巴士, 不過因為迎送巴士不是酒店自家專車, 只是利用本地的拓殖公司的巴士, 所以到達巴士站時, 要向職員展示跟酒店訂了迎接巴士的郵件, 不過職員跟我們說, 到時直接上車就可以

因為花了一些時間去找車站及確認上車安排, 還要安排到クランベリー本店買甜薯Pie, 所以來不及吃午餐, 只買麵包及飲品作簡單午餐

往クランベリー本店時, 經過元祖豚丼のぱんちょう, 上次去帶廣時食過, 覺得好食, 所以考慮是否再食或試另一間豚丼, 如果有足夠時間的話, 就必定安排今明兩天午餐都食不同的豚丼

經過柳月, 買了三方六蛋糕

路過的居酒屋

六花亭

最後都買到クランベリー本店的甜薯Pie, 會留返今晚消夜才吃

之後就返帶廣站坐一點四十五分的巴士到然別湖, 車程約兩小時, 今次安排去然別湖, 原因是想試下在這個湖中心的溫泉 

巴士在帶廣巿內行駛時, 不時有乘客上車落車, 但開始駛離帶廣巿時, 連我們二人就只剩下三位乘客, 真係估不到會咁少人去然別湖, 越接近然別湖, 天氣就越差, 最後穿過了這條隧道就到達然別湖, 不過周圍都冷冷清清

這裡只有風水及褔原兩間酒店, 風水酒店是在路的盡頭, 較褔原酒店遠少少, 但外表較新

褔原就在隧道出口附近, 而我們選擇了褔原酒店, 因為覺得它比較抵住, 今天住的房間就在大門口對上, 面向然別湖, 不過房間就比較殘舊

安頓好後, 就馬上到湖上露天溫泉睇下, 酒店在大堂放有長膠靴給住客使用, 另外大堂櫃台還有大毛巾提供給住客, 不過要到櫃台領取, 酒店大門口就對正個湖, 而對住個山叫唇山, 當湖沒有結冰的時候, 山的倒影又反影在湖上時, 形態就像咀唇般而得名

過了對面馬路就有條小路去然別湖

條路對正褔原酒店, 比住風水酒店行少幾十米

入口處有間冰屋, 其實係Ice Bar, 氣溫-5℃

冰屋內有個舞台, 入面人影都無隻

還有冰酒吧

冰檯及椅

最後就係湖中心的露天溫泉, 當然係要浸下喇, 浸浸下有幾個觀光社的人, 好似做緊考察咁, 又問下我們由那裡來

有男及女更衣室, 男女有不同浸浴時段, 再浸浸下時, 又有一班大嬸來了

圍住溫泉的冰磚, 已經融化了很多, 唔知係唔係無人來, 所以無做保養？

外圍的冰磚都融化到連個浴缸都見到

有兩個大浴缸, 對住唇山

由這裡可以看見風水酒店

及福原酒店, 而成個湖區就係咁大喇

之後再返酒店浸過

內湯

露天風呂, 對住馬路及湖

返房休息及食下溫泉酒店小食

發現枱上的介紹資料, 說客人可以使用風水酒店的溫泉

當然唔會放過機會去睇下, 立刻到大堂跟職員說, 我們想去風水酒店浸溫泉, 她就會比張紙我們作為入場之用, 去到風水酒店, 將張紙交給職員, 就會指示我們浴場的位置

更衣室

內湯

露天風呂, 溫泉水是帶鐵質的

對正個湖, 景色比福原的溫泉好, 私隱度較高

浸完後, 亦在這裡行了一陣, 不過這邊好像更加少人住, 最後就返去自己的酒店食晚餐, 不過最奇怪係, 我們由坐車, 浸溫泉, 出出入入十幾次時, 人影都唔見, 但到咗食飯時, 竟然出現三、四十個人係到食吃飯

今晚晚餐的菜單

十勝牛

飯後又再去冰屋, 今晚有個小形演唱會

夜晚跌到落 -10℃

Ice Bar

冰吧有人開工喇

¥500一杯, 比多¥500就有個冰杯用

冰杯

有個小形演唱會, 應該所有旅客都聚在這裡

返到酒店, 大堂還有熱牛奶供應, 可以飲杯暖下身, 都幾有心的安排

仲要食埋今日下午買的甜薯Pie, 無上次咁好味, 可能凍冰冰的關係