駕世遊: 【極地極晝格陵蘭之旅】Day6 探索海上冰山夜遊團Iceberg Sightseeing

丹麥及格陵蘭之旅探索海上冰山夜遊團Iceberg Sightseeing

Day 6 - 7月3日星期二間中天晴

行程: Ilulissat伊盧利薩特 - 黄線步道 - Iceberg Sightseeing

住宿: Icefiord Apartments (1155克朗)

今日只有一個既定行程, 就是出發前已經報了名的Iceberg Sightseeing, 或者稱它為探索海上冰山夜遊團, 賣點是日落加冰山的美景, 可惜七月是全晝月份, 好天氣的日子, 即使午夜時份, 天色依然光猛, 日落不太明顯, 所以多數看不到冰山加日落的美景。今朝訓到晏一晏, 食完剩低的少許食物做早餐, 就出去再搵食

外面天氣相當好, 藍天薄雲, 好自然就行去教堂一帶

教堂附近岸邊擺放了一排排的獨木舟, 而對出海面已經有人進行獨木舟活動

今晚參加的Iceberg Sightseeing Tour就是乘搭這款船, 上層是觀光層, 但非常迫夾

今日浮冰數量多了很多, 有部份飄上岸邊, 可以親手接觸一下萬年浮冰

位置方便的觀景櫈, 可以坐著欣賞浮冰美景, 非常滿足

隨影

天氣太好, 决定去Cafe Iluliaq食午餐後, 出發行黄線步道

餐廳有本地麝牛做的漢堡Musk-ox burger (145克朗), 麝牛肉質比較鞋, 無乜牛味, 不過叫做試下本地麝牛

Fish & Chip (89克朗), 塊魚炸到好乾

返公寓換鞋出發, 順道帶同伴去睇昨晚PK現場, 昨晚發現公寓附近有張觀景櫈, 有個遠海景

公寓路口的商店及Hostel

今次反方向行黃線步道, 由電廠開始, 由公寓出發, 沿途海邊真係多咗好多浮冰

途經酒店上下網, 門外停泊了酒店的迎送小巴

有間水療中心Icefjord Wellness

行落去睇下, 個景好正

沿海邊行走, 各種形態的浮冰在海飄浮

好清晰的倒影

由公寓行到黃線步道, 約需半小時, 呢邊黃線起點在電廠旁邊的木樓梯, 電廠有個觀景台, 在相片中右邊下角

呢幅相由木樓梯頂影, 可以更清楚看到黃線步道的環境

其間有架水車來放水, 唔知係咪污水, 如果係就真係幾差勁？

黃線步道全長2.7公里, 官方預計須時約1.5-2小時, 我們下午兩點在電廠開始行, 大約用了兩小時多完成。起點的四面景觀

可惜當時天色漸轉有雲, 遮蔽大半藍天

沒有煙囪, 感覺更自然

好快到達因紐特人的舊屋遺跡

沿途被幾座大冰山迷著, 不時停低影了又影

約一半路程, 開始有上坡路, 但路不長, 不會太辛苦

到達第一個山坡頂, 景觀變得開揚了

向左邊望過去的小海灣是昔日的伊盧利薩特居民定居地Sermermiut

往右邊望去是我們行上來的路, 途中遇到兩對遊客, 依然停在兩個較好位置亨受寧靜美景, 我們發覺來伊盧利薩特的遊客都比較獨, 大多數都不願打招呼！

繼續行上另一個山坡頂, 景觀更加開揚, 看似是附近一帶最高點

往右邊望是電廠的方向

往左邊望是Sermermiut方向

後面的彩色房屋是伊盧利薩特鎮其中遠離海邊的區域, 藍線步道的終點

身處山頭上可看到更多冰山, 不過都以遠景為主, 要用長鏡才拍到冰山感覺

這裡便可看到藍線木棧道, 而相中間位置是藍線的觀景台位置

多影幾張冰山相後, 繼續行程

最尾一段路慢慢遠離海岸, 景色以山景為主

看見墓地, 即代表差不多到達終點舊直升機場

返回公寓路上, 順道入郵電局八掛, 其中一套四款的格陵蘭郵票, 非常精美, 只售40克朗, 啱晒送給姪女

體育館附近有Cafe廣告板, 影著門口有個大雪橇及大郵箱, 就醒起要去睇呢個聖誕老人地標, 但搵來搵去都搵唔到, 原來被幾個貨櫃遮著

聖誕老人雪橇及大郵箱慘被違棄在地盤及貨櫃之間

經過油站時, 看見背後山坡上有張櫈, 上去睇下

山坡頂好似係學校, 而山坡後是小鎮遠離海邊的區域

這裡可以由左至右, 睇晒沿海的大半個伊盧利薩特鎮

小休後, 出去公寓附近的雜貨店行下, 裡面好似廿年前啲香港公屋雜貨店咁

行下超市

收獲有10支裝mini雪條, 41克朗, OK抵喎！

6條香蕉, 25克朗

今晚食自煮蘑菇意粉

之後出發參加十點鐘Iceberg Sightseeing, 九點四十五分到WOG門口集合, 活動約2.5小時, 收費每位650克朗。人齊後領隊就車大家到碼頭, 船隻第一層是船艙, 上層舺板好迫夾, 只有一排木櫈, 活動空間有限, 登船後大家都馬上坐在舺板上的木櫈, 佔據好位置, 但不久領隊就叫所有人到船艙, 點知講完五分鐘的briefing就解散