2013濟州釜山賞櫻遊Day7下

釜山賞櫻遊  鎮海軍港節

Day 7 - 2013年4月1日 星期一  晴

余佐川 - 慶和火車站 - 鎮海軍港節 - 帝皇山公園 - 余佐川夜櫻

住宿: 東橫INN 釜山站1 (Package包的酒店, 包早餐及WiFi)


返到鎮海站之後, 就去搵免費巴士到下站海軍學校, 參觀鎮海軍港節, 巴士站就在鎮海站對出條馬路附近, 就在這個牌位置排隊等巴士, 不過都幾多人等

等候巴士時, 見有檔賣烤栗子及銀杏, 就買咗包烤栗子, 要5000韓元, 不過完全唔好食, 又硬, 應該係唔夠熟, 而且一啲香味都無, 比起在濟州食到的粟子, 簡直差天共地 

由於都有幾多人等巴士, 所以上唔到第一架巴士, 又唔知幾時有第二架, 咁啱又見到有架白牌車好似兜客去海軍士官學校, 正想去問之際, 佢就滿人開走, 好彩唔係等咗好耐, 就再有車來, 其實我們都不知道邊個站落車, 諗著好多人都去, 到時跟人落就可以

坐咗兩三個站, 就有小部分人落車, 諗著應該無咁快, 又見好多人都無落車, 咁就繼續坐, 不過再過咗一個站, 就聽到有個韓國人不斷同個司機講嘢, 越講越大聲, 直頭係炳個司機咁, 咁就行前睇下乜事, 咁啱又有個講國語的女士同我講, 佢話去海軍士官學校就應該在之前個站落車, 個韓國人就係咁炳緊個司機點解唔講, 因為之前個站跟這個站的距離好遠, 最後個司機被個韓國人炳到要揸返去之前個站, 勁

架車返到去, 幾乎所有人都落車, 咁我們就跟人潮一齊行, 睇返落車位置離鎮海站, 行路最多10分鐘, 我們等加坐, 幾乎用咗一個鐘

落咗車, 仲要行多幾分鐘, 沿途都係有好多櫻花樹

大約五分鐘, 就到海軍士官學校門口, 原來仲要排隊坐別外一架巴士

最後剛剛上到第二架巴士, 原來要收費, 每位1200韓元

海軍士官學校門口

海軍士官學校門口條大馬路都有很多櫻花樹

我們幾乎係最後的乘客, 所以企在車頭位置

上車後, 車會先兜入去泊軍艦的地方, 但是就不會停站, 不過聽到工作人員同其它乘客講, 回程時, 巴士會停站的, 我們當然不識聽韓文, 但是從他們的手勢估出來的, 估中晒

大約十分鐘車程, 到達後, 門口有攤位可以排隊借軍服來影相

好似有電視台借衫拍片

第一站去睇這艘古代戰船

再沿人潮方向一路行一路睇, 同去參觀香港解放軍營好相似, 不過就無咁逼人

見人提及過這款櫻花餅好好食

周圍都種咗櫻花樹, 環境真係幾好幾舒服, 仲有海軍學生幫遊客影相添, 如果香港有類似地方, 肯定逼爆

跟著坐巴士回程, 又要收車費, 每位1200韓元, 中途去泊軍艦的地方停車, 大多數人都會落車, 一場來到, 都照去睇下軍艦

軍艦上不可影相

行完一圈就等車走人, 不過今程就不用再付車資, 由於差不多到關門時間, 所以非常塞車, 最後工作人員封咗對頭線比巴士行, 總站在海軍士官學校門口 

落車後, 沿軍校馬路直行就是往鎮海站的方向, 行去下一目的地 - 帝皇山公園

經過在軍校入面賣櫻花餅的餅店, 入去食個Tea及小休一陣

買個櫻花卷及凍latte, 蛋糕味道一般, 個凍latte, 就好似水一樣, 無味

間餅店好似有啲名氣, 曾經上過電視

一直行會經過兩個迴旋處, 第二個迴旋處就係鎮海軍港祭會場

在附近一帶行下

又係有好多食檔

軍港祭會場, 遠處山上的塔就係鎮海塔及帝皇山公園

會場上有肚皮舞表演

由會場往帝皇山公園方向行, 會經過鎮海郵局

帝皇山公園

到達纜車站已經差不多六點鐘

無坐纜車, 選擇行365級梯級上山, 沿途可以影下纜車, 原來只有這兩卡纜車上上落落, 仲逼滿人 

行完365級

剛才參觀的古代戰船

山上環境

上塔頂係免費, 可以行樓梯或排隊搭電梯, 不過好似要行成十層樓

上面可以360度睇晒鎮海, 向海一面

安民道方向, 可以見到周圍都有好多櫻花樹 

慶和站方向

鎮海站及余佐川一帶

軍港祭會場方向, 個個方向都見到有好多櫻花樹

係時候落山, 返余佐川睇夜櫻

沿途再影下夕陽下的纜車

返到余佐川, 發現新小食, 炸米棒?

嘩! 原來係人蔘天婦羅, 已經夠補啦, 再炸埋, 一入口, 分分鐘即刻標晒鼻血呀!

余佐川夜景, 晚上的人潮比今早更加多

最後行返去市外巴士總站, 坐八點幾車返沙上站, 可能行咗成日關係, 這段路好似漫漫長路咁, 好彩唔太多人等車, 等咗約20分鐘就上到第二架車

回到沙上站巳經差不多十點, 就轉地鐵到西面站, 食返個"晚"晚餐, 目的地是豬肉湯飯一條街的浦項食堂(포항식당)

3500韓元一碗, 相當低食, 味道也不錯

附近幾間豬肉湯飯店

位置