2019年6月7日 星期五

【台北宜蘭自駕遊】Day1 台灣宜蘭

台北宜蘭自駕遊  台灣宜蘭

Day 1 - 9月25日  星期二  多雲有雨

行程: 香港 - 台北 - 宜蘭 - 八甲魚場 - 丟丟噹森林 - 宜蘭行口 - 幾米主題廣場 - 幸福轉運站 - 宜蘭轉運站 - 饗宴互動式鐵板燒 - 五結鄉  154km

住宿: 旅樹Tree House (地下雙人客房, 包早餐, 每晚2600台幣)

早排睇電視旅遊節目介紹宜蘭櫻桃鴨及三星葱, 勾起旅行隱, 所以立即行動, 連中秋及十一兩個假期加請三日年假安排一個七天宜蘭小旅行。今次亦選搭國泰, 雙人來回台北機票連稅為3228港元, 早去早返算係平, 去程坐08:05機, 毋須到衛星大樓等登機, 而是由接駁巴士載到飛機處直接登機
國泰袋裝飛機餐, 個雞卷都幾難食, 加上已經在Lounge食過免費早餐, 要放棄它
早上人少, 過關好快, 先去中華電信店為舊有的電話卡增值, 但已經不再接受增值, 要買新卡, 七日期每張500台幣
然後去格上攞車, 格上租車在機場大樓有櫃台, 辦好手續後, 職員就帶我們到對面遊客中心坐下等候, 職員把車駛來後, 再帶我們到門口取車
今次租用本田Jazz, 台北機場取車, 北市心還車, 四天車租為8060台幣
十一點多出車, 直接前往宜蘭縣員山鄉八甲魚場餐廳食午餐, 今個旅行天氣好差, 超級颱風山竹過後, 以為可以有一段藍天日子, 點知又有另一個颱風潭美形成並逼近台灣, 所以整個宜蘭行程都被吹散, 好多行程都去唔到, 睇來要再去多次宜蘭。由機場到宜蘭縣員山鄉, 車程約一個半小時, 沿路雨勢時大時細, 落過不停, 幸好到達八甲魚場時, 變為濛濛細雨, 勉強不用開傘
八甲魚場是個香魚養殖場, 佢個網站簡介話香魚年產量高達一百公噸, 為90年代全台香魚產量最大的養殖場。魚場餐廳一樓主要招待團客, 我們被安排到二樓, 今日下午只有我們一枱散客
除即奉上餐前小食竹旬, 收40台幣
魚場餐廳有套餐選擇, 不過只想食主打香魚又唔想食太多, 所以決定點個湯加幾款香魚做午餐, 鳯梨苦瓜雞湯小份(280台幣), 清清甜甜送魚好配搭
主角每人一條椒鹽烤香魚, 每條100台幣
味噌一葉烤香魚, 每條150台幣
以及椒鹽烤卵香魚, 每條180台幣, 各款香魚唔算好突出, 反而個湯清清甜甜幾好飲, 有驚喜!
餐後甜品有免費啫喱
餐廳入口設有魚場產物店
餐廳外的池塘, 行近時就有好多錦鯉魚蜂擁而上, 同時口擘擘等食, 好玩
餐廳面向池塘方向的外觀
另一邊是魚塘, 除香魚外, 並有養殖鱘魚
跟著下一站是宜蘭火車站, 宜蘭市觀光地圖列有不少景點, 要行晒一日未必夠, 所以只集中火車站周邊幾個景點, 有丟丟噹森林、宜蘭行口、幾米主題廣場和幸福轉運站, 地圖亦列有火車站斜對面, 即丟丟噹森林旁有個停車場
我們亦是把車泊在這個停車場才到幾個景點走走看看, 各個景點離停車場約五至十分鐘步程, 位置方便又好泊, 由兩點半泊到四點多, 收60台幣
