【台北宜蘭自駕遊】Day3 宜蘭蘇澳

台北宜蘭自駕遊  宜蘭蘇澳

Day 3 - 9月27日  星期四  大雨

行程: 五結鄉 - 宜蘭冬山伯朗大道 - 祝大漁物產文創館 - 豆腐岬 - 賊仔澳玻璃海灘 - 內埤海灘 - 南方澳漁港 - 廖榮川米糕 - 阿通伯魚丸 - 天然手作 - 南方澳觀景臺 - 蘇澳冷泉公園 - 蘇澳  40km

住宿: 蘇澳煙波大飯店 (雙人客房, 包早餐, 每晚4000台幣)

第二日民宿早餐, 基本上大同小樣, 但依然食得滿足舒服

臨走前在露台小休一會, 天色似乎有所改善, 希望持續好轉

民宿附近有條冬山伯朗大道, 順路去埋後再落蘇澳, 但沿路無合適位置泊車, 結果駛過伯朗大道後, 就直蹦南方澳漁港

位於蘇澳的南方澳是台灣三大海港之一, 內有有三個漁港, 南方澳大橋下方是第三漁港, 接落就是第一漁港(又叫蘇澳漁港), 然後是第二漁港(又叫內埤漁港), 再落就是內埤海灘

來到南方澳後, 先去最方便泊車及位於第三漁港內的祝大漁物產館

門外的裝飾

館內的擺設及順道買下土產做手信, 裡面的罐頭及海鮮土產都幾抵買

對開的第三漁港環境

然後經南方澳大橋駛去豆腐岬及豆腐岬海灘, 天氣差令豆腐岬海灘睇落更加流

大石後面有收費停車場

海灘東側盡頭就是豆腐岬

好似就係海岸邊呢幾嚿礁岩似豆腐而被銘名為豆腐岬, 颱風關係, 海邊風浪極大, 是是旦旦影完相就即刻走人

跟著去埋賊仔澳玻璃海灘, 海灘入口在村內, 兜來兜去都無好位泊車, 最後泊在第二漁港內埤路的街位, 再行上去

要去賊仔澳玻璃海灘, 入村後再要上一段斜路, 將近到海灘入口有個私人車場, 如果早知有得泊車就好

山坡頂係海灘入口, 從高處望落去的賊仔澳玻璃海灘

山邊有條設有鐡縺扶手的窄狹小路, 可經由此路爬落海灘

行咗一段, 見到全個賊仔澳玻璃海灘都被海浪覆蓋, 加上條路比較濕滑, 又幾斜下, 都係放棄走人

其實在山頂及中段影到個景好似一樣, 自我安慰咁話無爬落去真係個正確決定

然後轉往內埤海灘

內埤海灘一帶, 有幾間休閒咖啡店

內埤海灘

北濱公園

天氣唔好, 都係行下漁港及早啲去飲飲食食, 沿車路行去南方澳三個漁港

來到同伴介紹的廖榮川米糕, 未到十二點, 已經有不少人排隊

米糕(35台幣)及排骨湯(55台幣), 食物簡簡單單但相當好味, 米糕併排骨湯, 原來是絕配

南天宮

轉戰到天然手作食甜品

店內每日只有一款雪糕, 是日款式是百香果雪糕, 另點火龍果沙冰, 各70台幣

最後殺埋南方澳阿通魚丸

門外放了大量煙燻鯊魚製品

菜單款式

點了飛虎魚丸湯(30台幣), 小綜合拼盤(100台幣), 青菜(30台幣)及滷肉飯(20台幣), 飛虎魚丸質感粉散, 煙燻鯊魚拼盤味道一般, 加上食完呢餐頂到上喉嚨, 所以更覺普通

填飽肚皮後, 天氣再次轉差及落雨, 好後悔之前行路過來, 而家要急步行返去第二漁港才可揸車走人

按計劃去埋南方澳觀景臺, 不過條路唔太順, 入觀景臺只能由北行線進入, 南行線要行一大段路再回頭, 除非偷鷄切雙白線入觀景臺, 當時見附近有警車, 不能即時偷鷄切線入觀景臺, 好彩過幾分鐘車程後有另一個位置可偷鷄掉頭。到達觀景臺後不到五分鐘, 大雨又來了, 影完到此一遊相後, 又要快閃

唯有先到酒店check in, 估唔到二點鐘都未可以攞房, 職員給了我們一張地圖, 叫我們先在鎮內行下, 房間準備好後再電話通知, 結果都係三點後才有房

好冷清的蘇澳車站

車站附近的一條食街, 比較蕭條, 無乜舖頭開門

豆腐乳冷泉窟

手動水井口, 唔知點玩法

冷泉入口, 地洞裡面有個亞姨洗梗衫

阿里史冷泉公共浴室

蘇澳冷泉公園

三點鐘收到電話可以check in, 攞房時訂埋酒店晚餐, 今晚入住蘇澳煙波飯店的山景房, 房內空間幾闊落

房內的冷熱風呂, 但風呂太深, 出入要格外小心

下午繼續落大雨, 唯有浸下溫泉、嘆茶、食小點及影下戰利品

房價包早餐及紅酒乙杯

祝大漁物產館所購買的部分手信

三星葱文化館所購買的手信

金車威士忌酒廠所購買的威士忌

第一天在機場買的徽章

上網卡

入黑時到頂樓的川原天幕露天池睇下及飲酒店送的紅酒

唔飲紅酒, 可以轉換為果汁

頂樓的卻書閣

酒店大堂

未到晚飯時間, 到附近的超市打發時間

今晚訂了酒店的日出晚餐

日出套餐有五道菜, 每位1080台幣及加一服務費, 另有本書仔介紹每道菜式, 前菜

餐湯

用凍啫喱包著蕃茄

加入熱湯後啫喱隨即溶化, 帶出日出意境, 頗為特別

沙津

有三款主菜供選擇

櫻桃鴨

牛排各一

最後是甜品, 呢餐味道非常普通, 簡單講好睇唔好食, 加上招呼我們的部長同侍應有啲拗撬, 搞到氣氛唔太好！

上一篇: 台北宜蘭自駕遊 Day 2
下一篇: 台北宜蘭自駕遊 Day 4