2013濟州釜山賞櫻遊Day8下

釜山賞櫻遊  南川洞櫻花路

Day 8 - 2013年4月2日 星期二  晴

龍頭山公園 - 扎嘎其市場 - 南浦樂天百貨 - 南川洞櫻花路 - 廣安大橋

住宿: 東橫INN 釜山站1 (Package包的酒店, 包早餐及WiFi)


在酒店休息咗一陣先至出發去南川洞櫻花路, 它位於廣安里的海景住宅區內, 結果攪到四點幾先去到, 坐地鐵到2號線的南川站後, 由1號出口離開, 向前行就見到Harley電單車行, 轉入這個路口行十分鐘左右就可到達

見到這座住宅大廈就差不到喇, 今日下午天氣非常好, 但估唔到之後會刮起大風及落驟雨

再向前行已經開始有櫻花

轉入住宅區內就仲多

嘩! 個停車場入面周地都係櫻花瓣

所有櫻花樹都滿開咁滯

啲花瓣多到....

樹下面都一樣

跟著就行入住宅區內的第一條馬路(在下面地圖以藍線表示), 兩旁馬路種咗好多櫻花樹, 可惜馬路有好多車來來往往

呢段時間嘅陽光好柔和, 影相一流

等咗好耐都無乜機會可以走出去馬路中心, 影下成條櫻花路

行到馬路盡頭再折返, 呢邊影一樣咁靚

跟著再行入多一條街(在下面地圖以紅線表示), 呢條內街就係南川洞櫻花路, 馬路兩旁都種咗好多櫻花樹, 不過啲櫻花樹就茂盛到遮晒條馬路, 亦一樣係車來車往

稍為有風吹過, 就落櫻花雨, 唔怪得周地都係花瓣啦!

住喺到真係正

下圖是以上櫻花路的位置

之後再行去住宅區外的海邊, 原來有條散步小路及單車徑, 好多人散步及踏單車

仲對住條廣安大橋, 個景仲好過由廣安海水浴場(沙灘)嗰邊睇

原本打算行完就坐的士去疑似金井山櫻花路(即蓮堤區蓮山洞山一帶), 可能因為唔太再想幫襯的士, 加上見呢到都幾舒服, 坐落又唔想郁, 就決定再坐下, 等夜少少影下廣安大橋嘅夜景, 再繼續行去廣安沙灘, 不過坐坐下, 天氣開始變差, 又大風又開始落雨, 咁就拿拿淋走人返去地鐵站先, 沿途啲風吹到周圍都係櫻花瓣, 好正呀, 都要攞部相機仔出來影下

入咗地鐵站之後, 正猶豫究竟返酒店好, 定係坐一個站去廣安站再算, 最後決定去廣安站睇下再諗, 橫掂都係用一日票, 去到廣安站, 見啲雨細返咗, 咁就繼續行去廣安沙灘, 沙灘周圍有好多咖啡店, 環境都幾好, 可以對住個沙灘飲咖啡

我們先去附近搵下有乜好食, 正無頭緒之際, 又見到同機的老夫婦正從一間海鮮燒烤店出來, 之前見佢地啲資料好似好齊全, 相信佢地做足資料才選擇這店, 咁就決定跟佢食, 有咗決定後就落去沙灘影下橋景

見個天仲未黑晒, 就去買返罐熱咖啡, 邊飲邊等

個天黑晒之後, 影多一陣就去食飯

食晚飯嘅海鮮燒烤店

店內

點了一個貝殼類套餐, 有2隻巨型帶子, 10隻扇貝, 五花腩, 一條香腸, 一盆芝士年糕之類, 及一包八爪魚, 個餐要40000韓元, 都幾好味及抵食

隻巨型帶子最好味, 個size同個錫紙盆(Size類似焗豬飯咁大)有得揮

餐廳內有個女侍應, 在外國住過, 所以英文好好, 佢教我地加芝士同海鮮一齊燒來吃, 咁食又真係好味啲喎

食完後再追加, 蝦(本來想叫龍蝦, 不過無貨)及鰻魚(原本以為係釜山出名的盲鰻魚), 雖然味道唔錯, 但就唔抵食, 早知就唔追加, 搵另一間食多餐消夜仲好  

最後埋單要80000韓元

沿路欄杆

食店資料及位置