停車場與丟丟噹森林之間的咖啡店
丟丟噹森林廣場
廣場上有個小平台作為觀景台
森林廣場頂吊了一列幾米星空號火車, 男女主角坐火車上, 入夜後廣場及星空號火車會亮燈, 晚上來應該會好夢幻
宜蘭車站, 屋頂上的長頸鹿亦是來自幾米繪本『走向春天的下午』
車站右邊是宜蘭行口, 由台鐵車站舊倉庫改建成為藝術場所及二手書店
書店
往車站左邊方向行就是幾米主題廣場
廣場簡介
來到『向左走向右走』的男女主角塑像時, 剛巧出現一陣短暫陽光
幾米廣場外的環境很不錯
而幾米廣場斜對面就是幸福轉運站
裡面有個兒童遊樂場, 長頸鹿鋼架及大象滑梯非常有趣
幸福轉運站內的大型波波池
右邊還有幸福販賣所
有很多本地設計的產品, 價錢亦不貴, 可以盡情購買
小巴亦印有同樣圖案
順道去埋宜蘭轉運站捉隻宜蘭超夢夢
下午茶時段打算飲北門綠豆沙牛乳, 但因為昨天是中秋節假期, 今天改為公休, 摸門釘情況下以一芳果茶做替代, 大杯裝60台幣, 只是香港價錢的一半
及食正好鮮肉小籠包, 但亦因公休改以路邊貨車檔的菠蘿替代, 80台幣一大袋, 味道香甜, 可惜不夠冰凍
大約五點到達位於五結鄉連住兩晚的住宿 - 旅樹民宿, 我們所訂的是地面客房, 面對一個小池塘, 景色幽美, 略嫌房間稍為狹小
民宿外觀, 門外有六個泊車位, 泊車方便
由門口到主樓的木棧路
行入主樓就是早餐區及接待處
午餐時決定今晚食鐵板燒, 試下致電訂饗宴互動式鐵板燒食無菜單鐵板料理, 饗宴在宜蘭排名極高, 估唔到可以訂到即晚, 宜蘭似乎好興無菜單料理, 好多食店都做Omakase, 饗宴只有幾個不同價位的套餐選擇, 我們選了每人2500台幣的套餐, 另收加一服務費。今晚在二樓獨立房食晚餐, 我隔離坐咗個疑似江湖大佬帶兩個手下食飯, 有些少唔聚財。晚餐菜式:
1.水果及堅果
2.紅喉魚生片
3.香煎海蝦, 每人兩只, 大小各一
4.鐡板帶子
5.櫻桃鴨片
6.鐡板紅喉魚, 師傅正在煎紅喉魚
紅喉魚分成四份, 每條開邊再分上下份, 一般雙人分一邊二份
7.生煎鮑魚
8.野生鰻魚, 煎好後大縮水但魚肉非常QQ唷
9.鮮湯, 主厨話以羊肉加上鮮魚肉煮湯, 從而提高鮮味
呢件和牛粒是Service, 係江湖大佬話分量太大, 叫主厨將每塊牛扒減三分一, 然後主厨及二厨就將其切成牛粒, 再分給同枱客各一粒, 其餘部分就俾主厨及二厨密密食晒
10.牛肉片包鵝肝
11.洛神鳯梨汁
12.香煎牛肉粒, 分量少, 加上碎濕濕, 極之樣衰的一道菜
13.海膽烤龍虾, 跟煎紅喉魚一樣分成四份, 每隻開邊再分上下份, 一般雙人分一邊二份
14.鮑魚肝加櫻花煆炒飯, 是全晚最好味, 其餘所有菜式只是一般, 五分最高我覺得只值三分
兩小時的主餐食完後, 就轉移到甜品區食自選甜品及飲品
15.西瓜汁, 櫻桃鴨芝士蛋糕及焦糖烤蘋果捲
餐廳地下環境
放置了不少名人簽名碟
餐廳外觀

下一篇: 台北宜蘭自駕遊 Day 2

1 則留言:

  1. 鍾意個遊樂場和餐廳外觀好靚!
    仲睇到好肚餓

    回覆刪除